MTUMISHI AKIFUNDISHA TOFAUTI NA

UKWELI ANAKUWA HAMPENDI YESU.

BWANA YESU ASIFIWE, soma katika kitabu cha Yohana 14:24. 

"Mtu asiyenipenda, yeye hayashiki maneno yangu; nalo neno

mnalolisikia silo langu, ila ni lake Baba aliyenipeleka."

Nawasalimu watu wote wa mataifa yote kwa jina la YESU Kristo wa nazareti aliye hai, najua watu wengi wanampenda YESU sana katika mioyo yao na hata katika fahamu zao na pia wapo ambao

wanamchukia YESU kabisa ambaye ndiye mwokozi wa ulimwengu

huu na ambao wakiwa na lengo la kuwapoteza watu wasijue ukweli

kuhusu YESU wakiwa wamevaa vazi la kondoo na bali ndani ya

mioyo yao ni mbwa mwitu.

YESU amesema mtu asiyempenda yeye hayashiki maneno yake, sasa napenda kufafanua hapa kwa sababu pamekuwapo na wanafiki

wengi katika ulimwengu huu wanaosema wanampenda YESU ndio

sababu wanahubiri habari za injili, bali pasipo watu kuwajua kumbe wanakutana na wahubiri ambao hawampendi YESU na ndio sababu YESU alisema mnampenda kwa midomo ila ndani ya mioyo ni wanafiki wakubwa kwake yeye YESU.

Soma Mathayo 15: 8-9

Maneno haya alikuwa anawaeleza wahubiri kipindi kile

alivyokuwepo hapa ulimwenguni kimwili na sasa yuko mbinguni.

Baadhi yao wameendelea kutompenda YESU kwa kujua au

kutokujua. Wanang'ang’ania jina lake ili kutafutia pesa na siyo kwa nia ya kuwaongoza watu katika kweli ili siku moja wafike mbinguni.

Kwa mafundisho yao ya uongo yanayowafanya wanadamu

kuyafuata na kuyashika wapelekwe jehanamu siku ya mwisho. YESU amesema mnayoyasikia ya uongo kwanza siyo neno lake na pili ambaye hampendi YESU ni lazima afundishe ya huyo anayempenda ambaye ndiye baba uongo (lusifa).

JINSI YA KUMJUA/KUJIJUA HAUMPENDI BWANA YESU

 Utawatoza watu pesa ili uwaombee;

 Utawabatiza ubatizo wa uongo;

 Utaifanya madhabahu kuwa ni soko;

 Harambee kanisani;

 Kuabudu wafu, mizimu, matambiko;

 Kuwa mchawi au freemason;

 Kuzuia watu wasiokoke;

 Kubariki uovu na pombe.

ANGALIZO: Yapo mambo mengi ambayo yamewafanya hata

wahubiri waliokuwa wanampenda YESU kiukweli wakaanza kuwa

wanafiki kwa YESU na sababu zilizowafanya kuwa wanafiki, zipo

nyingi, ikiwepo kulitumia jina la YESU na kulichanganya na uongo

na huko kusema kwao uongo, ndiko kunakomfanya mtumishi awe

MNAFIKI na zaidi ukiongozwa na mtumishi mnafiki kwa YESU na wewe muumini utavaliwa na hiyo roho ya unafiki kwa kuchukia

ukweli. 

 Kuhusu injili ya kweli jambo la kwanza jiulize je MUNGU

anabadilika? NENO lake linabadilika? Kwa nini alikataa na

akaonya NENO lisibadilishwe (Ufunuo 22:18-19). Je wewe ni

nani unayemchezea MUNGU na je haujui hautaishi milele hapa

duniani? Je haujui ipo siku ya kuhukumiwa kwa wanafiki?

Kama ulikuwa hauelewi, tubu na kuacha kwa sababu yeye ni

wa rehema ila kwa watakaoendelea na injili ya kinafiki, moto

wa jehanamu unawasubiri, huo ndio ukweli, japo wapo

waliojiingiza kabisa katika ufalme wa shetani ili kuwapoteza

wanadamu wakati wao wenyewe wanajijua kabisa hawaendi

mbinguni bali wale wanaotakiwa kwenda mbinguni

wanawazuia kwa kuwapa injili yenye uongo au kweli

iliyochanganywa na uongo na kuwafanya wanaohubiriwa

uongo kufanyika wanafiki pia bila wao kupenda wala kujua na

ikaja kusababisha watu wengi wakataliwe na YESU na siku ya

hukumu waelezwe siwajui siwajui tokeni hapa nyie mlio

waovu. Haijalishi walijitunza wasifanye dhambi ila kwa dhambi

hii ya unafiki ya kumchukia YESU kwa kulifuata neno la uongo

na yeye atakukataa kwa sababu YESU ni wa haki hivyo basi ni

bora ufuate NENO lake la kweli kuanzia sasa na utubu na

kumaanisha uache dhambi ikiwemo ya kumchukia YESU kwa

kuwatoza watu pesa. Napenda muelewe watu wote wa mataifa

yote, ujumbe huu ni yeye mwenyewe YESU anayewapenda

watu wote ndio aliyenieleza niwaeleze, atakaye tii atapona

atakayekataa ataangamia. Hao watumishi wote wanaowatoza

pesa watu, hawampendi YESU bali wanampenda shetani, kwa

sababu kuwatoza watu pesa siyo NENO lake YESU, bali

imeandikwa mmepewa bure, toa bure sasa anayempenda YESU

na yeye ataombea watu bure maana ndilo NENO lake.

 Anayejiita YESU yeye ni adui mkubwa wa YESU hapa duniani.

 Anayejiita MUNGU, hivyo hivyo na yeye amemchukia MUNGU

kabisa na hata hao anaowaongoza na wao wanaendelea na

hiyo roho ya Jehanamu pasipokujua na wengine kwa kujua.

 Anayebatiza tofauti na YESU anakuwa anamchukia YESU.

 Wapo wanaobatiza sasa hivi kwa ubatizo wa online, hawa watu

wanamchukia YESU kabisa kwa sababu hayo yote siyo maneno

ya YESU.

ANGALIZO: 

Nimeeleza kwa kifupi ili upate kuelewa jinsi dunia ilivyopotoshwa

na wanafiki wakitumia jina la YESU kwa midomo yao kwa nje bali

ndani ya mioyo yao ni wanafiki. Na jinsi ya kujitambua upo kwenye kundi gani, jichunguze kimatendo katika utumishi wako, je ni maneno ya YESU unachanganya na uongo? Basi ujielewe sasa, wapo waliofuata makundi ya kinafiki, na hata YESU kipindi kile alisema “enyi wanafiki wakubwa” na hata sasa bila kuficha injili ya wizi na unafiki imeota mizizi na ukisema ukweli wewe ambaye

unamtumikia YESU kwa kukataa mambo ya kinafiki utachukiwa,

utatengwa, mimi nawatia moyo, msiogope, songeni mbele, mbele ni pazuri ila wale wanaoendelea na unafiki na wao ile siku ya mwisho mbingu itawajibu majibu yao ya kweli.

PROPHET HEBRON.