MAOMBI YA MWENYE HAKI HUJIBIWA

BABA nakushukuru kwa siku njema ya leo, ni siku yako iliyokupendeza pafanyike ibada, na mapenzi  yako yakatimie, hakuna siku za miungu, wala majini au mapepo, wewe ni MUNGU wa kuabudiwa peke yako, navunja mitandao yote ya Ibilisi na maajenti wake, kwa jina la YESU  Mbingu iendelee kuwa wazi na mioyo yao ikakupokee,  wakuelewe, wakuelewe, ukatende haki, MUNGU wa haki, ukatende haki, katika  dunia hii ukatendee haki viumbe wako, na kanisa lako, ukatendee haki kila mmoja siku  ya leo katika jina la YESU. Amen.

Tunamwomba MUNGU Mtakatifu, tunamwomba MUNGU mwenye haki BWANA YESU asifiwe, kuna watu wanamwomba MUNGU na hawatendi haki ya MUNGU na MUNGU hawezi kuwatendea haki, kwa sababu yeye MUNGU ni MUNGU mwenye haki.

Mimi sijui wewe una haki ipi?  Wewe mwenyewe yakupasa ujielewe kwa maana kuna watu wanaomba sana, yamkini wako kanisani au sehemu nyingine lakini hana haki, Lakini Biblia inasema maombi ya mwenye haki, MUNGU ndiye huyajibu, Kila mmoja ajitafakari. Lakini nakufundisha ili ujue kuwa MUNGU anapendezwa na haki yake, sitakiupoteze muda, unaopoomba omba kama una haki mbele za MUNGU na sio kama msindikizaji, Je! Unajua maana ya kuomba? Kuombani kutafuta ushirika na MUNGU sasa wewe hutaki kuwa mwenye haki wa MUNGU, halafu hutaki kuwa na ushirika na MUNGU utapataje haki hiyo au maombi hayo yatajibiwaje? Unaweza ukawa unasoma sana, unatoa sadaka sana, unaimba sana, lakini hutapata mafanikio kwa sababu sio mwenye haki wa MUNGU.

Rumi 1:16-17 -  Kwa maana siionei haya injili; kwa sababu ni uweza  wa MUNGU uletao  wokovu, kwa kila aaminiye, kwa Myahudi kwanza na  kwa Myunani pia.

Yakobo 5:16 Ungameni dhambi zenu ninyi kwa ninyi na kuombeana mpate kuponywa, kuomba kwake mwenye haki kwafaa sana akiomba kwa bidii, Eliya alikuwa mwanadamu mwenye tabia  moja na sisi, akaomba kwa bidii Mvua isinye na mvua haikunya kwa juu ya Nchi muda wa Miaka mitatu na miezi sita akaomba tena Mbingu zikatoa Mvua nayo Nchi ikazaa matunda yake.

Zaburui 34-15-22 –Macho ya Bwana huwaelekea wenye haki, naMasikio yakehukielekea kilio chao, Uso wa BWANA u juu. ni juu ya watenda mabaya, Aliondoe kumbukumbu lao duniani. Walilia, naye BWANA akasikia, akawaponya na taabu zao zote, BWANA yu karibu nao waliovunjika moyo, na waliopondeka roho huwaokoa. Mateso ya mwenye haki ni mengi, Lakini BWANAhumponya nayoyote, Huihifahi mifupa yake yote, haukuvunjika hata mmoja. Uovu utamwua asiye haki. Nao wamchukiao mwenye haki watahukumiwa. BWANA na huzikomboa nafsi za watumishi wake. Wala hawatahukumiwa wote wamkimbiliao.

BWANA YESU Asifiwe,

Macho ya Bwana huwaeleke wenye haki, na haki ninayoongolea ni katika ufalme wake, maana haki nyingine ni za kishetani na ambazo asilimia kubwa ya watu ndizo wanazozitaka, maana kuna familia nyingine zina haki ya kuabudu mbuzi, hiyo MUNGU hakuangalii maana hiyo ni haki ya shetanipamoja na mambo mengine yanayoabudiwa nje na mpango wa MUNGU au kinyume na ya mpango wa MUNGU.

Walilia BWANA akawasikia, akawaponya na taabu zao, yawezekana  wewe unaomba sana lakini wewe si mwenye haki mbele za MUNGU na taabu zinabakia pale pale, shida zinabakia pale pale  utazunguka kwenye maombi huku na huku bila majibu Nyumba za ibada nazo zinatakiwa ziwe nyumba za haki ambazo MUNGU ameziweka kwa haki yake sio ambazo zimejiita au kujiamkia (Yaani mtumishi anayefungua kanisa kwa kujiamulia yeye, ambayo hiyo sio haki na haki ni MUNGU na MUNGU hataonekana, watu wengi hujiamulia na husema ngoja sasa nifungue kanisa ili apate hela, Yaani anaona atakusanya sadaka kiurahis kama hujaitwa na MUNGU unakuwa unajipandikizia laana, wengine hupewa nguvu na mizimu, miungu lakini sio watumishi walioitwa na YESU wamejiita hatima yake waumini hata muombeje hamfanikiwi wala hawapati hiyo haki ya MUNGU) ¹⁹ Mateso ya mwenye haki ni  mengi, lakini yeye BWANA humponya na hayo yote, ili MUNGU akuponye anaangalia haki yake aliyokuahidi, huhifadhi mifupa yako yote hatautavunjika hata mmoja, uovu utamuua  asiye haki, jicho lake linamwangalia  mwenye haki wake na asiye hali ule uovu utamuua, unaelewa?  Biblia inatufundisha kuwa MUNGU anatembea na wenye haki. ²²Bwana huzikomboa nafsi za mtumishi wake wala hazitangamia, Unaweza ukawa unamkimbilia MUNGU lakini kumbe kwa kujua au kutokujua unakuwa huna haki ya MUNGU.

