KWA NINI YESU AMEGAWANYWA NA WANADAMU WAKATI YEYE NI MMOJA NA HAGAWANYIKI!!!!!

(WAEFESO 4: 4-5)

BWANA YESU ASIFIWE, watu wote wa mataifa yote. YESU wa Nazareti anawapenda na yeye ni yule mmoja tu ambaye ndiye mwana wa pekee wa MUNGU aliyeumba viumbe vyote.

Ukisoma katika kitabu cha Waefeso 4: 4-5; 

“⁴ Mwili  mmoja, na Roho mmoja, kama na mlivyoitwa katika tumaini mmoja la wito wenu.  ⁵ BWANA mmoja, imani moja, ubatizo mmoja.”

Nilipoitwa na YESU nikamtumikie mimi Hebron ilikuwa ni ngumu kumwelewa sababu nilishapokea mafundisho ya yesu wengi na nilijiona mimi ni mfuasi mkamilifu wa YESU kumbe siku zilipozidi kusogea nikazidi kujielewa nilikuwa ni mfuasi batili (fake), lakini nashukuru kwa neema yake imeniwezesha nikamjua yeye wa kweli na pia niweze kuwaeleza mataifa na wapone kama mimi kwa wale wanaopenda kuwa na YESU mmoja, imani moja na ubatizo mmoja.

Cha kustaajabisha, hili si jambo la siri bali shetani akishirikiana na wafuasi au wakala wake wakawaleta mayesu mbali mbali ambao hawajulikani wakaleta viapo vyao na watu pasipokujua na wengine wakijua wakayafuata na kuyatii na kwa tendo hilo basi kila aaminiye kiimani na kimatendo anakuwa ni mfuasi wa upande wa yesu wa aina nyingine, au kwa maana nyingine mpinga kristo.

JINSI YA KUMJUA yesu ALIYELETWA NA WANADAMU BADALA YA MUNGU; YUPO HIVI: -

Waefeso 4:5

1.     BWANA MMOJA- Huyu ndiye BWANA YESU aliyeletwa kutoka mbinguni lakini ukiona sheria zake zimechanganywa na sheria za wanadamu (mapokeo) basi uelewe huyo ni bwana aliyeletwa kwa mapokeo ya wanadamu. Mfano utasikia katika ibada watu wanaanza kuchangishwa pesa au harambee na hapo hapo linatajwa jina la bwana au ukitoa unaambiwa bwana akubariki sana….halleluya….!!!!!

Nataka ukumbuke huyu BWANA YESU wa mbinguni yeye alivyokuwepo hapa duniani aliingia hekaluni; ukisoma kitabu cha Marko 11: 15-20 utaona aliingia kanisa akakuta biashara akasema mahali pangu hapako hivyo akawafukuza, akakaa yeye na jambo hili la kufanya nyumba ya MUNGU kuwa soko la biashara halikuanza leo, tangu YESU alivyokuwepo duniani aliyakataa, sasa ameenda mbinguni baadhi ya watumishi wenye shingo ngumu au wanaomdharau MUNGU na sheria yake wanayaendeleza katika ulimwengu wote, na watu pasipokujua wanaona wanamfanyia BWANA wa mbinguni na kumbe ni bwana aliyeletwa na wanadamu.

Jambo lingine, makanisa yamekuwa  ni uwanja wa siasa au kampeni za kutafuta wagombea wa uongozi wa nchi mbali mbali, kanisa la jinsi hiyo muelewe mpo na bwana aliyeletwa na wanadamu. Ukikuta unatozwa pesa ndio uombewe uelewe umekutana na bwana wa wanadamu na siyo yule MUNGU wa kweli, kwa sababu MUNGU wa mbinguni anaponya bila malipo, yeye anao upendo kwako. Hivyo basi unaweza ukajiona upo na BWANA YESU wa mbinguni kumbe upo na bwana yesu wa mapokeo ya wanadamu ambaye yeye hutumia mizimu, nguvu za giza au kufanya ibada kwa elimu za kusomea na akili yake pasipo kuitwa na MUNGU na kufanya mtumishi awe ni wa pesa au mnyang’anyi.

