DHAMBI NI NINI? (Kwa nini inamfuatilia mwanadamu tu)

 

Zaburi 32:1-2 na 1 Yohana 5:17-18

 

Bwana YESU ninakushukuru kwa mda huu tena, Nakushurkuru kwa Neno lako ambacho ni chakula cha roho zetu ulichokiandaa kwa ajili ya kulisha kondoo zako ili wakapate nguvu ya kufika mbinguni na pia nguvu ya kuishi hapa duniani kama upendavyo kwa utukufu wako MUNGU. Nikiendelea kuharibu yale mabaya juu yao na kuendelea kuondoa kila kilicho kinyume na mpango wako, MUNGU wewe ni mwenye nguvu na hakuna aliye Zaidi yako, nimeuona mkono wako toka  kipindi cha akina Musa na manabii na hata ulipokuwepo YESU na bado utaendelea. MUNGU ninakutukuza na ninakubariki.

Dhambi ni nini,  ni vizuri kujua dhambi ni nini na ipo kwa ajili ya nini inamtaka nani na ila  lengo gani na kwanini dhambi isimfuate mbuzi, ng’ombe au samaki  wa baharini? Kwa nini imchague mwanadamu? Jiulize!

 

Neno la MUNGU:

Biblia inasema heri asiyehesabiwa dhambi na kusitiriwa makosa yake, na kwanini haijasema jambo jingine?Unapokuja kanisani kabla ya ibada unaanza kutubu dhambi kwanza au hata ukiwa unataka kumwomba MUNGU unaanza kwa toba ndipo unamwomba MUNGU. Je! Kuna nini katika dhambi?

Bwana YESU asifiwe, kabla ya kuanza ibada mlitubu dhambi, kwanini mlitubu? Au kwanini tunatubu? Wanadamu wanaona kutenda dhambi au kufanya dhambi au kuwa na dhambi ni kitu cha kawaida ila yatupasa akujiuliza kuwa hii dhambi inatoka wapi? Chanzo chake ni nini? Dhambi ni uchafu ambao uliletwa na ibilisi ili kuwachafua wanadamu ndio maana tunapomwomba MUNGU atusamehe, tunaomba utakaso (kusafishwa). Tunapoomba kusamehewa dhambihuwa tunaposema tusafishwe dhambi zetu, kwanini tusiseme tusafishwe jasho au kuogeshwa mwili,kwanini tunaomba kusafishwa na  hata YESU alikuja kutusafisha dhambi, na MUNGU aliweka sheria zake na shetani alizivunjakwa sababu yeye alimwasi MUNGU na anataka wafuasi wa kwenda nae motoni na ndio maana hata mwanadamuwanapenda dhambi sana kuliko kuipenda sheria ya MUNGU, kwa sababu wengi wao wametekwa na Shetani ila dhambi ina madhara makubwa sana.

 

 Mtu akivunja sheria hapa dunia, ambayo imewekwa na kaisari au taifa  Fulani atapelekwa mahakamani kwa sababu ya kuvunja au kukiuka kipengele fulani na atahukumiwa kwa kifungo cha mda Fulani mfano mwaka, miezi sita au kutozwa faini na pia MUNGU anaangalia sheria, na amri alizowawekea wanadamu ili wazifuate na Sheria hizi zimewekwa ili wanadamu wasitende dhambi.Hivyo basi ikiwa kuna sheria za Kaisari na za MUNGU basi ya MUNGU mpe MUNGU na ya kaisari mpe kaisari.MUNGU anangalia sheria zake ili azitimize, hata hivyo baadhi ya wanadamu huvunja hata sheria za nchi au kufanya kosa Fulani, na yamkini mwingine ni kweli amefanya kosa ila atakana hata mbele ya mahakama kuwa hakutenda kosa hilo na hata anaweza kukuuliza/kuuliza Je! wakati alipokuwa anatenda kosa hilo nani alikuwa shahidi? Na kama huna shahidi mshitakiwa anakuwa huru, ila kwa MUNGU huwezi kukana kosa. Dhambi ni kitu kibaya sana Kinakufanya unuke  mbele za MUNGU japo kimwilini  umejipulizia pafumu/Marashi,unanukia vizuri, hutaisikia harufu hiyo kimwili ila hata hapo ulipoketi au kusimama hunuki lakini mbele za MUNGU unanuka sana, lakini watu huona kuwa dhambi ni kitu cha kawaida, na Je!umeshawahi jiuliza mbona nikitaka kumwomba MUNGUlazima kwanza niombe toba, rehema na utakaso,  ili niwe safi, ndipo nimwombe MUNGU? Hivi nikwanini? Je! Ni lazima uombe toba ndipo usogee kwake? Ndio ni lazima kwa sababu MUNGU hasikilizi watu wachafu wenye dhambi kwa sababu mshitaki wa wanadamu yuko karibu nae anakusikiliza kama hujatubu anakushitaki na anadai haki kuwa MUNGU huyu anadhambi, hajatubu, utamjibuje? Lakini ukitubu unakuwa na haki ya kupata majibu yako toka kwa MUNGU.