Tumesoma Warumi; Kwa maana siionei haya Injili kwa sababu ni uweza  wa MUNGU uletao Wokovu kwa kila aaminie kwa Myahudi kwanza na kwa Myunani pia kwa maana haki ya MUNGU inadhihirishwa ndani yake  toka Imani hadi Imani kama ilivyoandikwa mwenye haki ataishi kwa  Imani.

MUNGU anasema kuhusu haki lakini watu wengi wameacha kuifuata haki  ya MUNGU na wanaona kuwa wao ndio wenye haki mbele za MUNGU badala ya kufuata haki ya MUNGU kwanza ndio wawe wenye haki wao hufuata haki zingine ambazo sio za MUNGU na kudai haki ya MUNGU.Ni haki ya MUNGU yeye kuumba dunia na kutuumba kama sisi tulivyo, wanadamu kwa kujua au kutokujua  wengi wetu tunadai haki  kwa MUNGU wakati sisi hatutaki kufanya haki kwa MUNGU, Biblia inasema utakufa na uovu utaangamia, MUNGU ni mwenye haki na Neno lake  ni lenye haki, MUNGU anasema usiabudu wafu, lakini wakristo  kwa kujua na kutokujua  wanaabudu wafu na sio haki ya MUNGU kuabudu sanamu ni haki ya shetani,inakuwa ni haki ya shetani na mtu anakuwa mwenye haki wa shetani na ile haki itawaua na hiyo haki ya shetani inaendelea kuwauwa kwa kuwadanganya kuwa wakiwa hai wasiokoke mpaka wakifa BWANA YESU asifiwe, ni haki  yako wewe kuishi ni haki yako wewe kuombewa bila kuchajiwa Pesa, lakini utakuta  mtumishi anakuambia leta Pesa hiyo sio haki yake, wala sio haki ya MUNGU ni haki ya shetani, usifikiri anayeshinda mahakamani kwa kumdhulumu mwingine haki yake, akafanya kona zake akashindahalafu akasema ni MUNGU amemsaidia, huyo sio MUNGU ni shetani MUNGU ni wa haki, hapa ni shetani amemsaidia,  nataka tuelewe, tumekuja kwenye maombi, mimi ninaomba umwone MUNGU kama vile ambavyo mimi ninaomba lakini maombi pasipo haki haikusaidii kitu haki ya kwanza.

Ukitaka kwenda kwa MUNGU ni lazima uokoke, lakini unadanganywa usiokoke halafu unaomba na unasoma kitabu chake, unajisumbua maana shetani anajua ukisha ijua haki ya MUNGU hakika mema au uzima mtauona, mambo mazuri mtayaona, ni haki yako wewe kuwa Tajiri, kuponywa kufufuliwa ni haki yako kufika pale MUNGU apotaka lakini shetani na yeye ana haki yake maana wako wanadamu ambao na wao wakikuona umefanikiwa kitu, Roho inawauma inamaana hawataki haki yako isimame.

Shetani huwa hataki mtu apate haki yake toka kwa MUNGU na ndio maana anapotosha watu kwa mafundisho ya uongo, na roho hiyo ya shetani imeingia kwa wanadamu ambapo utakuta mtu  umeolewa, wanapita barabarani yamkini mume wake ameshika mkono  baadhi yaowananuna, kwa sababu wanandoa hao wanapendana na wakiachana wanadamu watacheka, ina maana hawataki haki yao isimame, umenyanyuliwa  roho inawauma ina maana hawataki ile haki uliyopewa na MUNGU isimame, ninawaambia katika jina la YESU mateso ya wenye haki ni mengi lakini utakwenda kusimama, Nataka  uelewe haki,  ni haki yako kuomba na kumpigia makofi MUNGU ni haki yako kumpenda MUNGU, mimi nawafundisha  haki ya Neno la MUNGU na ukitaka niibadilishe, mimi sitabadilisha, sitapunguza wala sitaongeza chochote, nitasema na nitafundisha kweli ile ya haki ya MUNGU,  aliyoileta MUNGU  yanipasa niwahubirie watu ukweli,  wala nisichanganye changanye na mengineyo ambayo sio ya haki ya MUNGU.

 

Ubatizo wa Yohana ni haki yaMUNGU aliileta toka Mbinguni, Hivi YESU alibatizwa kwa maji mengi?  Jibu ni Ndio! Hiyo ni haki ya MUNGU kwa sababu yatoka kwa MUNGU, haki ya ubatizo wa kikombe imetoka wapi?na haki ya ubatizo wa kisima imetoka wapi?Haki ya ubatizo ya mchanga imetoka wapi?Hizo zote ni haki za shetani, au unaushahidi kuwa ni haki za MUNGU?  kama ndio sema basi! Usiwe mnafiki mbele za MUNGU ni haki yangu kusema ukweli na jicho lake linaniangalia ni haki yake MUNGU, mimi nakuambia simama na haki yake MUNGU na wanaosimama mbele yako kinyume na haki ya MUNGU, MUNGU atawaondoa,  nataka nikufundishe   ili uijue haki yako, haki  imekosekana katika dunia hii sio makanisani au hata kwenye nchi mbalimbali haki hafanyiki, nina waambia haki lazima irudi, haki ya kuokoka ya kumwabudu MUNGU, haki ya kusimamisha Neno la MUNGU, haki ya mapenzi ya MUNGU, lakini kwa sasa matendo ambayo wanadamu wanayotendewa  hasa au hata kutenda mengi sana yamekuwa si haki ya mapenzi ya MUNGU aliyeumba Mbingu na dunia.

