JE UNAJUA NI YOHANA MBATIZAJI WA KUZIMU NDIYE ALIYEZILETA AINA NYINGINE TOFAUTI ZA UBATIZO; TOFAUTI NA UBATIZO ALIOBATIZWA YESU WA NAZARETI?

BWANA YESU WA NAZARETI ASIFIWE! Kabla mada hii nitaelezea ulimwengu kuhusu Ubatizo wa Yohana mbatizaji wa kuzimu. Wengi mtashangaa sana kuwa yupo mbatizaji wa kuzimu anayeitwa Yohana vile vile. Aliponiita YESU nikamtumikie mimi Nabii Hebron nilikuwa sijui lolote na nilimwambia YESU sasa unanituma kwa ulimwengu wote nikaukomboe mimi sijui lolote; hata neno lako silijui. Akanitia moyo Hebron nayajua hayo, mimi nilishakuandaa kabla ya wewe kuzaliwa na nikajua ikifika wakati wake nitakutumia tu na wakati ndiyo sasa. Nitakufundisha, nitakuongoza na nitatembea na wewe kila mahali niifanye kazi yangu kupitia mwili wako. Ni mambo mengi sana ila naelezea kwa ufupi tu hapa, ila zaidi ingia katika website yangu www.prophethebron.org ingia katika link ya YouTube na blog, utasoma mengi baadhi niliyoelezea kutoka kwa YESU WA NAZARETI.

YESU aliniambia nenda kwa mataifa yote uwaeleze habari zangu na uwaeleze watu wote wabatizwe ubatizo niliobatizwa mimi ndiyo uliotoka kwa MUNGU na kama mtu asipobatizwa kama mimi yeye hatafika mbinguni sababu MUNGU alishaandaa njia yake, akamtuma Yohana mbatizaji kutoka mbinguni na hata katika kitabu kitakatifu inaonyesha wazi wazi na katika kitabu cha Ufunuo wa Yohana 22: 18-19; imeandikwa atakaye yaongeza au kuyapunguza maneno ya unabii wa kitabu hiki atahukumiwa. Ina maana MUNGU aliuhakikisha ubatizo wa maji mengi akaupiga mhuri ndio utumike, sasa kwa sasa idadi kubwa ya wakristo hawajabatizwa kwa ubatizo alioupigia mhuri MUNGU kuwa ndio utumike bali watu wamebatizwa kwa ubatizo ambao haupo, MUNGU hajapitisha na watu hupigwa upofu wakifikiria wanabatizwa kwa ubatizo ambao MUNGU kauleta kumbe wanabatizwa kwa ubatizo uliotoka kuzimu na wanapobatizwa ubatizo huo unakuwa umewafungia watu wasiwe wakristo wa kweli na wasije wakaenda mbinguni.

Kama nilivyoelezea katika mafundisho ya Nabii Hebron nilivyofundishwa na YESU aliponifundisha habari hii niliogopa sana kwa sababu niliangalia katika ulimwengu huu kwa haraka nikapiga mahesabu nikaona kama angekuja sasa hivi YESU katika unyakuo kwa kweli mabilioni ya wakristo wasingeenda mbinguni kwa sababu kubwa hawajabatizwa kwa ubatizo alioupiga MUNGU mhuri ufwatwe. Akaniambia, uwaeleze haya kwa sababu wengi hawaujui ukweli wanapotoshwa na watakaoyasikiliza maneno haya na kubatizwa upya watapona. Hivyo nawsihi sasa mkabatizwe, neema ya YESU ipo bado na inawasubiri, ila msichelewe neema ikaondoka tena.

Akaniambia Hebron, MUNGU alileta ubatizo wa maji mengi akamtuma Yohana kutoka mbinguni na yeye akazaliwa akaonyesha njia na mimi mwana wa MUNGU nikaifwata nikabatizwa pale katika mto Yordani. Baada ya shetani kuona MUNGU anatengeneza agano lake kati yake na wanadamu kwa njia ya ubatizo wa maji mengi, joka kuu na yeye akamtengeneza Yohana wake wa ubatizaji na yeye akamtuma aje ulimwenguni kwa njia ya roho mchafu na mpinga kristo; wakaingia katika makanisa ambayo siyo yangu mimi YESU hata  kama wanalitaka jina langu. Elewa pia yupo yesu wa uwongo huko kwenye elimu ya uwongo, sipo mahali pangu ni mahali  pa yesu wa uwongo. Wakaanzisha na wao ubatizo tofauti na mimi YESU nilivyobatizwa, ule ubatizo uliotoka mbinguni, na watu wakaipokea pasipokujua na wengine kwa kujua kabisa kuwa ni uovu kabisa. Na sasa hata mataifa wanampenda YESU lakini wameongozwa katika ubatizo ambao haujatoka kwa BABA yangu, haya ni maneno ya YESU aliyesema na mimi ninayaelezea hivyo hivyo na alieleza kwa sauti ya ukali sana.