 

Zipo aina tofautitofauti za dhambi, ziko za kimwili na kiroho pia naposema za kiroho, dhambi unaweza kuitenda katika ulimwengu wa roho, na kimwili pia.  Mfano. kunywa pombe, kuzini, kula vyakula katika roho au ndoto, unakuwa unaota kuwa umezini, unakuwa umezini na jini mwili wako unakuwa nusu mtu nusu jini na  endapo umezini na mfu unakuwa nusu hai nusu mfu katika ulimwengu waroho kwasababu  unapozini unakuwa umeunga na yule mhusika kimwili na kiroho, kwa kujua na kutokujua.  Pia kuna dhambi za kiinjili, dhambi hii imegawanyika katika sehemu nyingi sana, na Neno la MUNGU linasema usilibadilishena ukilibadilisha kwa namna yeyote ile ni dhambi, tayari unadhambi mbele za MUNGU kwa kujua na kutokujua na ndio maana biblia inasema ile siku ya mwisho watahukumiwa kwa kupunguza au kuongeza Neno lolote Zaidi ya kile ambacho kimeandikwa au kwa kuvunja Sheria na amri za MUNGU, lakini kuna kipindi cha neema sasa kwa kuwa ulikuwa hujui na MUNGU amewatuma watumishi wake ili kuwaelekeza, kuwafundisha na kuwaambia ukweli ili wanaamu wafunguke akili, fahamu zao na mioyo yao imwelekee MUNGU, wajitambue wapate kutubu na kumrudia MUNGU ukiujua ukweli hofu ya MUNGU itakuwa ndani yako na kwa Neema ya MUNGU utakaa kwenye msitari.   

 

