KUVUNJIWA AGANO LA DAMU.

 

Waebrania 9: 15-22, Zaburi 89:3-4, Mwanzo 25:24-33.

Waebrania 13:20 na Mathayo 26:26-30.

BABA ninakushukuru kwa neno lako na mapenzi yako, ambalo umepanga kwa ajili ya viumbe vyako na kanisa lako ili kulifundisha, kulijenga, kuliponya, na  kulivusha hatua nyingi zaidi mbele, nakushukuru kwa sababu unamjua  kila mmoja na sisi tu viumbe vyako na unafahamu kuwa ni jambo gani au kifungo gani au ugonjwa upi ambayo unawasumbua watoto wako na unajua ni namna gani ambavyo utawafinyanga, wapo wanaolia, wapo wanaonyanyaswa, wanaopingwa na vitu wasivyo vijua na wapo ambao adui hataki waishi lakini wewe unataka waishi, BABA ninaomba injili yako na neno lako likafanye mapenzi yako na kumwaibisha yule ibilisi, ninavunja kila kusudio la shetani kwa watoto wako na ninaamuru mapenzi ya shetani yashushwe chini na utukufu wako MUNGU ushuke juu ya watoto wako.

Agano la damu limekuwa likitesa watu sana, maisha ya wengi yamekuwa ndivyo sivyo; na baadhi anachukulia kuwa ni hali ya kawaida, wakiona ndio sahihi kumbe sivyo,

Agano – Kipindi cha MUSA vitu vyote vilikuwa vikisafishwa kwa damu, yaani kulikuwa na sadaka za damu; kama alivyofundishwa na MUNGU. MUNGU alifanya agano na wana wa Israel kupitia agano la damu ya wanyama, lakini pia katika agano jipya MUNGU alifanya agano la damu kupitia mwanaye Bwana wetu YESU Kristo, ndio tuko nalo hata sasa, hatuko katika agano la damu za wanyama tena tupo katika agano la damu ya YESU. YESU alifanya agano na wanafunzi wake la kunywa damu kupitia mzabibu, akasema hivi sitafanya tena hapa dunia mpaka tena kwa BABA yangu kule mbinguni.

Agano ni mkataba na agano linakuwa limegawanyika, kuna agano la kiapo ni agano ambalo ukilivunja mambo yataharibika;  mimi nafundisha mambo ya kiroho na nikisema kuwa agano ni mkataba, ni mkataba kweli na ili mkataba uvunjike kuna upande mmoja ambao utaumia, ila ukivumilia mpaka mwisho wa mkataba basi unakuwa umemaliza mkataba wako kwa uaminfu na utapewa stahiki zako.  , Mfano. unaandika barua au kuomba kazi, utapewa mktaba na lile ndio agano umeingia na mda wa mkataba husika, hata wa mkataba wa kazi ukiisha mfanyakazi anakuwa huru, kuna maagano ambayo yalifanywa kwa njia ya  damu za wanyama yanawatesa watu wa MUNGU na watu wanakuwa katika vifungo kwa kujua na kutokujua kwa sababu ya kuvunja agano, ukisoma katika kitabu cha Walawi 17:11 na ule uhai wa kiumbe chochote mfano wa mnyama uko katika damu na wa YESU upo katika damu yake na ndio maana biblia inatuagiza kuwa tusile damu ya mnyama yeyote, utakapokunywa damu ya mnyama MUNGU atakukatilia mbali, maana uhai wa kiumbe husika ulichokunywa damu yake unakaa ndani yako, ndipo utakuta baadhi ya wanadamu wanakuwa na tabia fulani fulani zingine kama za wanyama, kuna maisha ambayo watu wanapitia na wanateseka kwa sababu ya uhai wa mnyama au kitu ulichokula au agano ambalo umefanya.