 

Ni haki ya MUNGU wewe uitete Injilina ukinyamaza mawe yatamshangilia, unajua mawe ni nini?Ni watu walio na mioyo migumu na wasio haki watamshangilia na hata punda watamshangilia MUNGU, usimletee MUNGU maringo ni haki ya MUNGU uzaliwe, amekupangia ukafanikiwe katika njia zako MUNGU ndiye aliyekupangia, ila wapo baadfhi ya watu wakiona njia zako zimenyooka kukunyang’anya haki yako.

 

Na Kama uliabudu kwenye madhabahau ambazo sio ya haki ya MUNGU hata miujiza ikiwepo hapa sio ya haki, Mfano: Mtu anaenda kwa mganga Je! ni haki ya MUNGU au ya Shetani, chale, tunguri, ramli. Ramli - hilo ni jichola mapepo na mashetani.Ramli nipepo utambuzi,acha kwenda na kufanya hayo, toka kati yao ukatengwe nao, simama kwenye haki utamwona MUNGU, achana na hizo haki za kishetani, wanaweza kukuzingua zingua simama na haki ya MUNGU na adui anaponyanyuka MUNGU atamtuliza Je! Utashindana na MUNGU? Ambaye ameumba dunia nzima akaiwekea misingi minne na ina nguzo zake, ambazo yamkini ile siku ya mwisho atavunja mbili tu dunia inakuwa imeharibika, Je! Maombi yako ni ya mwenye haki? Au unakuja kujaza kanisa, unapoteza muda wako au msindikizaji hata mpiga debe stand, utasikia anatangaza Moshi, Dar lakini haendi, saa ya gari kuondoka anateremka, isiwe tunaenda Mbinguni wengine wanashuka, nataka nikipiga debe saa ya kuondoka ikifika tuondoke pamoja, ukitaka kutoka nitakuzuia au mara nyingi makondakta wanajazana kwenye basi na wanakuambia bado seat chache kumbe wao hawaendi walikuwa wamejaza seat tu ili abiria wapande waone gari limejaa, hata sasa wako wahubiri ambao hawawapeleki watu Mbinguni ni sawa na wapiga debe hao, wanazuia watoto wa MUNGU kwenda Mbinguni wakati wao pia hawaendi wanazuia Haki yao, watu wanakufa mapema kwa sababu haki ya kuishi hawana wamejikatia tamaa, wanaona kifo, nani kakuambia unakufa?Wengine husema nimefika mwisho, hapo anaiona kuwa hana haki ya kuishi, una haki nyingi inakupasa uzijue. Unaweza ukawa mwombaji ukawa hauna haki kwa MUNGU unayemwomba.

 

Tafuta haki na MUNGU kwanza, haki ya kwanza okoka, si kwa mdomo kwa matendo, na si unaokoka nje lakini ndani ya moyo ni Paka au Mbwa Mwitu. Mimi Hebron endapo MUNGU atazidi kuninyanyua kwa viwango vya juu Zaidi na Zaidi sitabadilika kimwili au kiroho au hata kimatendo nitaendelea kunyenyekea na kumsikiliza MUNGU.

 

Maombi ya mwenye haki hujibiwa, watu wengi husimama na Mistari ya biblia Yakobo, Yohana, Zaburi na mingineyo katika maombi, ni sawa yamkini hana haki, hivyo maombi hayajibiwi haki yako unaipata wapi? Okoka, unaweza ukawa unasali kwenye madhabahu isiyo nahaki ya MUNGU, ina haki ya mizimu Mapepo, au miungu MUNGU anasema usibudu sanamu lakini watu wanafuatahaki ile ambayo si haki ya MUNGU, na ndio watu wanayoipenda. Kabila niliyozaliwakila mwezi wa 12 wanaenda kuchinja Mbuzi, badala ya wao kumshukuru MUNGU kanisani, huwa wanaenda makaburini kushukuru, wanaenda kushukuru kwa kuchinja na kumwaga damu ya mbuzi makaburini, Je! kwa kabila  wanafanyaje? Je! Mnajua?Hata baadhi ya watu huja kanisani kumshukuru MUNGU lakini wanarudi tena kwenye matambiko,  MUNGU hashukuriwi hivyo ndio maana hamwongezeki, kwenye mataifa mabalimbali mambo sio swari kwa sababu MUNGU akishaondoka, Taifa linaanza kugombana, na wananchi watakosa haki yao, mtapiga makofi na kumwimbia MUNGU na kumtafuta MUNGU, na kujiuliza kuwa MUNGU yuko wapi? Kama hakuna MUNGU hutamwona. utaona Elia yeye alikuwa  anatenda haki na anamwamini  MUNGU, akiomba majibu hata kwa moto yanajibiwa, wale wengine walikuwa  wanaomba kwa baali  hakukuwa na majibu, Eliya akafunga mvua miaka 3 na miezi sita,  mwenye haki wa MUNGU baadae akatulia  na akaomba mvua ikanyesha, na leo upo kwa mwenye haki wa MUNGU, nitakuombea  maana sibahatishi nataka upate haki yako  haraka, haraka ila wengine wamejikatia tamaa wanaangalia mke au mume wake,wanaangalia majaribu na vituko vya nyumbani kwao, mwingine  anangalia ada ya shule, uliyakosa hayo kwa sababu hukuwa mwenye haki wa MUNGU, maana  ni haki yako usome, ni haki yako urejeshewe hata yale ambayo umenyang’wanywa, wachawi au washirikina wao huiba haki za wana wa MUNGU na kukuachia haki  mbaya, unaweza kukuta mtu ni tajiri sana lakini yamkini ameiba haki za watu kama mia mbili,  halafu wanakuwa wamewaachia haki mbaya, mbaya  kwa shetani hakuna kitu, MUNGU ni wa haki Shetani alivyokuwa mbinguni aliambiwa atende haki na MUNGU lakini alipoacha kutenda haki MUNGU akamporomosha,  umenielewa, yamkini MUNGU alimwambia utakuwa malaika wa sifa milele lakini kutokana na yeye kutokufuata haki ya MUNGU,  MUNGU alimporomosha na malaika zakewaliporomoshwa. Yamkini umtumishi au umeokoka MUNGU ana haki ambayo alikupangia katika maisha yako auahadi ilawewe kwa kutokufuata haki au maelekezo anayoyataka, unayapinga basi anakuporomosha, anaachana na wewe halafu anasonga mbele, lazima muelewa, Nikupa Neno likusaidie.