Dhambi mnazijua sana lakini naongea dhambi ya kiinjili, na dhambi ya kiinjili ni pale ambapo mtumishi anatoa huduma za kiroho kwa pesa, michango na kuuza injili hiyo ni dhambi na biblia imesema nimekupa bure toa bure, anayetaka pesa ili akuombee anadhambi na wewe pia ambaye unatoa pesa ili upate hilo hitaji toka kwa huyo mtumishi nawe unadhambi,hata kumwona mtumishi wa MUNGU kwa pesa  yeye na wewe pia wakosaji mbele za MUNGU unajua sheria haipingwi?  Ubatizo tofauti na ule ambao YESU alibatizwa ni ubatizo wa dhambi, ubatizo ambao u kinyume na ule wa mpango wa MUNGU ni dhambi nasisitiza ni dhambi, kubatiza kwa kikombe, kwa kisima, na batizo zote ambazo hazikuagizwa na MUNGU ni dhambi, na wote na hata watumishi ambao wanayafanya hayo watatoa  hesabu ya maneno ya injili ya dhambi ambayo wameifanya,  ukimwambia mtu abatizwe, ubatizo ambao YESU amebatizwa anakataa kwa sababu ndani yake umejaa ubatizo wa dhambi, wa kikombe, wa mapokeo ya wanadamu, na MUNGU hautambui na shetani na yeye amewafanya wanadamu waitetee dhambi na mimi nikiwaambia kuwa baadhi ya makanisa yana dhambi wanadamu watanishangaa kuwa inakuwaje? Kanisa na linalotaja jina la MUNGUlinakuwaje na dhambi? Kumbuka, Neno la MUNGU limeandika, Kipindi YESU alipoingia Kanisani akakuta biashara zinafanyika hapo alipindua meza zao, Na sasa hayo yapo katika baadhi ya makanisa, YESU alivyoingia kanisani akakuta watu wanauza na wengine kuombewa kwa matabaka, yote hayo ni dhambi tena dhambi mbaya, hata na wewe ambaye ulitoa  mali zako kwa ajili ya kuombewa unadhambi, utajiuliza Hebron anafundisha  nini ila ukweli ni kuwa kila ufanyacho kinyume na mpango wa MUNGU ni dhambi, kwasaa unaweza usinielew ila naomba MUNGU uelewe ili ubadilike, ile siku ya hukumu utakumbuka maneno haya,  unaweza kuona kuwa maneno haya hayafai kwa sababu wengi hawapendi ukweli ila  ila ukweli yamkini unona kuwa hayakufai au kuona kuwa nakueleza nini? Ila kwa MUNGU yanafaa na mimi ninafaa na pi hata kwako nitafaa na mbele za MUNGU ninafaa kwa sababu nakufundisha ukweli, ndio maana MUNGU aliona kuwa dunia imechafuka imekuwa chafu, si uchafu wa vumbi au majalala ingekuja hivyo hata kwa moto au mvua au vyovyote ingesafishwa ila alimtuma mwanaye aje atusafishe, kwa damu ya thamani, tena mwanaye wa pekee, kwa sababu MUNGU ni MUNGU wa haki, na kwa sababu ni MUNGU wa haki alimtuma mwanaye ili uturejeshee haki, haki yako na yangu ambayo yule mwovu aliiba tulipokuwa tumechafuka na dhambi, kwa sababu mwanadamu alinyang’anywa haki yake, ya kujua ukweli ili kwamba shetani nae apate wafuasi wa kumtete na kuacha kumtetea MUNGU kwa kujua na kutokujua na ndio maana mpaka sasa watu wanapoambiwa waokoke, hawataki, waache dhambi wanang’ang’ania dhambi, wampokee YESU hawataki.kwa nini unaambiwa uokoke ili utoke kwenye dhambi na unakataa? Ina maana unapenda dhambi, humpendi YESU, japo unamtaja na hupendi kwenda Mbinguni au huujui ukweli, au haukufundishwa ukweli kwa sababu hata sasa kuna baadhi ya makanisa wanawaambia watu wasiokoke, wanawakataza watu kuokoka, wanakuambia usiokoke, huwezi kuokoka ukiwa duniani, kaa hivyo(inamaana ukae tu katika dhambi) na siku ya kufa, kanisa  husika litakufanyia ibada, ndugu yangu MUNGU sio mpumbavu aliweka sheria zake ili zifuatweacha kudanganywa na injili za uongo hatimaye  utakufa na dhambi, umepewa akili timamu umkiri YESU,kusema tu  wewe u mkristo, bila wokovu, bila kumkiri YESU haitakusaidia kwa lolote, mpaka uokoke kama alivyo agiza ndipo utakuwa mkristo kamili.

 

Kwanini unaogopa kuokoka, kwanini unaogopa kutolewa katika hali ya ukosaji? Endapo Ukikubali na ukiamua na kuokokaMUNGU atakusaidia kusimama imara siku kwa siku na kuishinda dhambi kwa sababu bado dhambi itakufuatilia nyuma ikuotee, tafakari na utathmini mpaka sasa ni wandamu wangapi wameshakufa katika dunia hii wakiwa bado hawajaokoka na pia waliambiwa kuwa watafanyiwa ibada na ni kweli wamefanyiwa ibada ila ukifanyiwa ibada wakati umekufa, itakusaidia nini, maiti inasikia? Marehemu anatubu? Je! wameenda wapi sasa? Tafakari. Sasa amua kuokoka kabla ya kufa.