Leo tunajifunza ili shetani apate hasara na MUNGU apate faida, nitavunja agano lilalokusumbua na kuwalipa kwa damu ya YESU nawe utakuwa huru. Jiulize!  kwa nini kuna agano jipya na agano la kale? MUNGU mwenyewe alifanya  agano la damu kule katika bustani ya Eden baada ya Adam na Hawa kufanya kosa, MUNGU alifanya agano la damu akachinja  mnyama na akawavalisha ngozi, na agano la ile damu ndilo ambalo mpaka sasa linanena, tunajikuta  tunaishi katika shida na mateso, (Mtakula kwa jasho na pia kuzaa kwa uchungu).  Lakini MUNGU aliweka akiba ya mwanae ambaye ndiye YESU;  kwa sababu wachawi nao wanatoaga kafara, wanaua, ili zile damu zinene/ ziongee kwenye ufalme wa shetani (Damu za wanyama mbali mbali na zile damu zinaongea)  na watu wa MUNGU wakawa wanaomba na wanatoa damu na MUNGU anawajibu, (damu za wanyama hao hao)  wanadamu wakawa inawatatiza na wengi wakapotea kwa sababu damu zote zilikuwa zinanena, ndipo basi MUNGU alipotoa damu ya mwanawe wa pekee YESU Kristo, ambayo ni damu ya pekee haifananishwi na chochote, na ni ili ikanene tofauti na ya wanyama tofauti na kiumbe chochote, kwa ajili ya wale ambao watamfuata yeye .

 

Tunajua ya kuwa YESU alikufa akapaa Mbinguni, lakini damu yake ipo katika ardhi ilidondoka na damu hiyo inanena uzima juu kwa watu wote na haswa kwa wale ambao wamemkimbilia, inanena ondolea la dhambi, msamaha, ukombozi juu ya wanadamu ambao wamemkimbilia, inawezekana kuwa upo kwenye vifungo ambavyo huenda wazazi wako walifanya agano la damu, au wewe mwenyewe ulifanya agano kwa kujua na kutokujua, kwa sababu damu inaongea: Mfano: Mtu aliloga au alienda kwa mganga, au alikuendea kwa mganga, mganga akamwagiza apeleke mnyama huenda ikawa ni kuku, njiwa, ng’ombe au mnyama yeyote yule; mganga atamwekea mikono, ataanza kusema/ kunenea vile vitu ambavyo mteja wake anataka vifanyike ili kufanikisha lengo lake, na baada ya hapo mganga yule atamchinja yule mnyama, ule uhai utaondoka na yale maneno yalionenwa na mganga yatafanikiwa kutokana na ile damu iliyodondoka ambayo ni sadaka kwa shetani kwa agano ya damu ya mnyama husika, huenda mganga alitamkaga kuwa mtu huyu  awe kichaa  na utakuwa tu maana damu itanane, unaweza kuhangaika na hata ukadhani  kuwa  ni mapepo ila kuna damu inayoongea, YESU anataka uwe huru, na mimi Hebron mtumishi wake nataka nivunje agano ambalo linakusumbua; nakata uwe huru.

Jiulize kwa nini watu ambao pesa zao sio za halali wakifa tu na mambo yao/utajiri wao unafifia na hatimaye nao unakufa, watu wanasema wanaenda nazo, sasa watakuwa wanaenda nazo wapi? Ukweli ni kuwa kama mhusika alikuwa na agano fulani na amekufa na hakuna wa kuendeleza lile agano maana maangano mengi ni siri ya wahusika,  na endapo lilikuwa ni la kutoa damu kipindi kwa kipindi, yule mhusika atakapokufa lile agano litaacha kuzungumza ndipo hata mali za uchawi zinapokufa wanasema mtu kaenda na vitu vyake ila ukweli ni kuwa agano lake linakuwa limeshaisha pale alipokuwa amekufa kwa sababu hakuna ambaye amemrithisha na yamkini hakuna ambaye alikuwanajua kuwa mafanikio ya mhusika yalikuwa kwa agano lipi.  Hizi pesa za waganga ni mbaya usizitamani na wala usitishwe na pesa za kichawi/ waganga,  kumbuka kile kinachochinjwa sio ambacho mganga anachokihitaji ila anahitaji ile damu ya mnyama ambayo inamwagika pale chini, mfano: ushindwe kuomba, ukate tamaa, usifike, uishie njiani, usifanikiwe na mambo mengineyo mabaya na hata kama ulikuwa unachinja chinja kwa ajili ya matambiko, kuombea marehemu au mizimu acha na uombe toba kwa sababu  tumeshatoka huko katika agano hilo, na hata YESU alipokuwa wanamtesa na yote waliyomfanyia YESU alivumilia kwa sababu YESU alikuwa na agano na BABA yake na damu ya YESU alikuwa ni ya ushindi na ya thamani sana,  alitaka kusudi la BABA yeke litimie, kwa ujasiri na kwa upendo; YESU alivumilia akijua kuwa upo ushindi katika damu na kila ambaye atakayefanya agano naye la wokovu, na la kumkimbilia YESU hii damu itawatetea, na hata kama imekauka kwenye vumbi bado uhai wa YESU unaongea,  juu yako juu ya kila mmoja,  kwa maadui damu ya YESU inawabomoa, inawazimisha, inawateketeza,  na kwa wale wa upande wake damu  inawatetea.