 

Lakini kwanini watu hawataki kuokoka mpaka sasa hivi? Watu hao wanakuwa na haki ya kwenda Jehaman na siku ya mwisho MUNGU ni MUNGU wa haki na ataangalia Je! Uliokoka hapa duniani? Kama uliokoka  na kufa katika haki utakaa na wenye haki wa kwenda mbinguni na kama hutaki kuokoka utakufa na utakaa na wenye haki wa shetani ambao wanasubiri kuchomwa ile siku ya Mwisho, linda sana ulichonacho asije mwizi kukunyang’anya, sijaona mwenye haki ambaye aliachwa na MUNGU, lakini yakupasa wewe uikubali haki, kuna ahadi nyingi kuwa watashindana na wewe lakini hawatakuweza kwanini? Hawatakuweza kama utakuwa mwenye haki wa MUNG, BWANA YESU asifiwe, Mtu anaomba anamwambia MUNGU kumbuka yale ambayo nimekufanyia, ukijifananisha na Kornelio akina Dorkas, hawa walikuwawenye haki katika MUNGU na haki ikawafufua, tunaelewana, Hebu wewe jitafakari! MUNGU angalia niwapi umetoka? Unapoabudu? Angalia ni wapi umetoa sadaka zako? Je matendo yako ni ya haki?  Sasa kama ulikuwa hujui napenda ujue, hata katika maombi ambayo unamwomba MUNGU, MUNGU huwa anangalia haki ndipo akujibu.  MUNGU anaangalia, Je! umeshikamana na haki yake? Amesema usiabudu nyani au viumbe vyovyote, pia usiabudu miungu, Je! Wewe unaabudu nini? MUNGU anasema usiabudu viumbe vyovyote ila MUNGU tu, mara unaabudu watu, sanamu au mti, MUNGU si sanamu wala hapondwipondwi, wala hafananishwi na chochote atakuwepo, alikuwepo na atazidi kuwepo.

 

Wengine mioyoni mwao wanasema, huyu Hebron anasema au anafundisha nini! Mimi nitasema kweli katika jina la YESU, vitu vingine si kuomba,unajua kwa nini watu wanashambuliwa na majini na Mapepo?  Kwa sababu wanapata nafasi ya haki shetani (Yaani ipo milango ambayo shetani anapata na anakuvamia kwa urahisi) wanapata mlango lakini pepo au jini likikuta kuna Moto, Yaani YESU,  linaondoka,  ukikuta mtu ana mapepo mengi ndivyo alivyo na milango mingi ambayo inamruhusu shetani awe na haki katika mwili au mtu husika,, sio milango ya bawaba ni katika roho, Je!Umekaaje wewe, unawazaia nini wenzako? Unawaza mema au mabaya? Na hata  unaweza kuimba wimbo, ukasema YESU tembea nasi,YESU tembea nasi, twakuomba, wakati huna haki ya  kutembea na yeye, YESU hatatembea na wewe, Haki lazima uipokee, uikubali na uiamini halafu utaona akikutendea, kuna wakati nilisafiri wakataka  kuniangusha lakini malaika  wakaenda wakazima ndege ile  na mizigo ikiwa imeshawekwa ndani, lakini MUNGU aliniambia ndege hii hautapanda, begi lemewekwa  mapailoti wameshaendaa, ndani yangu nasikia hutapanda ndege hii,  nikajua ni akili za kibinadamu, kumbe jamaa walitaka nikadondokee mahali, hawakuweza, usishindane na mwenye haki,   nilienda na nilirudi salama.

