NJIA ZIPI ZIMEFANYA KANISA KUWA SOKO NA SIYO KANISA TENA?

(MARKO 12: 38-40)

BWANA YESU ASIFIWE, watu wote wa mataifa yote, natumaini watu wote

wakienda kanisani wanaenda kwa nia ya kumwabudu Mwenyezi MUNGU

na sio kitu kingine. Ila kumekuwa na malalamiko kwa watu wengi waaminifu

na wanaompenda YESU sana kwamba wanaposhiriki ibada kanisani wanajua

wanaenda kukutana na haja za mioyo yao kwa MUNGU kumbe si hivyo.

1. KANISA NI NINI?

Kanisa ni mahali ambapo watu hukutana kumwabudu MUNGU aliyeumba

mbingu na dunia. MUNGU alishaweka njia zake zifuatwe wakati akiabudiwa ili

watu wake wanaposhiriki mahali hapo aipokee ibada hiyo. Lakini napenda

mjue kuwa neno KANISA hata shetani hulitumia na kufanya ibada zake, na

kama unasoma Biblia utaona kwamba YESU alisema nitalivunja hekalu hili na

kulijenga baada ya siku tatu. Kanisa alilolivunja YESU ni la shetani au la

miungu (the gods) hii ni kwa sababu aliona jinsi watu wanavyopotoshwa na

kuzidi kuangamia, na ndio sababu alisema wengi watakuja kwa kutumia jina

lake na watawapoteza wengi kama ilivyo sasa.

YESU aliingia kanisani (soma Marko 11:15), alikuta kanisa limekuwa siyo

kanisa tena bali limekuwa soko na kama lilikuwa ni soko basi siyo nyumba

yake wala mahali pake na kama MUNGU akiondoka mahali, miungu, mapepo,

mizimu na mapokeo ya wanadamu huja kukaa hapo na kutawala. Hapa ndipo

watu wakiendelea kushiriki ibada sehemu kama hizo wanaharibikiwa kwa

sababu kazi ya adui ni kuharibu wanadamu.

2. AINA ZA MAKANISA

Zipo aina nyingi za makanisa ila nitaelezea kwa ufupi haya yafuatayo;

 Kanisa la YESU;

 Kanisa la Mpinga kristo;

 Kanisa la Dini;

 Kanisa la Freemason;

 Kanisa la Shetani;

 Kanisa la Mizimu;

 Kanisa la Familia na mengineyo.

Makanisa mengi yanatumia Biblia na jina la YESU ila yapo yanayofuata ukweli

wa Neno bila kuchanganya na uongo na yapo yanayolitumia jina la YESU lakini

yanaongozwa na freemason, mizimu, shetani, nk. Jinsi ya kuelewa usalama

wako ni kulifuatilia neno lilivyo na kujaribu roho inayotenda kazi mahali hapo

au kwa huyo kuhani kiongozi.

Neno freemason watu wengi hawajui undani wake wanadhani ni mpaka

uende ukajisajili kimwili, la hasha (si hivyo). Tambua kwamba kila roho

inayompinga YESU hiyo ni roho ya freemason. Roho za freemason zinafanya

kazi na zimejiingiza katika kanisa ila watu hawajui na wala hawazijaribu ni

roho gani hizo. Zijaribu kwa kulinganisha na NENO kwanza; kwa mfano

imeandikwa; "nimekupa bure, toa bure" sasa kwa nini utozwe pesa wakati

mwenye kanisa ambaye ni YESU amekataa? Mtumishi unapowatoza watu pesa

za maombezi, hapo tayari umeshajiunga na freemason katika ulimwengu wa

roho bila kujua, japo wapo wengi zaidi wanalijua hilo. Unapotoa pesa ili

uombewe, kwa kujua au bila kujua na wewe unakuwa umeunganishwa na

freemason katika ulimwengu wa roho.

YESU ameniambia niwaeleze watoto wake kwamba shetani anawatega watu

kwa mitego mingi na mtego mkubwa anaotumia ni kwa njia ya utoaji, kwa

sababu sadaka inanena. Sadaka inanena pia kwa miungu, pale unapoitolea,

unajengewa madhabahu ya aina ulipoitolea.

Pia ubatizo wowote wa uongo; unapokuwa unabatizwa tofauti na YESU

alivyobatizwa, uelewe mtu huyo afanyaye hivyo anakuwa anatawaliwa na

freemason, hata kama utakataa ukweli unabaki pale pale. Yapo mengi sana ila

nitaelezea kwa ufupi ili upone na mwisho wa siku MUNGU akatukuzwe. YESU

aliyakataa yote hayo ila kwa sasa yamejaa.

Kumwabudu mchungaji kama yeye ndiye MUNGU au anajiita YESU, hapo

mtumishi tayari unakuwa umeshakuwa freemason kiroho na ndiyo maana

hiyo roho ya kujifananisha na MUNGU humvaa juu yake na waumini wote

wanavaliwa na hiyo roho ya freemason, hivyo kazi ni wewe kujifanyia

tathmini na ujichunguze. Mimi naandika anavyonieleza YESU au kwa dini

nyingine wanamuita Nabii Issa.

