SIKUKUU YA MAVUNO NI SIKUKUU YA WANA WA MUNGU  KUJILAANI WENYEWE KIUCHUMI KUPITIA KANISA.

BWANA YESU WA NAZARETI ASIFIWE, katika makala hii ya Nabii Hebron natumaini watu wengi watanishangaa ninaposema kuwa katika sikukuu maalum ambazo baadhi ya makanisa yanaitenga kama ibada maalum kwa ajili ya mavuno yapelekwe kanisani na pasipo watu kuelewa wanafanya jambo baya katika nyumba ya MUNGU sababu wanapoyapeleka yale mazao kinachoendelea utafanyika mnada hapo kanisani, iwe ni ndani ya kanisa au nje ya kanisa huo ni mnada na anayefanya huo mnada ni dalali, wakati kazi ya mtumishi siyo kuwa dalali, hiyo tayari ni dhambi. 

Na jambo hilo limeota mizizi sana katika dunia yote kwa kiwango kikubwa pasipo watu kuelewa ni vibaya na shetani amefunga fahamu watu wanajijua yapasayo kufanyika katika nyumba ya ibada, ukirudi ukisoma katika kitabu cha agano la kale MUNGU alipowabariki wana wa Israel katika mavuno yao na mifugo aliwaagiza wamtolee MUNGU, na siyo kufanya mnada, zamani mazao yalichomwa moshi ukaenda mbinguni sadaka zilipokelewa, baada ya kizazi cha Musa kupita, akaja na yeye YESU akakuta katika nyumba ya sala wanafanya minada, minada ambayo ndio kama haya haya katika sikukuu za mavuno makanisani, YESU aliyakataa sababu unapofanya mnada tayari siyo nyumba ya MUNGU tena na shetani anao uhalali kabisa ya watumishi au dhehebu hilo kuruhusu jambo hilo, shetani anamnyanyulia bango MUNGU hapo sipo mahali pako pangekuwa ni kwako pasingekuwa na vitu vyangu ambavyo ndivyo hivyo mfano sikuu ya mavuno.

a.)              Sadaka ya Mavuno ni nini?

Sadaka  ya mavuno ni fungu la kumi unalolipata katika mazao uliyoyavuna mfano umevuna magunia kumi ya maharage basi gunia moja ni la MUNGU na kama ni la MUNGU basi ndiyo sadaka yake, sasa kama ni fungu la kumi umelitoa je linafanywa mnada? 

Wewe unapotoa sadaka yako ya mshahara wako au faida yako ukaipeleka kanisani je huwaga unatoa nje halafu inauzwa kufanyiwa mnada? Jibu siyo, sasa basi uelewe jambo hilo ni dhambi na ni laana na hata wewe unayetoa mavuno yako ukapeleka kanisani yakafanyiwa mnada uelewe bado haujamtolea MUNGU 10% yake sababu 10% ya MUNGU hainadiwi iwe kubwa au nyingi yeye anajua ulichokipata na anaridhika nacho, wewe cha kufanya unauza hayo mazao unapeleka 10% yako na hapo utabarikiwa na ikiwa ni kinyume na hapo unajichochea kujilaani kiuchumi na ndiyo sababu mashamba mengi yamelaaniwa hata na wafugaji na zaidi hata ukiuza ukayapeleka katika kanisa hilo hilo linaloendelea na mipango hiyo hiyo ya minada ya mavuno bado uelewe utakuwa umetupa sadaka yako sababu hapo ni sokoni siyo ibadani hata kama umetoaga katika mishahara au faida ya biashara yako pia elewa haiendi kwa MUNGU sababu lipo pando la shetani, shetani ameitumia njia kuliteka kanisa na hata baadhi ya watumishi hawaelewi wanaiga mafundisho potofu na wengine kabisa watumishi baadhi yao wanajua kabisa ila hawasemi ukweli wanaifurahia siku hiyo ili wazichezee sadaka za waumini kwa kuzinadi na kumfukuza MUNGU kwa njia hiyo. 

Hivyo sasa unayetaka kubarikiwa katika baraka za mazao yako sasa umeujua ukweli, na pia uelewe sadaka yako ni siri yako sasa inapofanyiwa mnada hiyo imekuwa siyo siri tena tayari imeharibika na kama imeharibika huko ndiko kujilaani mwenyewe pasipo kujua au kwa kujua na kwa kumfanya yeye alaye awe anao uhalali wa kukufilisi sababu ulipigwa upofu ukaenda tofauti na YESU na neno la BABA yake linavyosema, pia muelewe kipindi hiki ni kipindi cha agano jipya siyo cha agano la kale, YESU yapo mambo ya kale aliyoyatengua mfano mtu akikosea usimpige mawe hadi afe kama zamani na pia hata zamani walipotoa sadaka za mavuno hawakufanya mnada, walitoa kama vile sadaka mazao yakachomwa basi, cha ajabu sasa wanayachukua na kuyafanyia mnada, mpaka hapo hiyo ni dhambi na hata huyo kuhani amelaaniwa dhambi ya uwizi mbele za MUNGU na pia waumini, sasa mmeujua ukweli, mambo haya yote ni shetani ndiye aliyefanya ili kuwateka watu maana tofauti na biblia kama ilivyo na kuichafua nyumba ya sala na kama nyumba ya sala ikichafuka basi hapo sipo mahali pake na kama sipo mahali pake basi yupo mwenye kuishi ambaye ni shetani katika ulimwengu wa roho. 

Sasa ukatae kushiriki tena sema, Bwana YESU, naomba unisamehe dhambi zangu zote uniandike jina langu katika kitabu chako cha uzima wa milele uniongoze wewe YESU nisiende kutoa sadaka yangu ya mavuno katika sehemu hizo sababu nitakuwa naendelea kujilaani kiuchumi na kiroho, Amen.

Zaidi ingia katika website www.prophethebron.org ingia katika link ya youtube na blog utajifunza mengi.

NABII HEBRON.