 

Jicho la MUNGU hupenda kuangalia mwenye haki wake, haki kwenye Neno haki kwenye kweli, haki ya kumpenda, haki ya kutokutikisika, haki ya kumtete MUNGU, haki ya kupenda kweli na kupenda kazi yake, lakini ukiwa mnafki, mnafki sukuma twende, Jicho la MUNGU halitakuangalia, Mzimu wa babu itaingia itakutandika, tandika, wachawi wanakunyoa nywele, mambo yatakuwa hayaendi, hata kama umepakwa mafuta ya utumishi na wewee yamkinikumbe mnafki mambo hayataenda, Maombi ya mwenye haki MUNGU huyasikia.

 

Napenda nikufundishe kwanza ili nitakapokuombea kama ulikuwa huna haki upate na kama kulikuwa kuna mambo mengine ya kuacha uache ili upate haki zako. Kwenye wokovu kuna milima na tambarare Rumi 1:17 – Mwenye haki wangu ataishi kwa imani,  sasa sijui wewe ni  mwenye haki wa Shetani au majini au miungu na kanisani upo, watu kama hao MUNGU hawapendi nakuambia ukweli, injili ya kukupaka mafuta ili ujae kanisani sina, nakuambia ukweli ili upone. Je! una haki, yamkini unaweza kusema kuwa  MUNGU habaguagi mashetani wala watakatifu, maana huwanyeshea mvua wote, hiyo ya mvua ni Neema tu, ila kaa ukijua kuwa  Kila mmoja anavuta kwake MUNGU anavuta kwake na shetani nae anavuta kwake,   Je! Unamtendea MUNGU haki yake au unamtendea shetani haki yake?Unajua hata wachawi wanamtendea shetani haki yake? Akiambiwa saa saba usiku atoke nje  anatoka kwa muda muafaka wala hachelewi,  akiambiwa tukuwekee kuku kichwani anatulia kuku anachinjiwa hapo, chochote ambacho mganga atataka kukufanyia anakufanyia umetulia hapo, unakuwa mwaminifu sana kwa shetani badilika sasa yatupasa tuwe waaminifu kwa MUNGU, usipotenda haki inaondoa Baraka, usipoangalia familia  haki MUNGU anaondoka anampa yule ambaye anaitunza familia,  unacho hauna MUNGU anajua, MUNGU anapokushushia  Baraka na weewe ukajiona ni wewe ataviondoa vyote mkose wote.

 

Utakumbuka  kipindi cha Suleiman, akaletewa wamama wawili, wakiwa wanagombania mtoto mmoja, na   kila mmoja akisema ni wakwake, Basi Suleiman akasema namchinja mkose wote, mama halali wa mtoto akasema kuliko achinjwe ni bora apewe mwenzake amlee na yule ambaye mtoto hakuwa wakwake akasema ni bora aachinjwe ili wakose wote. Suleimani akatambua kuwa mtoto yule alikuwa wa mama ambaye alisema bora asichinjwe, hivyo Haki ikatendeka, lakini mama yule alikuwa anaibiwa haki yake, wewe umeibiwa haki ngapi? (katika maisha yako mpaka ulipofikia  umeibiwa na wengi yamkini ni kibabu au kibiki, kimzimu au wachawiyamkini chenyewe kilivaa majani kinataka na wewe uvae majani kama yeye, wewe ukivaa koti koti inakuwasha au haki yako ya usafi imechukuliwaga na mjomba miaka mingi wewe hutaki kuoga) unaweza kuibiwa haki ya kuwa mtoto wa mfalme hata ukipelekwa mahali ukanunuliwe chakula cha 10,000 unasema uwiii  ungenipa tu nikale cha mia 500 haki imeibiwa,  shetani hana kitu na anabahati mbaya mimi naijua siri yake nataka ukaipokee na aliyenayo mimi namnyang’anya na kukukabidhi,  Biblia inasema haki inapoondoka hata kwenye Taifa, Taifa linaangamia, kuna Nchi mambo  yameharibika ni vita na pia katika Nchi nyingine mambo pia yameharibiak haki haipo,  MUNGU nachukia kunyanyasana, MUNGU hapendi  yako mambo mengine nawaambiaga yanatokea mabaya msifikiri ni MUNGU anafanya, mengine nimewaambia na mnasema Nabii alisema ni kweli nawaambia na ndivyo MUNGU anavyotaka,  lakini endapo yamekiukwa, na haki wa MUNGU kuachwa na pia kwa mambo ya kunyanyasa watu MUNGU hapendi,  Tunaelewana?

 

Si mpango wa MUNGU unadaiwa, unachukua hii unalipa hapa mara pale unakopa tena, mashine ambayo ni wewe ni madeni full, sasa endapo umejaa madeni Je! Una haki? Kila unapobarikiwa kiasi Fulani na MUNGU unashukuru, halafu unalipa hapa kesho unakopa hapa ni haki hiyo kweli? Au ni Madeni? Haki yako ya kuwa naPesa na kukaa nazo na kuzimiliki ipo wapi?  Na unasema Bwana ananisaidia, Madeni yanatakiwa yaishe, yakatike, Bwana YESU asifiwe, una roho mbaya, wakati MUNGU anaroho nzuri, angalia ndani yako ipo Roho gani? Unataka huyu asifanikiwe, asifike utakuwa umebeba mzoga utanuka, ujue kuwa unamapepo, mwingine anakukwamisha mwambie pigeni Sanamimi sikwami. Wakienda kwa wachawi waambie kuwa wakaloge sana kwa sababu hawatakuweza. 