Wachawi wana mbinu zao za kiroho na bado wanaendelea kumwaga damu za wanyama na ndege na hata wadudu ila inategemea ni agano lipi au ni damu ya kiumbe gani umeagizwa. Wakati mwingine unaweza kuota kuwa kuna mnyama ameletwa anachinjwa mbele yako, au unachinjwa au unalishwa yote hayo ni maagano na huwa yana fanya kazi sawa sawa na vile ambavyo yameelekezwa kwako.

Maombi ni silaha, ila pia uwe na mbinu  za kuomba kwa sababu unaweza ukawa ni mwanajeshi mzuri lakini silaha zako huzitumii na matokeo yake unashambuliwa,  sitaki ushambuliwe na usikubali kushambuliwa, kuna mikataba ya kimwili ipo mfano; mikataba ya kazi, kupanga nyumba, nk. Kuna agano takatifu na agano chafu na agano la MUNGU na agano la miungu. Yoshua hakujiamulia mpaka akafanikiwa kuwafikisha wana wa Israel ila MUNGU alifanya agano na Joshua yale maneno MUNGU aliyomwambia Joshua yaliwafikisha. (Yoshua utawavusha watu hawa akawavusha) hilo lilikuwa agano kati ya Yoshua na MUNGU, sasa basi endapo eti utajifanya Yoshua au useme sasa mimi nawavusha kama Yoshua au nafanya kama Yoshua halafu uone kama utaweza, hawatavuka hata! Ila MUNGU akifanya agano na wewe lazima utavuka, mimi Hebron MUNGU alifanya agano na mimi kuwa utawavusha watu hawa kwa majira yake ambayo yeye alipanga na utawafikisha mbinguni na kweli nitawavusha na mbinguni mtafika maana sio agano langu ila ni agano la MUNGU na litatimia sasa iga kama utaweza; ila shetani huwa anataka mwanadamu avunje agano lake na MUNGU;  na shetani hapendagi wana wa MUNGU wafuate agano la MUNGU na agano la MUNGU la kwanza wokovu, ndio maana MUNGU alimleta YESU;  ila watu hawataki agano la wokovu, wengi wana agano la dini yangu, huo ni mkataba mwingine, vunja  mikataka mingine ubaki na mkataba na BWANA YESU vunja mikataba mingine, na hata wakikucheka  wewe mwangalie YESU;  jipime hivi leo ikiletwa milioni 500  halafu ukaambia chagua wokovu au fedha utachagua nini? wengi watachagua pesa halafu wokovu baadae, wakijipa matumaini kuwa nitatubu, sio sahihi, mchague YESU utapata vyote.

