HAPPY PASSOVER 2024! (HERI YA PASAKA 2024)
BWANA YESU ASIFIWE, nawatakia pasaka njema. Neema ya MUNGU
iwaokoe na mliookolewa msimame imara na kuendelea kumtegemea YESU WA NAZARETI
kama yeye ndiye BWANA NA MWOKOZI wa maisha yako kiimani na kimatendo. YESU
aliyejitoa sadaka kwako ili upate kukombolewa na kuwekwa huru karibu anarudi na
atakuja kuwachukua wale waliomkubali na kumkiri, sasa kama alikupenda na
alijitoa ili upate kuokolewa basi mpokee leo, mkiri kama BWANA NA MWOKOZI wa
maisha yako na umkatae shetani ambaye hakupendi bali anatafuta wa kuchomwa
pamoja naye ule mwisho wa dunia.
Mrejee YESU anakupenda na anakuhitaji Sema: BWANA YESU
naomba unisamehe dhambi zangu zote, nimekuwa muda mwingi nikiishi maisha
yasiyokupendeza wewe ila leo nimegundua kuwa unanipenda na ulijitoa kwa ajili
yangu mimi ili nipate kukombolewa na kuwekwa huru niweze kukufuata na hata
kuongozwa na wewe katika kuishi maisha matakatifu yanayokupendeza wewe,
ninaomba ufute jina langu kwenye kitabu cha hukumu na uandike jina langu kwenye
kitabu chako cha uzima wa milele. Naomba BWANA YESU hata utakaporudi na mimi
niwe moja wapo wa kunyakuliwa na wewe, ninakupenda BWANA YESU. Amen!
HERI YA PASAKA NA NINAWAOMBEA BARAKA
TELE KUTOKA KWA BWANA YESU MWOKOZI WETU!
PROPHET
AND APOSTLE HEBRON WILSON KISAMO.