2.     IMANI MOJA- Tunajua ili uwe mkristo ni lazima imani yako iwe moja wala usiifuate imani nyingine tofauti na jinsi ilivyo katika biblia bila kuongeza neno wala kupunguza (Ufunuo 22: 18-19). Ni ajabu utakuta mtu au watu wanajiita ni wakristo lakini hawaokoki hapa duniani inapokuwa hivyo basi asiyeokoka hana imani moja ya YESU wa mbinguni yeye anayo imani ya yesu wa mapokeo.

Imeandikwa usiabudu sanamu lakini sanamu zinaabudiwa, imeandikwa usifanye ibada za wafu, kuombea watu bure wewe unawatoza pesa, imeandikwa nyumba ya MUNGU ni mahali pa sala lakini sasa imekuwa ni soko, michango, siasa, harambee, na mengine maovu. Imeandikwa utoapo sadaka ni siri yako; wewe unaandika jina, unatoa anwani (address), namba ya simu na unapewa stakabadhi (receipt). Hii ni kinyume na neno linavyosema, hivyo basi hilo neno halina ushirikiano na imani ya neno la MUNGU bali maneno hayo yana ushirikiano na imani ya yesu aliyeletwa kwa njia ya mapokeo ya wanadamu na kuwafanya watu wamsaliti YESU wa mbinguni pasipokujua au kupenda kwa kushiriki imani ya kulipinga NENO la mbinguni lilivyo na kuwafanya watu wengi zaidi kuwa wafuasi wa yesu mwenye mapokeo ya imani ya wanadamu na wakamkosea MUNGU kama ilivyo sasa katika ulimwengu wote watu wengi hawana imani ya YESU wa kweli bali wanayo imani ya yesu wa mapokeo ya wanadamu. Hata kama unakataa jichunguze utapata jibu kamili wewe upo katika imani ipi?

Soma Waefeso 5: 5-13, kwa kufunguliwa zaidi endelee kusoma makala za blog hii na angalia YouTube na kusoma vitabu mbali mbali vya Nabii Hebron utapona imani yako. Iwapo upo kinyume basi uelewe imani imekufa, hivyo mkristo bila imani yenye muunganiko (connection) na mbinguni ni kazi bure. Chunguza kiimani, kimatendo, kiukristo wako utapata jibu kuanzia kuokoka.

3.     UBATIZO MMOJA- Luka 20: 3-7

Hapa ndipo pako wazi kabisa katika kukufundisha wewe na mengineyo. Huyu YESU wa mbinguni yeye alibatizwa katika mto Yordani maji yanayotembea, kijito cha utakaso na ukisoma yeye ndiye njia ya kweli, tuifuate, tumfuate alipo yeye katika roho na siku moja tuungane naye mbinguni. Ubatizo maana yake ni kuzamishwa na kama ingekuwa ni tendo la YESU kuzamishwa mradi ni maji tu basi Yohana mbatizaji angebatiza kwenye visima sababu alikuwa jangwani na kulikuwa na visima, lakini hakufanya hivyo alitii alivyoelezwa mbinguni ili amtengenezee YESU njia. Hivyo ubatizo siyo uambiwe tu ni ubatizo, utapokea ubatizo wa yesu aliyegawanywa na wanadamu au wa mapokeo ya wanadamu. Mimi Hebron nilibatizwa ubatizo sijui uitwe namba 2 au 3 au 4 hapo mwanzo na kunifanya niukose ubatizo mmoja aliobatizwa YESU mmoja, imani moja.