 

Pia katika baadhi ya makanisa kuna Mungu asiye haki ndio maana huduma hutolewa kwa pesa, pesa tu,  MUNGU anaponya bure,  siku ile haki itatendeka na hujui kuwa ni haki ipi,  MUNGU wa haki yeye ndiye aliyeanzisha haki, ukitaka kuziona Baraka za  MUNGU penda kutenda haki ila hapo ni pagumu. Unaweza kufunga na ukatoka kwenye mfungo ukajikuta sio mwenye haki, Penda kupata  mume/ Mke toka kwa MUNGU, Baraka kutoka kwa MUNGU mwenye haki utaona hizo haki zikisimama milele na wengine wanapewa na MUNGU haki zao lakini hawazipati au kuzipenda, wanataka zingine, MUNGU amekupa utajiri wa haki yake lakini  hupendi unataka ule wa kuua na kutoa kafara na kuua ndugu au wazazi wake, wanawaua na wao wanaiba haki yao,  ikaibiwa  haki ya watu kuokoka, ukawa mkristo wa bila kuokoka, Mkristo wa bila kuokoka huna haki ya kwenda Mbinguni, amua unasuka au unanyoa, kata mambo ya kutiwa moyo kwa uongo,  Wokovu umetoka wapi? Umetoka kwa MUNGU, Ubatizo wa Yohana umetoka kwa MUNGU, Jiulize! Batizo za kikombe zimetoka wapi? Mbinguni? Hapana! Watu wengi ukisema kweli wanadai kuwa usiseme maana watu hawatakusikiliza, ninachiamini mimi na kujua ni kuwa endapo wewe hutasikiliza na kuamua kubadilika wengine watapona na hatimaye uliyekataa utaenda Jehanamu shauri lako, baadhi ya Madhababu hawataki kuhubiriwe kweli ya MUNGU kwa sababu waumini wataondoka, sasa mwambie nahubiri ukweli wa kubaki watabakia na wakuondoka wataondoka, lakini haki ya MUNGU lazima ihubiriwe tunataka haki, haki utakatifu, upendo na kupokea Baraka za MUNGU.Ukiwa Mfungwa, umefungwanauko gereza lazima umalize kifungo ndipo upate haki ya kutoka nje, la sivyo hutatoka labda tu msamaha upitendipo utoke.

 

Mkamate MUNGU mwenye haki na maneno ya wanadamu yasiyohaki hayatakupata, maneno hayo ni kama, atafika wapi, tuone mwisho wake, ataishia njiani, hutaweza,  Maneno haya hayawezi kufanya jambo kwa mwenye haki wa MUNGU, Mwangalie  MUNGU mwenye haki jicho lake litakuponya na shida na mateso,  na hawataonekana milele katika jina la YESU wakijipanga wataangamia wakisimama wanaporomoka, kaa kwenye haki adui zako watakuwa mwehu,  kama una haki hata Korona haitakupata, maana kuhusu ugonjwa huu akili ya mwanadamu imefika mwisho na hata Korona ikija  haitakupata, ila kumbuka kuwa  hizi ni nyakati za mwisho na wanadamu lazima wapitiechangamoto nyingi kama vile ilivyoandikwa  ili pia wanadamu wamgeukie MUNGU,   Unaweza kujiuliza yaani Nabii anasema dunia ipigwe,  ya MUNGU siwezi kuyapinga ni haki yake MUNGU yalishaandikwa, hivi jiulize kama ungekuwa hujapingwa, hujalogwa, ungekuwepo kanisani kweli?Ungekuwa unasoma habari za YESU kweli?

 

Endapo wachawi hawakufuati fuati tuseme ukweli, ingelikuwa hakuna misukosuko tofauti tofauti ungekuja kanisani kweli? Kipindi kimeharibika baada ya shetani kuingia pale Eden, wakati ule wa Adam na Eva,  na ndipo MUNGU akamtuma mwanaye wa pekee ambaye ndio haki yote atakaye mkubali na atakaye mpokea atafanyika haki na kuurithi uzima wa milele, shetani hampendi mwenye haki utakumbuka Ayubu, MUNGU akajua huyu ni mwenye haki wangu, akamwambia usiguse roho yake, akaguswa kote lakini Ayubu hakumwacha MUNGU, kuna watu  ambao wako na MUNGU wameshasimama, lakini akitukwanwa tu au akakwazwa tu  kwenye wokovu ataacha na wokovu kama mke wa Ayubu, yamkini ni muimba kwaya au mchungaji wakakusema, au wakatafutia skendo, ukasema huyu MUNGU namtumikia halafu mambo ndio haya? MUNGU yuko wapi mbona asiwaambie wanyamaze? Hapo unakuwa kama mke wa Ayubu, basi mshukuru MUNGU kwa kila jambo ili upate kuwa mwenye haki wa MUNGU. Lutu aliambiwa na MUNGU nenda mbele, mwenye haki, yeye akatii mkewe hakutii akawa jiwe la Chumvi. Kupitia mwenye haki mmoja familia inapona, mnanielewa, Musa mwenye haki ya MUNGU anaongoza kupita bahari ya shamu wale waliomkubali akawaongoza wakavuka na wale walomkataa waliangamia, wale waliomkataa na wale wana wa Farao waliku hawana haki ndio maana waliangamia walikuwa wanambishia Musa, walimkosoa,hawkumsikiliza, walifanya mazoea pia. Musa akawaambia walio upande wangu waje upande huu, wale waliompinga Musa, ardhi ikawameza, na  wale ambao walikuwa wana wa MUNGU, wenyehaki ya MUNGU na wana haki ya MUNGU walipona na wakavuka, mimi nakujenga, usonge mbele maana shetani anatafuta mahali pa kuporomosha watoto wa MUNGU, ukikaza shingo unaporomoka, MUNGU  anamwangalia mwenye haki, anaangalia Kondoo, Taifa na Kanisa. 