 

Dhambi za kiinjili msiabudu sanamuna mnaabudu sanamu, unatubu hapo hapo kanisani halafu hapo kuna sanamu inaabudiwa, ni dhambi, mnatenda dhambi acha kuabudu sanamu. Na wewe ambaye umeokoka umetoka kwenye  dhambi ijapo kuwa unakuwia vigumu kuacha dhambi kwa haraka ila kwa vile umeamua na MUNGU anakusaidia nami ninakutia moyo, simama imara utashinda, hii dunia imekwisha  kuchafuka na ondoleo la dhambi huondolewa kwa kumkiri BWANA YESU  na kuachana na mambo mabaya. Sasa akija YESU Je! Atawachukuwa wangapi? Tafakari ni makanisa mangapi ambayo hawaruhusu watu kuokoka, wanawapumbaza  watu kwa jina la YESU ila wengine wanajua kuwa wanadanganywa na wengine hawajui, ila Nuhu alipokuwa anatengeneza safina,  watu walimcheka, hatima yake wengi waliangamia na sasa safina ni hii injili ninayokufundisha, kwenda kwa mganga ni dhambi, mganga mwenyewe ana dhambi na kuna nyumba ambazo hata Baraka haziendi kwa sababu kuna vitu vya dhambi ndani ya nyumba hizo, vitu vibaya vikiwa ndani yako au ndani ya nyumba yako ni dhambi unajua ukiwa na dhambi au vitu vya dhambi vinakuharibia mipango yako, unaweza ukawa mtu wa dhambi na kwa vile u mtu wa dhambi na dhambi inakufuata tu, unaenda kanisani lakini mshirikina, mwongo, mzinzi, na mambo kama hayo hizo zote ni dhambi, unajiita mkristo ila unadhambi, jamani MUNGU  anajua mioyo na MUNGU anakuangalia jamani inakuja hukumu na itakuwa kipengele kwa kipengele, watatengwa wakosaji na watakatifu, hawa watakaa huku na wale kule. Jitadhmini dhambi zako maana unaweza kujipima kuanzia sasa, unatabia za dhambi, msengenyaji, mwongo, mvivu, unachukia wenzako, unadhulumu, unajipima hapa hapa utajijua kuwa wewe ni mkosaji au si mkosaji na kama unampenda MUNGU kataa kuwa mkosaji, na hata kama huwezi yupo  Roho Mtakatifu atakuwezesha ila sasa  wako  baadhi ya watu wanasema tunakuja mbele zako sisi ni wakosaji tu tusamehe,   (kukiri kuwa u mkosaji kila siku sio jambo jema, hebu jitahidi usiwe mkosaji, unapofanya dhambi ya kukusudia, hautasamehewa kwa sababu unafanya kwa makusudi, dhambi ni dhambi tu, ziko za ana nyingi, Paulo alikuwa ni mwenye  dhambi naye alitete sheria za shetani kwa kumpinga BWANA YESU ila MUNGU alimbadilisha Paulo, akawa anamtetea MUNGU na kumpinga shetani, akanza kutetea za MUNGU na akawa mtumishi wa MUNGU aliye hai. Mpinge shetani na umtete MUNGU, wengi hawataki kumtetea MUNGU.

 

 Unapookoa uwe mstaarabu, sio unapigapiga kelele tu, kupiga kelele ni kupoteza muda, unapotaka kumtoa mtu kwenye dhambi, mweleze kwa upole mvute na sio umkaripie na kumwambia kuwa unadhambi wewe! Utakufa wewe!hapo utakuwa umehukumu, na unapohukumu kumbuka kuwa utatoa hesabu ya maneno na hukumu ulizohukumu watu siku ile ya mwisho,  utatoa hesabu siku ile,  kuna vyakula vya dhambi, watu wanapenda kufanya dhambi, wanapenda dhambi na pia baadhi hufanya dhambi ya kumwibia MUNGU hata sadaka na zaka zake ni dhambi, kumtakia mwezako hila, kumwonea mwenzako wivu ni dhambi, mtu anajifanya rafiki yako ukitoka anakusema, dhambi za kutoa maneno yako ambayo unayazungumza ambayo sio ya staha, dhambi  ya kushuhudia uongo, dhambi ya kumkufuru MUNGU, na Roho Mtakatifu na zinginezo nyingi.