Ulimwengu wote napenda mjue siku atakapokuja huyu mwana wa pekee mmoja wa MUNGU wa mbinguni yeye ataangalia ubatizo wake mmoja tu. Ukiwa unao wa kikombe au wa kisima au wa jina la mchungaji atakuambia wewe siyo wangu mfuate huyo aliyeletwa na mapokeo ya wanadamu, alama hii siyo yetu na BABA yangu mbinguni hivyo sikujui sikujui, na ndipo itazidi kutimia, imeandikwa siku ile wengi watalia wakisema BWANA mimi nilikutolea sadaka, nilikuwa naiombea kazi yako, nimehubiria watu, naye atakuambia sikujui sikujui, yaani akisema leo ndio au sasa hivi YESU anarudi mabilioni ya wakristo wataambiwa sikujui. Ameniambia niwaeleze watu wote myajue haya. Hiki ni kipindi cha neema, bado giza halijaja, batizwa upya haraka.

Katika imani nashangaa kuna watumishi mashoga, wanajulikana kimwili na siyo siri. Sasa nauliza hivi YESU wa mbinguni yeye anao watumishi mashoga? Wakati Neno lake linasema hivi “Ole wao wafiraji” na wote hawatoenda mbinguni (soma 1 Timotheo 1:10). Sasa inakuwaje yeye akatae wafiraji halafu tena wanadamu mnaona wapo watumishi wa kanisa, wapo mitume, manabii, wachungaji, wainjilisti, waalimu na wengineyo ni wafiraji. Hii ni picha halisi uelewe kwamba hao wanawaongoza watu kuelekea jehanamu; jinsi alivyo kiongozi ndivyo alivyo na muumini wake, anarithishwa roho zake.

Pia katika imani moja mimi nashangaa sana utasikia umoja wa makanisa, lakini katika huu umoja wapo wanaomkataa YESU hawaokoki, wapo wanao abudu sanamu, wapo wanao batizwa kwenye kisima, wapo wa ubatizo wa kikombe, wapo wa kubatizwa kwa jina la mchungaji na wapo wenye miujiza ya kichawi, wapo wanaotoza watu pesa ili waombewe, wapo waliojiita, waliojifanya, walio msaliti Yesu, wapo freemason, wapo wachawi, wapo wanyang’anyi, wapo watoza riba, yapo makanisa yanayoendesha biashara za benki, wapo wanaoabudu wafu, waabudu sanamu, wapo wanaomwabudu mchungaji kwamba ndiye MUNGU au ndiye YESU, na mengineyo mengi. Sasa ukiniambia kuna umoja wa imani moja, ubatizo mmoja, bwana mmoja katika dunia yote ule wa kweli hautazidi 2%.

Umoja mwingine utakuta ni tofauti na biblia, matokeo yake wakristo wanaanza kuabudu miungu pasipokujua japo baadhi ya viongozi wanajua kabisa sababu wao wametumwa kuwapotosha mataifa, wakawekewa roho za kuwaongoza za giza ambazo hazina nuru. Hili ni giza.

Wapo mashoga ambao kimwili hawajulikani ila kiroho ni wake za shetani, wapo wanawake na wanaume, hawa ni wachawi. Watumishi wote wanaotumia nguvu za giza, wapo manabii, mitume, wachungaji, walimu, wainjilisti, maaskofu na wengineo hata waimbaji wanaotumia nguvu za giza na wamejaa katika ulimwengu wote, ila kibinadamu wana wake/waume na watoto hivyo hivyo wao wanajielewa. Muwe makini sana nyakati hizi ni za hatari, YESU wa Nazareti anakaribia kuja, sasa wewe utakuwa wapi?

Tubu rejea uifuate njia ya kweli; Sema, BWANA YESU wa mbinguni, naomba unisamehe dhambi zangu zote, uniandike jina langu kwenye kitabu chako cha uzima wa mbinguni, nataka imani moja, ubatizo mmoja, Bwana mmoja wa kwako tu sitaki wengine tena. Amen.

NABII HEBRON.