Unaweza ukawa umeokoka na ukawa umerithi maagano ya wazazi wako kwa sababu kuna baadhi ya makabila kila mwisho wa mwaka  wanaenda wote na mwanzo wa mwaka wanaenda tena wote, ina maana mwaka ukiisha mnaenda kufanya agano na mwaka ukianza wanaenda kufanya agano tena la kuanza mwaka, mbuzi zinachinjwa na damu inamwagwa, mbege, pombe, maombi ya miungu, matambiko nk. Ili tu mhusika anayefanya na kufanyiwa agano hilo awe salama, hilo si la MUNGU. Kuna baadhi ya watu wanaishi kwa maagano, acha mimi niyavunje kwa sababu maagano hayo yanatesa watu wengine, mfano. Mtu amemfanya ndugu yake taahira, au aumwe tu au asifanikiwe au ni wa kulia tu, hapo kuna ambaye anateswa na ambaye anatesa, sasa yule ambaye anatesa wengine, aliyefanya agano ndio anafanikiwa wanaohudumia yule anayeteswa na anayeteswa mwenyewe wanaumia sana, sasa mimi Hebron sitakubali mteseke, nataka kila mmoja aishi maisha ambayo MUNGU alikuandalia. Damu ya maagano, inatesa, inaongea, inapiga, inaua, ila aliyeingia katika damu ya YESU anafunikwa kwa damu ya YESU, lakini hizi biashara za damu za maagano zikivunjika ndipo waganga watalala njaa, Je! umeshaelewa maana ya hizo damu, umechinjiwa kichwani au kuna aliyefanya agano na wewe, ndipo unaona mambo hayaendi hufiki, malengo hayafiki kumbe kuna agano la damu ulilifanya au kufanyiwa au wazazi walifanyaga sasa unalirithi,  Je! una agano Je! ulishavunja agano? Agano ni mkataba, agano nia damu na inanena Je! ulishalivunja?  Wengine wameogeshwa kwa waganga na hatimaye unakuwa na agano lenye uhai wa kitu fulani, vunja maagano yanatesa sana; amua tuvunje uwe huru.

Agano jipya ni agano la damu ya YESU, mbona baadhi na hata wewe mkristo unachinja chinja kwa waganga wakati lipo agano la damu ya YESU?  Wakati hata MUNGU ambaye amekuumba aliona kwamba agano la damu ya YESU lifuatwe kwa sababu damu iyo ni tofauti na maagano ya damu yeyote ile,  damu ya YESU ni ya thamani sana, very special, haipatikani popote, na hata shetani anaiogopa, hivyo basi huna haja ya kuchinja na kutoa sadaka kwa mashetani na usifanye hivyo tena, ukifanya hivyo utakuwa umeingia agano na shetani na hata ambao bado wanaobeba hirizi kwenye begi au popote umeingia kwenye mkataba na mashetani na hata unaweza kukuta mtu hawezi kusoma kumbe anaingia agano na mashetani…….kuoa/kuolewa labla mababu walifanya hayo maagano hivyo yataendelea kuongea tu, na maagano yapo pia ya kurithi  ndio maana zipo familia ambazo magano  hayo ndio yanafanya kazi mfano watu hufa kwa presha, sukari, pumu, kensa nk. Miaka michache hayo ni maagano ambayo yameweka awali na mababu na mabibi na kama hayajavunjwa na wewe yatakupata  na hutaishi siku nyingi na itatesa uzao wako pia  utaharibikiwa na hata kifo chako kitakuwa kimefanywa na shetani, siri ipo kwenye hiyo damu ya agano; yawezekana ni chakula au maneno mabaya ila kwa damu ya YESU utakuwa salama, watu wanapofunga ndoa ndio wanafanya agano la kuwa mwili mmoja wanaapa wanakula kiapo, kile ni kiapo kinapokelewa na MUNGU hiki hakivunjwi, na je utaendaje na BWANA YESU wakati wewe hutaki awe BWANA na mwokozi wa maisha yako? Unabembelezwa njoo kwa YESU uokoke unasema mimi bado bado, ukiwa humkubali YESU basi unakuwa na mkataba na shetani.

Kuna tabia mbaya ambapo watu wanafanya uzinzi na wanasema ni mapenzi; hapana sema wanafanya uzinzi, ukweli ni kwamba kabla ya kuoa na kuolewa hayo sio mapenzi sema wanafanya au tunafanya uzinzi na ukiwa unamtambulisha mtu sema huyu ni mzinzi mwenzangu na sio mpenzi wangu hiyo ni lugha ya shetani ya kupamba uovu ila ukweli ni kuwa ninyi mfanyayo hayo ni wazinzi. Mdada au mkaka hawezi kusema naenda kuzini anasema naenda kufanya mapenzi kwa sababu neno uzinzi lina uhalisia wa kuwa naenda kufanya dhambi  ila akisema naenda kufanya mapenzi lina jambo fulani kwa sababu mapenzi ni kwa wanandoa na wamehalalishwa na wana agano hilo, na wana ndoa wanapendana kwa hiyo kama unaishi maisha bila ndoa ujue kuwa yule ni mzinifu mwenzako; tuambiane ukweli watu fungeni ndoa kila ambaye hajafunga ndoa anazini hata kama una umri wa miaka 90 bado u mzinzi. Mimi nawaambia ukweli ili muache dhambi na pia siku ile ya mwisho nisidaiwe, na mimi nifurahi kuwa nimewavusha salama, nipewe taji yangu kuwa nimewafundisha ukweli na mmepona.