 

Kuna aina ya mungu anayeitwa mungu dhambi kwa kuwa dhambi inaondolewa kwa utakatifu basi ukitenda dhambi mungu dhambi ndio anakuwa mungu wako, mawazo yako yanakuwa ni dhambi, njia zako dhambi, unawaza dhambi, nitammaliza,  nitamkomesha, nitamfanyia hila hayo uwazayo kinyume na MUNGU ni dhambi, hukuitiwa hayo umeitiwa mema, acha dhambi ikikomaa inazaa mauti, hivyo dhambi huzaa mauti, na ndio maana shetania anang’ang’ana watu watende dhambi na wasimkiri BWANA YESU maana mungu dhambi ndio anayetenda kazi na roho zake zinasambazwa kwa wanadamu. Utakuta kanisa linaenda vizuri ila panatokea tu mmoja kati ya watumishi analigawa kanisa, na kuacha mhimili ambao ndio mbeba maono na kufungua matawi, inafikia hata kanisa linakuwa limegawanyika mara mbili au mara tatu, yule ambaye ni mtumishi wa MUNGU atabakia akimtumikia MUNGU ila yale matawi sasa yatakuwa sio ya mpango wa MUNGU ila watakuwa wakiwapumbaza watu kwa kulitaja jina la YESU,  ila  roho itendayo kazi  sio ile ya mpakwa mafuta aliyeitwa na YESU hivyo mungu dhambi ndio atakayeongoza tawi lile.

 

Dhambi ni mbaya, dhambi ya miili, ya mikono, miguu ina dhambi, hutaona viungo vimeandikwa imeandikwa ila inakuwa na dhambi; tunakuja ibadani lakini tunakuwa na dhambi na dhambi inakufuatilia nyuma;wewe ikataena ukiwa mtakatifu tu hata wachawi na shetani hakuwezi, sio kwamba ukiwa umeokoka hutapata majaribu, majaribu yapo,lakini katika kujaribiwa kwako inakuwa ni kwasababu Fulani hata YESU alikuwa mtakatifu; lakini alijaribiwa na majaribu ambayo unayapata yanakuza Imani yako pia. Na pia ni kipimo chako na MUNGU kuwa je unampenda MUNGU na MUNGU pia anakuangalia, kama je! Unampenda? na ndio maana majaribu hayafanani,  Bwana YESU asifiwe, utakuta wengine wanaomba  hata kwa kiburi mfano mtu anaomba kwa kumwambia MUNGU, MUNGU endapo hutanijibu nitajua kuwa wewe haupo,  au nimesimama na Neno lako Baba,  leo nitajua kwamba  wewe ni mwongo au ni mkweli  hicho ni kiburi kwa sababu sio mapenzi ya MUNGU unamlazimisha MUNGU kufanya mapenzi yako, Sio sahihi kuomba kwa kumlazimisha MUNGU, kuomba ni unyenyekevu, ndio maana baadhi ya watu hawapati majibu yao ya maombi  kumbe hukuomba kwa adabu ila pia wako wahubiri ambao wanaomba kwa kupindua sheria za MUNGU, wako baadhi ya watumishi wenye dhambi na pia wako waumini wenye dhambi sasa jilinde na dhambi na usimame imara maana kuna kulipwa ile siku ya mwisho,lakini napenda kukuambia kuwa kuna watu ambao wataingia mbinguni na hawatalipwa hata mia, kuna mema mbinguni, yapo malipo kila mwisho wa mwezi,  mataji pia hayatafanana, hivyo  ujue kuwa ukaribu wako na MUNGU duniani ndio huo huo utakuwa ukaribu wako na MUNGU mbinguni, unaweza ukawa umefika Mbinguni ila yamkini umbali wa mahali MUNGU alipo ni Tanzania na wewe upo South Africa, hivyo kila kitu kitatadhmini unafanya nini, au umefanya nini,  unaweza ukawa kila siku asubuhi unaende kuripoti kwa wenzako lakini wapo ambao watakuwa na vyeo vikubwa, maana Mbinguni wanaenda kazini, MUNGU anakaa ofisini, kwa mfano wa hata sasa ilivyo katika serikali ziko nafasi mbalimbali katika utendaji kazi ili kukamilisha au kufanikisha kazi na mbinguni pia ni hivyo hivyo, usujiangalie jinsi ulivyochoka hapa duniani yamkini unanafasi kubwa Zaidi ya wafalme wa duniani, umepewa mdomo wa kumwimbia MUNGU lakini hutaki, mwili wa kumchezea MUNGU hutaki ila ukipelekwa kwenye baa unacheza miziki ya duniani kwa nguvu zote, kupiga makofi ya kanisani taabu ila kwenye siasa, unaipenda sana, na utashangilia sana. Lakini kanisani huwi mshabiki namna hiyo, dunia na mambo yake yatapita, moyo wako umpoikee BWANA YESU na sio akae na kutoka ila akae na aishi. YESU akiishi kila utakaloomba linatokea na linafanyika na unafanikiwa kiroho na kimwili na unakuwa na ulinzi na pia ukimpokea yesu wa uongo ataishi na utapata taabu ila YESU wa Mbinguni akiishi  mambo yako yatakuwa salama, hakuna shida wala mchawi wala tabu ambayo itaishi kwako. Watoto wa MUNGU msijidharau, hakuna ambaye anaweza muua YESU, hawawezi msambaratisha YESU hata kama wanakutisha kwenye ndoto na mambo mabaya, unaweza ukawa umelala na likaja jambo baya au hata ndoto mbaya na ukashindwa hata kuinuka kwa maana hayo majitu huweka uzitona magandamizo ila ndani ya moyo wako ukiweza kumtaja YESU kweli utavushwa, na hawatakufanya jambo lolote, ila kama YESU hayuko ndani yako utaishia kupata hofu na kupiga kelelel. Ukiwaza mambo mabaya YESU anaondoka, ukifanya mabaya anaondoka. Mengine MUNGU anayaachilia yaje, lakini hayatakushinda walau tu moyo wako unauwezo wa kusema kwa jina la YESU ni vita vya kiroho,  yakitokea hivyo ukashinda amaka usilale mfuatilie kwa maombi ukiwa na Malaika.

