BANGI YA KIROHO

Shalom!

Katika makala hii ya leo nimeamua kufichua mipango ya shetani aliyoipanga ili kuwaharibu wanadamu wamfuate yeye. Katika makala hii itaelezea kuhusu kilevi kibaya  kinachoitwa bangi, siyo neno geni japo ina majina mengi ikiwemo marijuana. Mmea huu asili yake ni kuzimu ila inapatikana kimwili pia hapa duniani, na pia inapatikana kiroho, ninaposema kiroho ina maana kuwa haionekani kimwili na kama haionekani kimwili basi inasambazwa kiroho na roho za giza. Bangi ni kilevi ambacho mtu anapokivuta kinamwongoza kufanya jambo ambalo halijatoka katika akili yake, mfano utakuta mtu akitaka kulima basi anavuta bangi kwa ajili ya kulia na bangi inamtuma hivyo hivyo au kuiba na inamtuma hivyo hivyo na anakuwa hana aibu kabisa sababu tayari anakuwa ametawaliwa na nguvu ya bangi katika ufahamu na kumwendesha kama bangi itakavyo mpaka pale iishe kichwani mwake, ila madhara yake inampumbaza  huyo mtumiaji au baadaye kufanya awe kichaa yaani akili zinamruka mfano anasahau ovyo au anaropoka ropoka ovyo au ugomvi au hata kufanya mtu maisha yake yaharibike na kuangamia hivyo, kilevi hiki ni hatari sana kimwili.

Mimi ni kiongozi wa kiroho, nimeongelea kimwili ila sasa naongelea kiroho ndio sababu nasema bangi ya kiroho na kwa nini imeletwa bangi ya kiroho na shetani. Imeletwa ili kuwavutisha watu wanaomfuata MUNGU kiroho pasipokujua au kujua ili kumvuruga mtu ufahamu wake uende tofauti na mtu anavyotakiwa ampende MUNGU au asome biblia aelewe kama ilivyo lakini inakuwa ni shida kubwa katika ulimwengu wote kiasi kwamba mwanadamu hamuelewi  aliyemwumba wala kumtii wala kuwa na hofu ya MUNGU ikiwa kwenye makanisa baadhi mpaka waumini wake.

Nitaelezea kwa ufupi kuhusu hii bangi ya kiroho unawezaje kuvutishwa , unapoona unaota unavuta sigara ya aina yeyote katika ndoto uelewe hiyo ndiyo bangi ya kiroho na unaweza ukaona unavuta mwenyewe lakini katika ulimwengu wa roho wamekupa kabisa na ukakubali kuvuta, unapovutishwa linakuwepo lango la kukuharibu kiroho endapo wameshindwa kimwili, wachawi pia hutumia njia hiyo kuvuruga watu ufahamu mfano wanakujua labda una mipango mizuri au una akili au una hekima sasa ili wakuvuruge wanakutumia mapepo bangi au jini bangi sawa sawa na level ya kukuvuruga. Na zaidi uelewe jinsi mtu hapa duniani na maisha yake na tabia zake, hata umaskini au utajiri ndivyo alivyo katika ulimwengu wa roho, inaanza kwanza kiroho  ndipo kuja kimwili, na ndiyo sababu YESU akasema mwenende katika roho na kweli, hata kumwabudu MUNGU inatakiwa katika roho na siyo kimwili; kiroho na utakatifu na kweli, siyo kiroho halafu neno linachanganywa na uongo, inapokuwa hivyo tu uelewe bangi ya kiroho kavutishwa mtumishi na akishavutishwa  basi neno litapelekwa na ufahamu wa bangi na inapokuwa hivyo tu basi linakuwa siyo neno takatifu la kweli na wote wanaolifuata neno hilo tayari na wao wanakuwa wanaendeshwa na pepo bangi, sababu hata neno linasema jinsi alivyo kuhani ndivyo na picha ya kanisa lilivyo.

Njia nyingine ambayo malango ya kuzimu hutumia kuwatumikisha watu bangi ya kiroho hutuma moshi wake na kuchafua hali ya hewa unaweza ukajikuta unapiga chafya bila sababu au unawashwa macho tena mara nyingine utayasugua mpaka yawe mekundu japo mnielewe zipo sababu nyingine za kukufanya upige chafya mfano vumbi na kadhalika. Bangi hii ina majina mengi wengine wanaiita dope, shada, sigara ya bob marley, sigara kubwa, kila nchi ina jina lake, ila tuendelee kiroho. Bangi hii wapo watumishi baadhi wanavuta kabisa kimwili ili waweze kuhubiri sawa sawa na bangi inavyowatuma kulihubiri neno la MUNGU bila uoga wala hofu na ndipo jina la YESU kutumika vibaya.