Akanionyesha kitengo cha kubatiza cha kuzimu na nikamuona Yohana mbatizaji wa kuzimu na kazi zake, akaniambia YESU huyo ndiye anayeleta ubatizo tofauti na ule ubatizo niliobatizwa mimi na wanadamu wakaupokea na kuingia agano na shetani pasipo kupenda au kujua . Niliwatuma  watumishi niliowaita kabla yako wakaseme habari hizi ili watu wapone nao wengi wao wamenisaliti sasa hivi na mimi nimewaacha na sasa wameamua kuwa ni wachawi na wakawa wanapewa nguvu na shetani ambaye ndiye baba yao. Sasa wamekuwa wanyanganyi na hata kuwaua kiroho watumishi wa kweli wasikue kiroho. Ila sasa nipo na wewe Hebron uipeleke injili yangu kama nitakavyo mimi YESU; karibu narudi kwa unyakuo na sina watu wengi, ni 2% ya watu wote katika ulimwengu huu nyingine yote ni ya shetani amewateka.

AINA ZA UBATIZO AMBAZO NI ZA YOHANA MBATIZAJI WA KUZIMU

1.     Ubatizo wa maji ya kikombe.

2.     Ubatizo wa maji ya kisima.

3.     Ubatizo wa kubatizwa ukiwa mtoto mdogo.

4.     Ubatizo wa kubatizwa kwa maji mengi ila unabatizwa kwa jina la mchungaji, iwe ni ubatizo wa kisima au maji yanayotembea, ubatizo huo ni wa Yohana mbatizaji wa kuzimu.

5.     Kubatizwa kwa mavumbi.

NOTE:

Zipo na nyinginezo ambazo sijaziandika ila nitaendelea kuelezea vizuri zaidi ili watu mpone roho zenu msije mkalia na kusaga meno mkijuta laiti ningeliaga wakati ni sasa umeujua ukweli. Hizi batizo zote tofauti na ule wa YESU ambao ndio uliopigwa mhuri na MUNGU mwenyewe tubatizwe watu wote. Sasa shetani akaleta wa kwake ambao haupo katika biblia kupitia Yohana wake wa kuzimu ili aingie agano na wanadamu wawe ni wafuasi wa yesu wa uongo na wasije wakaenda mbinguni ila waende kuzimu ambapo ndipo lilipo agano la batizo hizo.

Kama hujabatizwa  kama YESU uelewe haujaingia agano la kupigwa mhuri na MUNGU ili uende kwake. Hata kibinadamu soma biblia katika kitabu chote hautaona hizo ubatizo zimeletwa na Yohana mbatizaji wa mbinguni. Na kama hazijaletwa basi wacha ubishi ukabatizwe upya ili uende mbinguni kinyume na hapo ukweli ni siku ya mwisho hata kama ulishakufa watakuwepo malaika wa MUNGU na malaika wa shetani wakiangalia mihuri yao ya ubatizo. Je wewe utakuwa na mhuri wa ubatizo wa mbinguni au wa ubatizo wa kuzimu? Jibu unalo. 

Wakati ndio sasa ufanye uamuzi ukabatizwe na utoke katika batizo za jinsi hiyo inakuonyesha wazi wazi kabisa hapo hayupo YESU wa kweli yupo yesu wa uwongo ndio sababu wamewekewa mhuri wa ubatizo wa kuzimu kutoka kwa Yohana wa kuzimu. Na unapoupokea unakuwa unafanyika ni mfuasi wa yesu wa uwongo bila kujua na hiyo ni dalili kuwa basi hata katika maisha yako wewe ulikuwa unamwabudu yesu wa uwongo pamoja na sadaka zako zote ulimpa yesu wa uwongo. Ipo neema ya MUNGU.

Sema BWANA YESU WA NAZARETI wewe uliye ndiye njia ya kweli na uzima naomba rehema, unisamehe dhambi zangu. Sikujua au nilijua nikakubali kubatizwa ubatizo wa Yohana mbatizaji wa kuzimu pasipokujua. Siutaki tena, uniandike jina langu katika kitabu chako cha uzima. Uniongoze nikabatizwe kama wewe unavyotaka na siyo vinginevyo. Amen.

Zaidi karibu katika kanisa la YESU NI BWANA NA MWOKOZI WA MATAIFA YOTE ukabatizwe, uwekwe huru na utafunguliwa vifungo vyote na kutolewa laana ya ukristo wa uwongo na mihuri ya Yohana wa kuzimu.

NABII HEBRON.