 

Mwanadamu anakuwa amezaliwa mapema, ila tu inakuwa  siku yako haijafika ya kuingia hapa duniani na hata ile nyota ambayo ulipewa kuna kazi ambayo ulipewa au ulikuwa unafanya huko bado hujaikamilisha, kwanini YESU akafa na akaenda kuzimu, miaka yote kabla hajafa aliwahubiria habari za ufalme wa MUNGU juu ya habari ya toba na msamaha, wako waliookokaga, wako walioachanga, MUNGU ni wa haki wote walichukuliwa na Bwana YESU, sasa wewe Je! unasubiri YESU akufuate tena  makaburini, wale waliokolewa kwa neema, siku alizokuwa ameshuka huko chini kwa Siku tatu zilikuwa za kumpiga shetani na kuwatoa watoto wa MUNGU kwenye umateka maana wengine walikuwa hawakusikiaga injili  ila sasa wewe  ambaye unasikia injili  unataka YESU akufuate makaburini? Jielewe, dhambi ni mbaya uone kuwa dhambi ni mbaya, wengine hudhani au kuona kuwa kufanya dhambi ndio Mtindo wa maisha, (life style yao) uongo wa mtu aliyeokoka ni wa hatari sana kuliko wa ambaye hajaokoka kwa sababu pepo limtokapo mtu likakuja na wengine saba, kiburi, faraka katika ndoa au familia,  Ndoa zinashida kwa sababu ya dharau na viburi, endapo mwanandoa wanakiburi  kweli ni taabu tupu, hakikisheni dhambi haiingii kwenye ndoa, dhambi za watoto wadogo walizopokea kupitia ubatizo, bila kuiondoa dhambi hakuna chochote, Ukikuta umesimama vizuri shetani atakusingizia au atakuingiza kwenye kambi mbaya ya uovu dhambi mbaya chukia dhambi mambo yanapoharibika unaanza kusema wokovu huu mbaya,  nimechoka, kumbe tatizo ni dhambi, ukiiba sadaka ni dhambi, chochote unachoiba ni dhambi, usiibe chochote MUNGU anaangalia sheria yako, usiibe hata siku moja. MUNGU atakufanyia favour yakena wakati mwingine anakufanyia favour yake unakataa, MUNGU anaweza kukutendea jambo Fulani ukakataa wakati ni favour kwako toka kwake.  Mshukuru MUNGU kwa Neema zake kwako nakwa favour ambazo amekupa.MUNGU ataamuru hata waovu wakuletee Baraka, hivi pesa au vitu unavyopokeaga vyote ni vitakatifu?  Je! Vinatoka kwa watakatifu tu? Au vingine vinatoka kwamchawi,washirikina nk. Mtu akikupa hela au chochote unakataa au unapokea au hata yule bosi ambaye anakupa hela unajua kuwa anatoa wapi hizo hela na maagano yake ni nini?  Hauweki mfukoni? Gari unalopanda unajua lina nini? Unajua vina maagano gani? Hujui!  Ila Neema ya MUNGU tu inatulinda. Hata shule tunazopeleka watoto wetu je tunajua zina maangano gani? Wenye nazo wana maagano gani? Ila tu usimpeleke mtoto shule ile ya kumwomba yule mungu mwingine, hata wangu simpeleki. Na pia ujue kuwa wakati unapokuwepo duniani  na unatamani kufanya jambo, kazi au mradi  Fulani, na usipolifanya ni dhambi, usipolitimiza ni dhambi na ukilifanya kwa ulegevu ni dhambi, unapochelewa tu ni dhambi,  lazima jambo litumie, mwanafunzi hataki kusoma ni dhambi, ni dhambi hata mwanamume kutokujali familia yake ni dhambi, mwanamke kutokumpenda mume au familia yake, ni dhambi kumdharau mwanadamu ni dhambi, ziko dhambi za aina nyingi, kama kuna faraka ni dhambi, kubeba kinyongo, watakao lipwa ni watakatifu na utakatiifu sio kuoga ni kuacha dhambi, utatoa hesabu siku ya mwisho, kuwa na uchungu ni dhambi, moyoni mwako mweke BWANA YESU. Kufunga ndoa na majini ni dhambi, Watu wengi wamevaa pete,  wamefunga ndoa na majini, wanawapa mali, vyeo nk wamekuwa mwili mmoja namajini ni dhambi, ni dhambi kufanya ibada mahali ambapo hayuko MUNGU, MUNGU anakusafisha, anakutengeneza  halafu unarudi huko ni dhambi, kwani hata sasa si kuna baadhi ya  viongozi  wa dini na ni wachawi kabisa ni dhambi hiyo sasa msingi wote huo ni Dhambi, usiipende na usihukumu na kila ukitenda dhamnbi ujue kabisa kuwa wewe utahukumiwa, hauna ndoa ni dhambi.