Kuna agano la damu, kila mtu ambaye anazini; wazinzi, wahusika uzinzi;  anakuwa amefanya agano la damu katika miili hiyo, na katika kuzini utakuwa umeungana na wale ambao ulizini nao; na hatimaye utakuwa na agano na mwenye mkosi, mshirikina, mwenye vifungo, umeshare laana, nazinaendelea kunena juu yenu, utajiri umeshapokonyolewa, umebakia dhiki, na mambo mengi mabaya unakuwa umeyabeba,  lakini kuanzia awali tungeambiwa hayo ni mabaya ungefanya neno mapenzi lina thamani na linafuta neno uzinifu ndio maana watu wanaendelea na uzinzi.

Kuna maisha unataka ila huwezi, kuyafikia kwa sababu kila kitu kiliondoka, kazi,  mavazi, chakula, masomo, furaha, amani, na mema ambayo MUNGU alikujalia yameondoka kwa sababu ya uzinifu umeshajiunganisha na kuwa mwili mmoja na mtu fulani, mnasema ndoa ndoano, vunja lile agano, mikataba, kuna mikataba ya kiapo kuwa ni wewe tu, nitakuoa, sina mwingine halafu wala hujawaoa au kuolewa na hao Je! Umeshavunja hilo agano? Zaidi unaweza kuolewa kwenye nyumba na nyumba hizo zikawa na maagano au mila mara unaingizwa kwenye kijumba, mara unashikilia chungu, mara unapewa jiko kwa mila na desturi, mara unaingizwa ndani kinyumenyume mara mama mkwe au baba ndio wanakuogesha, mara  unafanyiwa jambo fulani  hapo ndoa hiyo itakuwa ya  mizimu na mashetani sema nataka damu ya YESU tu,  kuna agano la ukoo na  kila ukoo hautakiwi kwenda mbinguni na ukitaka kuhakikisha unaenda kwa mzee wa ukoo, ila waambie wazee waukoo kuwa nataka kuokoka hatakukubalia,  watakuambia kikwetu hayo hayako na kwetu ni haya (Matambiko) na siyo hayo ya MUNGU, (japo midomoni hao wazee wanamtaja MUNGU ili kukupumbaza ila kumbuka MUNGU hachangamani na uovu wala mila) na kuna agano la damu ya mtu,  sadaka ya mtu, ukiua mtu itaongea sana juu yako;  maagano sio mazuri yana mateso, unaweza ukafanyiwa jambo kwa kujua na kutokujua agano likakutesa maisha yako yote,  kuna watu  ni walevi tu, wazinzi tu, shida, agano la umaskini, agano la ufukara, agano la vifo vya kipepo. Pia kuna maagano ya mtu na MUNGU, mtu na mashetani, mtu na majini, mwili kuchorwa ni mikataba lakini ni mkataba  unaofanya na ibilisi na mkataba ambao unaufanya na ibilisi ni mbaya , na ibilisi huwakamata watu wa MUNGU ambao ni vuguvugu na wamekosa ulinzi wa MUNGU na wanawaibia baraka zao na ndio maana yule mfanya maagano kila wakati huambiwa aue au amwage damu baada ya mda anaua mwingine na mwingine,  kama umefanya ukatubu, ila wengi mmefanyiwa vitu vya ajabu sana, na sio lazima mtu akujue, huwa wanafanyaga, mtoto anazaliwa na anakuwa na tabia ya ajabu sana, na haifanani na yeyote utakuta babu alizinigi siku nyingi,  mjukuu anazaliwa  baada ya miaka mingi baadae na tabia ile lakini mtoto wala wazazi wa mtoto hawajui ndipo wazazi wanashangaa mtoto ametoa wapi hii tabia? Wanaanza kujiuliza, kumbe ni tabia ya kurithi, agano linatembea kizazi kwa kizazi, kumbuka kipindi kile, kwa wasomaji wa Neno la MUNGU, Ibrahimu aliulizwa huyu ni nani? Akajibu ni dada yangu na kumbe alikuwa mke wake, miaka ikaenda wakati wa Isaka naye aliulizwa kuwa huyu ni nani akasema ni dada yangu; alirudia maneno ya baba yake  yaani aliulizwa huyu ni nani akasema ni dada yangu kumbe alikuwa ni mke wake (lakini Isaka hakujuaga kuwa Ibrahimu alisemaga hivyo na yamkini Ibrahimu hakuwahi kumwadithia Isaka jambo hilo) uongo wa baba mtoto naye akausema,  mke wake alikuwa mzuri sana, akasema ni dada yangu, agano na mtoto alirithi bila kufundishwa, na baadae watu wale wakatambua kuwa ni mke wake, nao wakashangaa na kuhamaki! Kumbe ni mke wako! Mbona hujatuambia ukweli?  Je! mabaya yangelitupata? Na kipindi cha Isaka aliambiwa hivyo; hilo agano.  Nakupa huu mfano ukiendelea kutafakari, jinsi agano linavyoweza kukaa na kuibuka baada ya miaka na katika kizazi hicho hicho. Yako maagano ya kizazi cha kwanza hadi cha nne cha ukoo uliotoka, maisha uliyotoka nataka niyavunje maana walitaka kukuteketeza kupitia maagano ila sasa nayavunja ili uwe huru ila na wewe ukubali yavunjwe na uyakatae.

