SADAKA ZA MAZISHI HAZIPASWI KUTUMIKA NA KANISA AU WATUMISHI NI ZA WAFIWA, HIYO NI POLE KUTOKA KWA MUNGU.

KANISA LINAPOCHUKUA SADAKA YA IBADA YA MAZISHI LINAKUWA LIPO KINYUME NA NENO LA MUNGU LIA NA WANAOLIA.

SADAKA HIZO NI HAKI YA WALIOFIWA KUTOKA KWA MUNGU.

Yohana 11:33-35

BWANA YESU ASIFIWE, natumaini baadhi ya watu watafikiri Nabii Hebron amechanganyikiwa sababu mtaliona ni jambo jipya na kumbe siyo jipya ila shetani aliwafunga watu ufahamu wasielewe bali wapo wanaoelewa siyo sahihi kanisa au mtumishi achukue pesa za sadaka za mazishi. YESU aliposema lia na wanaolia, wafarijini, watieni moyo, alikuwa anaongelea katika mazishi hata YESU mwenyewe alipoelezwa Lazaro amefariki na akawaona Martha na ndugu zake wakilia na YESU alilia katika ule msiba japo alimfufua Lazaro. MUNGU ameibiwa haki yake ya kuwatia moyo wafiwa na ikabakia wanadamu tu ndio wanawatia moyo wafiwa, nitaelezea uelewe.

MUNGU ndiye mfariji wa wafiwa kwanza kwa kupitia neno lake kama alivyosema YESU lia na wanaolia. Hii ina maana kuwa; kwanza MUNGU anawatia nguvu wale wafiwa na pili pole nyingine ni zile sadaka zinazotolewa katika ibada ya mazishi, zile zinatakiwa kuachwa kwa wafiwa na siyo zipelekwe kanisani hata siku moja. Ila watu hawaelewi, amenituma YESU nikaeleze yale yote anayoyataka yeye yafuatwe sababu shetani aliyapindua pindua na kumwibia MUNGU nafasi moja wapo ya kuwafariji wafiwa. Na mimi na kanisa langu ndivyo tunavyofanyaga katika mazishi, pesa hizo wanapewa wafiwa na wanahesabu wenyewe hizo ni zao kutoka kwa MUNGU. 

Japo limekuwa na upinzani kwa baadhi ya wachungaji katika maeneo tuliyoenda kuzika katika vijiji vyao walichukia sana sababu pesa tulikataa zipelekwe makanisani bali wapewe wafiwa, cha ajabu maelfu ya watu walifurahia jambo hili cha ajabu wachungaji wa mahali fulani walikuja kuzidai hizo sadaka bila aibu mbele za watu na tuliwanyima sababu siyo mpango wa MUNGU sadaka za wafiwa zichukuliwe kanisani hiyo ni pole ya kutoka mbinguni.

Dini zimeacha kulia na wafiwa badala yake zinachukua ile pole ambayo MUNGU anataka ibakie kwa wafiwa, hiyo ndiyo maana ya lia na wanaolia, siyo kuchukua pesa za msiba, na cha ajabu watumishi baadhi yao hufurahia sana panapokuwa na msiba wa watu maarufu au tajiri kwa sababu wanajua watakuja watu wengi na wenye uwezo hivyo sadaka itakuwa ni nyingi na ndio sababu hata ukiangalia kibinadamu je umeshawahi kuona maskini akienda kuzikwa na viongozi wakubwa wa dini? Jibu unalo. Hii ni kwa sababu katika mazishi hayo itapatikana sadaka nyingi na wataichukua. 

Sasa MUNGU anachukia sana kuhusu kitendo hiki ni cha kumwibia MUNGU sehemu yake ya kuwafariji wafiwa. Sasa wacha, utakayeendelea shauri lako, sasa umeshaujua ukweli hiyo ni dhambi kubwa sana na kwa tendo hilo wanaofanya hivyo wanafanya MUNGU siyo MUNGU wa wajane na madhara yake hao wafiwa wasipopewa hiyo sadaka shetani anapata nafasi ya kuitesa hiyo familia na kufanya MUNGU asiwe ni MUNGU kwao kwa wajane hao au wafiwa hao na ndiyo sababu familia nyingi zilizofiwa zimebakia yatima mpaka leo ni kwa sababu tuu ya pesa iliyotolewa katika ibada ya kuuhifadhi mwili ikachukuliwa na kanisa au watumishi.