 

SALA YA TOBA:

 

Bwana YESU  ninaomba unisamehe dhambi zangu zote, nilizotenda kwa kujua na kutokujua, nimekaa na mistari ya biblia kumbe nina dhambi nyingi ziliniwekea ukuta  na kunitenga na wewe nataka uwe karibu name, ninaomba uwe karibu nami, umeniumba na hali nzuri nikachafukia hapa duniani nikaridhi dhambi za ajabu, tabia za ajabu, ninaomba unitengeneze  na uyatengeneze na mataifa maana ulikuja kuwaokoa wenye dhambi na sio kuwasafisha wenye jasho au waliochafuka na vumbi bali ulikuja kuokoa wenye dhambi, ili watu wazijue sheria zako na ukaweka pingamizi la msamaha kwa damu yako. BWANA YESU ninaomba nitembee katika njia zako na kukaa katika njia zako, na nimesimama na mistari ya Neno lako na haikutimia kumbe nilikuwa mwenye dhambi kiroho na kimwili, nimeacha dhambi na kujitenga nayo, naomba unijaze nguvu zako na za Roho Mtakatifu na YESU ulie ndani yangu usiingie na kutoka, naomba ukaishi naomba ukafanye makao asante BWANA YESU.

MUNGU ninakushukuru, wabariki, walinde, watakase katika jina la YESU, Baba MUNGU ninaomba ukafanye marekebisho kwa watoto wako maana kila mmoja unamjua na unamwelewa, wawajua vema, wawajua vema, ninaomba uwafungue, wawe huru. Nawaombea nguvu ya kusonga mbele, kushinda dhambi, nguvu ya utakatifu, katika ulimwengu waroho na mwili na ninaomba uwatenge na mungu dhambi nawaombea utakatifu maana unapendezwa na watakatifu walioko duniani maana wanaupendeza moyo wako BABA ninakuomba ukahusike na ninawakabidhi katika mikono yako na Mbingu iendelee kufungukakatika maisha yao, mwanga ukaendelele kuwepo kwao na watoto wako hawa wakazidi kuwa karibu na mboni ya MUNGU, na  jicho la MUNGU likiwalinda na hata mkono ambao utajaribu kuwagusa ukagusane na mkono wa MUNGU, Baba MUNGU naomba watoto wako wakaone faraja yako na furaha ya wokovu. Amen.

 

Mtume na Nabii Hebron Wilson Kisamo.