 

Taifa linaweza kupona kwa sababu ya mhubiri mmoja au wawili wenye haki tu, ambao wamesimama naMUNGU, lakini yule mwenye haki akiondoka au wakimchezea Taifa linaangamia, ila Taifa wakimwomba MUNGU na kumrudia MUNGU mambo yanakuwa shwari. Mwenye haki wa MUNGU hutafutwa na MUNGU mwenyewe, watu wana viburi sana, unajua usiwe na viburi kama baadhi ya maraisi na wafalme waliopo dunian,i wao wakiwa na vyeo wanaona ndio wamekuwa kama MUNGU.  Wanadamu wote wako chini ya MUNGU, na baadhi ya watu wanajiita YESU na waumini wanawaita wahubiri MUNGU, MUNGU au YESU kumbe ni mwadamu si haki mwanadamu aitwe MUNGU, MUNGU hafananishwi wala kulinganishwa, utukufu wa MUNGU usichukuliwe na shetani.

 

Tunaelewana kuwa waoga hawaendi Mbinguni unapokuwa mwoga maombi yako hayapokelewi, mapepo yanaangalia mwenye hofu na muoga, ukiwa na hofu hutaweza fanya jambo wala kufanikiwa, unapoteza matumaini, unapomtegemea mwanadamu haki yako imepotea, hivyo mtegemee MUNGU upate ujasiri na haki yako kwa urahisi, watu wengi hudai haki za mafao ya uzee na haki za mali pale ambapo wana ndoa wameachana, huwa wanasema tumechuma wote, tumezaa watoto, nk.  Mwanamke anadai haki yakekwa mumewe, sasa mbona mume akiachwa hadai haki yake? Mbona alikaa namke vizuri na kuchuma mali pamoja? Na mke akili ikatulia mambo ikanyooka? Sasa iweje mzazi mmoja anadai kuwa mtoto ni haki yake na mzazi mwingine je!  Haki yake I wapi?, mtoto ni haki ya wazazi wote. Hata sisi wazazi yatupasa kutenda haki, YESU peke yake ndio alikuwa haki ya MUNGU maana ilikuwa kwa uwezo wa Roho Mtakatifu, ila mwanadamu ana wazazi wawili baba na mama. Mambo ya MUNGU ni ya haki. Ni haki ya wanandoa kushikana mikono wakati wanatembea, sasa ukiambiwa mshike mkeo mkono hata hapa kanisani utaona haya, kwanza unaingia hofu na pili utawaza watu watanionaje? tatu uwiii, hata kumshika mkono hawezi, atamwambia tangulia mbele naja, mshike mkono mke wako. Fananisha kipindi au watu wakiwa wazinzi, utamshika mwenzako mkono, unaambiwa ni wewe tu kijana anafura kichwa kama ubwabwa na binti unafura kichwa kama pilau ambayo imefunikiwa juu, unajipa matumaini ni mimi tu nimefika umefika wapi? Tulia uolewe au uoe acha uzinzi, Tunaelewana?

 

MUNGU anatakaga kufanya jambo kwako lakini wewe ndio kwazo, yamkini ulikuwa ameolewa na ndoa ameshafungushwa ila bado unachukua simu kisirisiri  anampigia aliyekuwa girl friend au mume ambaye mlishaachana, unamwambia nipigie Fulani, maana baba Fulani ndio atakuwepo yupo kazini, unamwambia jamani nakukumbukaga?Sikusahau aisee!!  Wewe uliyeoa au kuolewa acha unafiki,   unamwambia mke wa mtu a,u yamkini u mume au mke wa mtu,  unamwambia usinipigie mpaka nikubip ndio atakuwa hayupo bado unataka haki ya zamani? Acha hizo tabia, mwingine ana wachumba wanne, kijana ndio anawaambiawale wachumba, usinipigie simu, mpaka mimi nikupigie,jicho la mwenye haki linakuangalia unavyowadanganya, badilikeni basi watoto wa kizazi hiki, MUNGU anaangalia haki anaangalia msimamo wako,  hapendezwi na mtu anayeyumba yumba, mimi Hebron, baba yenu kiroho, ningekuwa nayumba yumba msingelikuta makanisa yanaendelea si kwamba na mimi sipitii kwenye vipindi vigumu napita lakini mimi  sijali maana uhai wangu upo hata kama sina hela namwangalia MUNGU, ndio maana makanisa yanaendelea  na injili itakwenda tu,  kazi yangu itaenda tu, maana ni mwenye haki wa MUNGU, wahubiri wengi sio wenye haki wa MUNGU, ndio maana wanachangisha na kugandamiza waumini. MUNGU ameagiza mwenye haki wake amuulize naye atafanya, sasa wengi wa wahubiri sio wenye haki wa MUNGU lazima wawaulize waumini, kuwa watapata wapi pesa za kuendeleza kazi ya MUNGU, badala ya kumuuliza MUNGU, na ni lazima wawaulize ninyi maana awanakuwa wenye haki wa wengine, sio wa MUNGU, tunaelewana; hata sadaka zako unazotoa, mafungu yako ya kumi yamkini hujatoa mahali ambapo ni pa MUNGU, sadaka hizo hazitaongea, hazitanena, utasota mpaka utashangaa, hebu badilika na kila mmoja abadilike.