Bangi ya pili ya kiroho ni anavutishwa mtumishi kiroho pale ambapo atajiunga na upande wa shetani au kawa freemason ni lazima avutishwe kabisa ili akili yake ianze kuendeshwa na pepo bangi (hili ni pepo dogo aina ya bangi au jini bangi hili ni jini lenye roho ya bangi ndilo lina uendesha ufahamu wake yeye anayesaini mikataba ya shetani au kwa waganga au kujiita na hajaitwa na MUNGU. Napenda mjiulize maswali watu wote ni kwa nini mtumihi anasoma biblia  kama kitabu cha kuwaongoza yeye aongoze yale yalioandikwa  lakini yeye hayafuati? Mfano biblia inasema mtu aombewe bure lakini cha ajabu asilimia kubwa ya watu wanadaiwa pesa za maombezi  tena kwa viwango vikubwa na vidogo siri mmeijua wanavutishwa bangi za kiroho, aibu inaondoka na anakuwa haoni aibu kwa wanadamu na kwa kile anachokifanya na zaidi usiku kabla hajaenda kwenye hayo maombi au ibada yake huwa wanatuma mapepo bangi au majini kwa watu kuwapeleka katika kanisa hizo bila kupenda wala kujua sababu ufahamu unamtuma aende pale pale hata umwambie ni pa shetani hawezi kukuelewa mpaka siku pepo bangi litoke katika ufahamu na akili ndio mtu ajitambue na aanze kujuta sababu ufahamu umekuwa huru. 

Nimeelezea bangi mtu anapovuta hutawala akili na kumpeleka kama bangi inavyotaka, sasa haya mapepo bangi ukishatumiwa yatakuongoza kutii kila ujinga atakaosema mchungaji na utatii, hata wacha gari lako utaliacha, hata kakope benki pesa zote unipe na utampa na matokeo yake unakuwa umeibiwa na wala haujamtolea MUNGU bali ni ufalme wa shetani. Ukisoma biblia soma kuhusu ubatizo aliouleta YESU wa maji mengi sasa inakuwaje waasisi baadhi wakabadilisha neno la mwenyezi MUNGU, soma Ufunuo 22:18-19. Kweli hizi bangi za kiroho zitawafanya wengi wachomwe moto siku ile ya mwisho kwa kujua na kutokujua. Imeandikwa usiabudu sanamu mbona duniani watu wengi wanaabudu sanamu tena kwa ujasiri bila kumhofu MUNGU?  YESU yupo njiani kurudi watu wengi wanavutishwa bangi ya kiroho inawaendesha wamkatae mwokozi. Jiulize iweje umkatae aliyekuumba na ubakie na asiyekuumba yaani shetani ambaye anasubiria kuchomwa moto jehenamu, kila mtu anayempenda YESU aokoke, ukristo bila wokovu ni bure wala sikukuu ya krismasi wala pasaka haitakupeleka mbinguni, mbinguni unakipangia sasa hivi na siyo ukifa, hata sala za makaburini hazisaidii, wewe ndie unayejipangia pa kwenda na siyo mpaka uwe mzoga. MUNGU yeye siyo wa wafu ila bangi ya kiroho inawatuma watu fahamu zao kuwa ukifa utaombewa na utasamehewa, soma biblia hakuna toba ya maiti au mzoga. Umepewa uzima yaani uhai na mwenyezi MUNGU umpende ukiwa na uhai, muda atakapoutoa uhai anakuwa anajua kabisa huyu ni wangu au siyo. Sasa hizo ibada hazimsaidii lolote aliyekufa, sasa hata kama angemezwa na mamba ni lazima ile siku ya mwisho atafufuka ajibu  kwa BWANA. Miaka mitatu iliyopita YESU alikuwa akinieleza mambo fulani limoja lilikuwa anasema waeleze watu ukweli kuhusu mimi sababu mimi ndiye njia ya kweli, kuanzia neno lake sasa unakuwa mkristo kwa kuangamizwa bila kujua wala kupenda kwa ajili ya kuamrishwa uongo, elimu ya uongo mfano hairihusiwi watu kubatizwa kwenye beseni, visima, haijalishi ni maji mengi bado utakuwa ni feki huo ubatizo. Hivyo mataifa yote ni wakati wa kujitenga na bangi ya kiroho ili isikupeleke pabaya, unayo akili kabisa unajua kusoma lakini katika neno utaamrishwa kutoa pesa ili uoate huduma ya kiroho, napenda muelewe haya mambo ya kiroho yapo ya aina mbili:

1.     Kiroho katika utakatifu na kweli, hapa ndipo pa YESU kiimani na matendo.

2.     Kiroho katika utakatifu na uongo hapa ndipo pa shetani na mpinga kristo- hapo roho ifanyayo kazi ni lazima ulipe tena litatajwa jina la YESU kutumika kuwaibia watu mali zao au kanisa kufanyika nyumba ya biashara na wanyanganyi, unapumbazwa tena unaweza ukavutwa kutoka nchi yako ukavutishwa hiyo bangi ya kiroho ukasafiri maelfu ya kilomita kwenda kuonana na mtumishi na utashangaa unarudi hauna mabadiliko wakati mwingine nitaeleza zaidi kuhusu hii bangi ya kiroho mambo mengi kwa kipindi hiki katika sehemu baadhi za ncho zote ni mbaya kwa jinsi jina la YESU linavyotumika siyo kwa waliosomea theologia wala ambao hawajasomea, tena asilimia kubwa  theologia inaficha ukweli ni laana, roho mtakatifu yeye hana mipaka ya kusema ukweli, yeye ni mwalimu mzuri kuliko vyuo vyovyote na ndio sababu YESU alimtuma roho aje asaidie na kutuongoza, sasa baadhi ya theologia zimeleta mapokeo ya wanadamu.

Napenda uelewe muelewe kila imani ina theologia yake wanaoabudu ngombe, majini, watu, mzimu na nyinginezo utaona na zote zimemsema MUNGU lakini cha ajabu biblia inasema pitia YESU ndio utafika mbinguni, theologia nyingine ni ya kuwapeleka watu jehanamu. Na kama  ukimkuta mkristo amesomea theologia halafu amefundisha uongo, ubatizo wa uongo, chaji watu pesa, unyanganyi, au ametumia uchawi, hivi hamuoni zitakuwa ni theologia za mipango ya wanadamu ya kumpinga MUNGU? Neno linasema siku ile ya mwisho wengi wataambiwa sikujui ni sababu moja wapo, ni bangi za kiroho zinaendesha watu tofauti na mpango wa MUNGU. Imefika mahali baadhi ya watu wanajiita YESU jamani jiulize amezaliwa na Maria? Yeye alikufa na kufufuka? Amefanya nini hapa duniani wakati tunajua YESU akirudi kwa miguu yake nyota zitaanguka, milima itashuka na mengineyo, huyo anayejiita YESU mtu huyo bangi ya kiroho ndio imemtuma hivyo na hata wanaomwamini huwaga wanavutishwa katika ndoto fahamu zao zimeanza kumwona ndiye YESU, shtukeni na mkatae uongo, naamini watu wengi watakaposoma ujumbe huu hiyo bangi kama ulivutishwa ukuachie kwa jina la YESU.

Alisema YESU watu wengi watalitumia jina langu kusema ni mimi nimewaita kumbe hawajatumwa na YESU na cha kujiuliza ni mtumishi ametumwa na YESU muombee watu mwachaji watu pesa za kuombewa? Ndio hao wavuta bangi za kiroho je mmetumwa  mkawabatize watu kwenye visima, vikombe, madrum kwa majina yenu? Wacheni kumsingizia YESU. Jambo lingine, theolojia baadhi ni roho mtakatifu au YESU kasema watu wasitubu wasubiri wafe? Wataombewa waende mbinguni. Wengine kulipindua neno la MUNGU je ndio theolojia ya mbinguni? Mtu akisoma theolojia anajifunza kuongoza watu waende mbinguni kikweli lakini kwa kiwango kikubwa hata hizi theolojia nyingi ni za kumpinga MUNGU na kulibadilisha neno lake. Zipo theolojia za kujisomea ili upate kazi na mshahara kuishi. Napenda kusema ukweli, kusoma theolojia siyo kuitwa na MUNGU au ukafikiria MUNGU anakutambua na cheti chako cha theolojia, kazi ya MUNGU ni wito tena akupe yeye, maana unaweza ukapewa wito na freemason au wachawi au dini na ndipo penye shida hata watumishi wa MUNGU wenye wito wa kweli mnalijua hili tatizo baadhi mnanyamaza hamsemi ukweli madhara ni ile siku ya mwisho mtaulizwa na BWANA.