YESU alipokuwa anaenda katika misiba yeye hakuchukua pesa, aliwatia moyo na aliwafufua. Alipofufua ile ni ibada aliifanya kaburini, akafufua tu lakini yeye hakuchukua chochote kutoka kwa wafiwa. Sasa kama yeye ndiye kiongozi wa kanisa yeye hajachukua, je hao  wanaochukua wapo chini ya YESU yupi? Hata mimi Hebron sikuyajua hayo ni mpaka aliponifundisha kabla ya kuanza kazi yake na sijachukua pesa hizo tokea nianzishe huduma yake kama alivyonituma. Ila cha ajabu nashangaa hata baadhi za familia tulipomaliza ibada ya mazishi nikatangaza  pesa hizo zibakie kwa wafiwa kwa sababu YESU ndiye anayelia nao na kwa njia hiyo MUNGU na yeye anawapa pole pia baadhi ya hata wazazi waliwanyang’anya hizo pesa nikaletewa mashtaka, nikaingilia na nikawaeleza mtapigwa na MUNGU hiyo siyo haki yako wala siyo ya kanisa, walielewa na walirudisha na wakapokea amani na kusamehewa hiyo dhambi.

Mtumishi usiyeyajua haya sasa uyaelewe na uwatumie na wengine mataifa yote kwa sababu mgeujua ukweli msingeyafanya haya , ila wapo baadhi wanafurahia kuchukua pesa hizo na hawataki kuacha. Mimi ninafikisha ujumbe utakayekaza shingo mimi hayanihusu, utapambana na MUNGU wa wajane na hiyo ni laana na ni uwizi. Jambo hili ni katika ulimwengu wote myajue haya. Sadaka ya mazishi ile haitakiwi itumike mahali popote zaidi, ni ya wafiwa peke yake. YESU analia na wanaolia na kuwapa pole. Hivi nikuulize sadaka ni za nani? Ni za MUNGU na yeye ndiye  azipangiaye kazi, na kazi ya sadaka ya misiba hizi zote ni pole ya wafiwa. 

Jiulize ni sadaka ngapi za wafiwa zimeliwa miaka yote, katika nchi zote? Je hizo familia ni ngapi ambazo MUNGU amezuiliwa kuwa MUNGU wa wajane hao? Shetani aliwapiga watu upofu miaka mingi na makanisa yakafuata ili kumzuia MUNGU asiwe MUNGU wa wajane na inapochukuliwa sadaka hiyo tu shetani humwekea MUNGU mashtaka sadaka zako wamezichukua hivyo hauna uhalali wa kuwa MUNGU wa wajane kuwatunza na kuwafariji. Ni mahali pangu shetani pa kuwatesa hizo familia na MUNGU ni wa haki, analiangalia neno lake. Je mnapenda MUNGU awe ni MUNGU wa wajane kwa wafiwa? Jibu ndiyo, basi msikubali sadaka zichukuliwe tena bali zibakie kwa wafiwa.

NOTE:

Cha ajabu kitatokea endapo sadaka za mazishi hazitachukuliwa na kanisa tena baadhi ya watumishi hawatafurahia tena kuzika watu kwa sababu pesa hamna tena. Hapo ndipo mwenye akili na ajue na atafakari. Ulimwengu ulitekwa na shetani pamoja na kanisa, kama kanisa linachukua pesa za mazishi je hauoni siyo elimu ya MUNGU na hata biblia inasema usifanyie mabaya, usimnyanganye yatima wa MUNGU utapigwa na MUNGU! Watumishi wengi wanayo hiyo dhambi tubu sasa kwa sababu ulikuwa haujui, uliyapokea mapokeo ya wanadamu. Tafuta katika biblia hakuna mazishi yoyote ambayo pesa ya sadaka ilipokelewa kanisani au kuchukuliwa na watumishi. Sasa hii elimu inatokea wapi? Kwa mpinga kristo.

Sema BWANA YESU WA NAZARETI wewe uliye ndiye njia ya kweli na uzima naomba rehema, unisamehe dhambi zangu. Asante kwa kunifungua ufahamu kuhusu sadaka za mazishi. Sitashiriki tena kuchukua au kudai sadaka za wafiwa, uniandike jina langu katika kitabu chako cha uzima. Uniongoze wewe unavyotaka na siyo vinginevyo. Amen.

Zaidi ingia katika website yangu www,prophethebron.org ingia katika link ya blog na YouTube utajifunza mengi, utakuwa huru. Ubarikiwe. Ni kujilaani unapochukua sadaka za ibada ya mazishi iwe ni kanisa au mtu yeyote yule, hizo ni pesa za wafiwa, baada ya ibada zikusanywe wapewe wafiwa na wahesabu wenyewe na wazipangie matumizi yao wenyewe bila hata kuangaliwa na yeyote. Huo ndio mpango wa YESU. YESU ainuliwe juu shetani akanyagiwe chini milele.

NABII HEBRON.