 

Haki ya MUNGU! Wengi huapa! na  kuapa kwa Neno hilo wengi wameapa na husema na kuapa hata kwa uongo, hata mimi nilishalisema sana zamani na Biblia inasema usilitaje jina la MUNGU Bure na wanatumia kidole kuapa,  haki wa MUNGU!Tena unasema hata nife! Hapa! Hapa! na umesemea uongo, unathibitisha kutumia jina la MUNGU  kwa uongo, bila kukumbuka kuwa Mbinguni kuna kila kitu na kumbukumbu hazifutiki,hivyo yote uliyofayanya yapo, hapa duniani unaweza ukafa na ukazikwa  na hata kaburi likapotea lakini kamera ya Mbinguni inajua  popote ulipo,ulipozikwa na  kuna spika inayorecord sauti yako masa 24, uliloga lini, tarehe, mwezi mwaka, mara ngapi, unawaza nini? Ulifanya nini? Zote zipo Mbinguni, umeua ipo, ila unapokuja kutubu na kuomba Rehema mambo yanafutwa unaanza upya, mambo mengine ndio maana nawaambiaga kwa uchungu sio kwamba nakuambia au kukuonya ili ufunguliwe na uinuliwe ila yanipasa nikueleze ili ufunguliwe na kuacha uache, ili siku moja ufike Mbinguni na umfurahie MUNGU. Je! Itanifaidishanini  endapo ninakuona hapa duniani, na nina uwezo wa kukuonya na sikuambii ukweli halafu ukachomwe moto Mbinguni,  ni bora nikuambie, acha, ili uponywe na uninunie na ukifika  Mbinguni  utamshangilia na kumtukuza MUNGU, tunaelewana watoto wa MUNGU? Lakini nikikueleza na ukashupaza shingo ukiangamia sitadaiwa na MUNGU.

 

MUNGU hapendezwi na mwenye haki anayesitasita,  tena usije leta haki za shetani katika kanisa hili, na kama zipo basi zing’ooke,  haki za shetani na miungu zing’ooke na hata kumwabudu wanadamu haitakiwi,  wanadamu wote wamwabudu MUNGU aliyeumba Mbingu na dunia, umeomba maombi mangapi? na umelia mara ngapi? Jiangalie una haki?  Jichunguze,  hata mimi baba yako  wa kiroho yanipasa nikufundishe katika kweli na haki na nikueleze ukweli maana ni haki yako,  nikuombee ni haki yako nikulinde kiroho kwa maombi, nikeshe na nikulinde na nikuongoze ili uende Mbinguni. Biblia inasema waheshimu wanaokuombea, ili yale yote ambayo yalikuwa mema yaje kwako, na endapo utawabeza watumishi wa MUNGU wanaokuombea na kukesha kwa ajili yako yatakata, yatakauka, hutapata baraka, hivyo waheshimuni wanaowaongoza kiroho, wapendeni, unawezaukawa unateseka kwa sababu unadharau wengine, Roho wa MUNGU anajua pale ambapo mtumishi wa MUNGU anakesha na kuomba kwa ajili yako halafu wewe unamfanyia mabaya, fitina anamfitini, MUNGU anazuia yale maombi halafu anakutandika,

 

SEMA:  BWANA YESU ninaomba toba na Rehema, nilikataa haki ya Wokovu kwa mda mrefu kwa kujua na kutokujuana nikataka haki ya shetani, ikiwa ni pamoja na kuishi bila kuokoka, nikawa Mkristo  ambaye amekataa wokovu, ninaomba toba na Rehema, ninakataa haki zashetani, imani za kishetani, kwenda kwa waganga mengineyo niliyofanya kwa kujua na kutokujua na ninatubu  dhambi zote nilizofanya,  madeni ambayo shetani anaidai ninawalipa damu ya YESU katika ulimwengu wa Roho ninabomoa na kuvunja mikataba niliyoingia  kwa  jina la YESU, najitenga na haki ya Ibilisi ya miungu, mapepo, haki za mizimu, haki za kuabudu mizimu na ile nguvu ambayo inanisukuma kwenda  kwa wanganga na wachawi nina ikataa, maana  sio roho ya MUNGU ni roho ya Shetani, naikataa haki za shetani katika jina la YESU. BABA MUNGU ninaomba haki ambayo inatoka katika kiti chako cha enzi, ndani ya madhabahu yako ambayo umeweka haki yako, ukanitendee haki, ukanipone na shetani, ukaponye amani yangu, ukaponye viungo vyangu, ukaponye wokovu wangu, navua haki zote za ibilisi kizazi cha kwanza mpaka cha nne cha mizimu, mapepo Miungu, nazivua maana zimenikosesha Baraka, zimeniwekea vifungo nazikataa kwa jina la YESU, na kwa damu ya YESU,  ninaomba haki katika miaka yangu, haki iliyoibiwa naomba uirejeshe, utajiri wangu uurejeshe, afya, nguvu, Amani nay ale ya haki yangu ninayoyajua na nisiyoyajua yarejeshwe kwa jina la YESU.Nyota yangu irejeshwe. Naomba uandike jina langu kwenye kitabu chako cha uzima wa milele na Naomba jina langu lisitoke huko. Amen.

Mwenyezi MUNGU awabariki, awainue na Muwe na Baraka tele. Amen.

 

NABII HEBRON WILSON KISAMO.