ANGALIZO: Freemason inawapiga upofu watu wengi hasa wakristo na hiyo

roho imejiingiza ikaweka mizizi kabisa na ndio sababu imefika mahali sasa

manabii, wachungaji, mitume, wainjilisti, maaskofu hawana majibu ya nchi

zao wala majibu ya watu wanaowatumikia. Wamebaki watumishi wachache

sana wenye roho ya MUNGU wa kweli tena ni wakutafuta sana. Kumbuka

kipindi cha Eliya na mabaali, na sasa ndio hivyo hivyo. Viongozi wa kiroho

wakiwa vipofu wanawatumbukiza watu na taifa katika shimo. Na kama taifa

limeshauriwa na kuongozwa na viongozi wa kiroho vipofu hutumbukizwa

katika balaa au shimo la giza. Yapo makanisa mengi ila YESU alilijenga kanisa moja tu, haya mengine yametokea wapi na nani kayaleta?

3. KWA NINI BAADHI YA MAKANISA YAMEKUWA NI SOKO? NA KWA NINI

BAADHI YA WATUMISHI WA INJILI SIYO WATUMISHI BALI WAMEKUWA

MABWANA SOKO?

Maneno haya aliyasema YESU miaka 2000 iliyopita na sasa mnaona

udhihirisho, yanatimia. Ni vibaya sana mtu anaamini anaenda kanisani lakini

mahali anapoenda kumbe ni sokoni na Biblia inatumiwa mahali hapo.

Wanaimba, wanatoa sadaka na wanabatiza kwa kulitumia jina la YESU, Roho

Mtakatifu na hata kumtaja MUNGU kabisa.

Jambo la kwanza makanisa mengi hayaongozwi na wachungaji bali

yanaongozwa na mabwana soko japo wamevaa vazi la uchungaji kwa njia ile

ya kwamba ndani ya mioyo yao ni mbwa mwitu na Biblia inasema utawajua

kwa matendo yao ya kuwa ni mbwa mwitu kwa sababu ya kulibadilisha Neno

na kulichanganya na uongo. Kwa mfano, imeandikwa nyumba ya sala siyo

soko, ndio sababu YESU alikuja kanisani akayafukuza ili kanisa libakie kuwa

kanisa. Ila imekuwa ni kinyume kwa sasa katika baadhi ya sehemu duniani.

Kama nilivyoelezea mwanzoni, Kanisa ni mahali ambapo watu hukutana

kumwabudu MUNGU aliyeumba mbingu na dunia, basi angalia usije ukakaa

katika kanisa ambalo shetani anataka liwe kwa jinsi yake. Imefika mahali jina

la YESU linatukanwa kwa sababu ya mabwana soko wanaotumia Biblia

kunyang'anya watu kwa kutumia jina la YESU na kusema uongo. Kwa mfano:

Nabii, Mtume, Mchungaji, Askofu na wengine wote iwe kwenye facebook hata

kama anatabiri na kukwambia mambo yako ili mradi tu mwishoni utoe sadaka

umtumie ndio akuombee, napenda kuwajulisha kwamba hao ni maadui

wakubwa wa MUNGU, BWANA YESU NA MALAIKA. Hao ni marafiki wa shetani

na tena ndio hao mabwana soko na ili wafanikiwe huduma zao za kipepo

masharti ni lazima wafanye hivyo na unaposhiriki tu kutoa ili uombewe kwa

kupitia hiyo sadaka yako unaunganishwa katika ufalme wa freemason. Lakini

ili wakupate, wanapewa ujanja wa miujiza ya kishetani, kumbuka pia kipindi

cha Musa pale kwa Farao na yeye wachawi wake walifanya miujiza. Ila kwa

sasa miujiza inawafanya watu watekwe zaidi na shetani, miujiza ya YESU ipo

ila hainunuliwi, miujiza ya YESU anatoa bure ila ya miungu ni lazima ununue.

Unaweza ukadhani unamfanyia MUNGU kumbe unafanyia miungu na kwa njia

hiyo miungu hununua maisha yako.

Mtu akipenda kumtolea MUNGU hairuhusiwi mtumishi yeyote kukupangia

kiasi, sadaka ni ibada yako na MUNGU. Inapokuwa unapewa risiti au

unaandikwa jina au unasifiwa madhabahuni kwamba umetoa sana au bwana

soko asimame aanze kufanya mnada, kwa mfano siku hizi ibada nyingi naziita

ni Sunday Markets na siyo Sunday Church kwa sababu bwana soko ataanza

kusema kwa mfano mwenye $5000 usimame uje mbele na ukitoa

unaombewa, anashuka labda milioni, hivyo hivyo yule asiye na kitu anarudi

nyumbani kama alivyokuja (mtupu) na hizi ndizo Sunday Markets, hata

uliyetoa uelewe umetupa tu chini hakuna lolote na hata mambo yako

yanaharibika kabisa unabakia unajiuliza shida ni nini, sababu freemason

ameipeleka pesa yako kwenye ufalme wake au kwa mganga wa kienyeji

pasipo wewe kujua.

Sasa mataifa muelewe kwamba YESU anawapenda sana na ndio sababu

kanieleza niwaeleze mambo haya na yatawasaidia wengi na mtapona na kama

mtayakataa hayo na kuyapinga bila uoga wala aibu ili mponye nafsi zenu.

Usiende tena sokoni bali nenda kanisani na kama hujui kama hapo ulipo ni

sokoni omba MUNGU atakuongoza sababu yeye anakupenda na hapendi roho

yako iangamie, zaidi utubu na sema, BWANA YESU naomba unisamehe

dhambi zangu zote, uliandike jina langu kwenye kitabu chako cha uzima wa

milele na ulitoe jina langu kwenye kitabu cha uzima wa maroho ya jehanamu

Amen.

Ingia kwenye website www.prophethebron.or.tz , subscribe kwenye YouTube

utakuta masomo mengi zaidi.

PROPHET HEBRON.