Mnaona mtaonajwe na baadhi ya watu, au taifa lako BWANA na yeye atakuonea haya (aibu mbele ya baba yake siku ile ya mwisho) ukweli haisemwi sehemu nyingi sababu ya wito wa kuigiza giza, na ukweli ni nuru inangaa katika giza, ni ajabu sana hata serikali baadhi duniani zinafanya kazi kiuaminifu kwa kufuata sheria zake kuliko kanisa, ukitaka uovu upo kanisani, uwizi, uchawi, kubadilisha neno la MUNGU kanisani, unyanganyi na mambo mengine mengi tena bila hofu  wala uoga katika sehemu baadhi za makanisa  na baadhi ya watumishi. Nyie watumishi mlioamua kusema kweli endeleeni mnamfurahisha MUNGU na anawapenda msikate tamaa sababu ya idadi kubwa imejiunga na shetani au mpinga kristo. Ukifanya mtihani ya biblia uulize baadhi ya wanatheolojia watafeli, swali la kwanza je YESU aliagiza tubatizwaje? Imeandikwa wapi watoto wabatizwe? Imeandikwa wapi harambee zifanyike kanisani? Imeandikwa wapi mnada ufanyike kanisani? Imeandikwa wapi ujiite YESU au MUNGU? Imeandikwa wapi uombee watu kwa kuchaji pesa? Usiabudu vitu au sanamu na mengineyo mengi.

Na wapo hata watumishi ambao waliitwa au kutumwa na MUNGU, waliacha kumsikiliza MUNGU, walivutishwa bangi ya kiroho na ndipo utaona mhubiri amebadilika ameingia katika uongo japo ameendelea. Na pia kila mtu duniani anayeenda kwa waganga kufanya uchawi ni lazima kabla ya kwenda awe anajijua au hajijui atavutishwa katika ndoto au hewa chafu na fikira zake zitabadilika ataacha kumtegemea MUNGU, afuate kulaaniwa na MUNGU, ukishiriki ushirikina unalaaniwa na MUNGU na kila mchawi aelewe anayolaana ya MUNGU, tubu na kuacha.

Wapo wanaofundisha watu kuchimbia biblia kuzika neno, usishangae ni bangi ya kiroho ya upande unayomtumikisha ndiyo inayofanya kazi. Hata sadaka kikapu cha mama mchungaji hayo yote ni lazima avutishwe na mapepo katika roho halafu yanamtuma afanye hivyo ili aishi, na ikiwa ni hivyo hiyo huduma haina mwelekeo wa kupeleka watu mbinguni ila utaijua kwa matendo yake.

Bangi ya kiroho imefanya watumishi wasiwe na aibu wala hofu ya MUNGU wakifikiria waumini hawaelewi wanadanganywa. Naikemea hii bangi ya kiroho na nguvu zake isifanye kazi kwako na kwa wengine kumchafua MUNGU. Zijaribuni kila roho kiimani na kimatendo yapo makanisa yanamfuata MUNGU kweli, wapo watumishi wanaomfuata MUNGU kweli, hivyo hivyo yapo makanisa yanayotumia jina la YESU lakini ni kujifichia wanatumia nguvu za giza wapo na watumishi ambae walimwacha MUNGU wakajiunga na hao waliojiingiza katika mkataba ya kuuwa watu kiroho bali wamejionyesha linawajenga watu kiroho waende mbinguni lakini ni kinyume, mwenye akili na aelewe.

Huu ni wakati wa mwisho ni heri kutubu na kuacha urejee kwa YESU kabla siku zile mbaya hazijaja. Maneno haya yametoka mbinguni utakaye yapinga ubarikiwe, utakayekubali ubarikiwe. Kilio kinakuja cha hukumu. Sema BWANA YESU naomba unisamehe dhambi zangu zote, uniondolee roho ya bangi katika fikra na moyo katika ulimwengu wa roho na mwili ili nisiamini uongo na akili yangu kutumikishwa na adui. Asante BWANA YESU najitenga na pepo bangi, jini, miungu na nguvu zake za kiroho, sasa na hata milele, Amen.

PROPHET HEBRON.