Kuna mtu anasema mimi ni wa hapa hapa duniani, hilo ni agano hata YESU alisema hapa sipo petu tunapita tu, na wengi wanaogopa kusema wao ni wa mbinguni, na ukisema watu wanakucheka hata mimi awali niliwacheka wale ambao walikuwa wanasema ni wa mbinguni, kwa kipindi hicho, mimi nilikuwa duniani, yaani mambo na starehe za dunia zilikuwa zimenisonga, na sikuwa najua kuwa kwa YESU kuna raha hivi jamani, nilikuwa nawashangaa ambao walikuwa wanasema wameokoka, sikujua kuwa mtu anaweza kuokoka akiwa duniani,  hili lilitokana na mafundisho potofu ya mapokea ya dini, ila nilipopata neema ya wokovu,  nikamfuata YESU na agano la uovu likavunjwa, ndipo nikaweza kusema mimi ni wa mbinguni na sikuwacheka wala kuwashangaa tena wale ambao wameokoka. Napenda kukufundisha na pia kukuambia ukweli kuwa kama ulikuwa mshirikina au kiimani ulienenda au unaendelea kushikamana na mapokeo ya wanadamu, ubatizo wa kikombe au batizo zozote zile ambazo zi kinyume na maagizo na agano la MUNGU na uovu (Ubatizo sahihi ni ule aliobatizwa YESU wa maji mengi tu) Ndugu yangu ni lazima dini uliyotoka uikatae na hata mimi  niliikataa na ile Imani ya mapokeo ikatae na hata mimi niliikataa, maovu yakiondoka na yale yanayoipinga kweli ya MUNGU ukiyaondoa ndani yako ndipo YESU anaingia, unamruhusu YESU aingie, mbinguni hakuna matabaka wako wa BWANA YESU na wokovu tu.

Maovu yakiondoka utayafurahia maisha yako zaidi na zaidi, na hata kama umerithi mabaya yataondoka  katika jina la YESU unaweza kuzaa mtoto; mtoto atakuja na shida ile ile, Bwana YESU asifiwe, tunaelewana? kama agano halijavunjika utabakia na vifungo, maagano ya kimwili lazima yaache kovu, na wewe ulioingia agano la kuchanja lazima liache kovu na kama ulienda kwa mganga lazima uache kovu,  ndio maana una kovu, huyu hataki hiki, hawezi hiki ni omba omba tu, kumbe damu ilishamwagwa;  utazaa mtoto naye atanza kuomba omba tu, kuna ambayo hawezi fanya kazi kabisa, kuna ambao ni kuchunga tu, ambao ni umalaya tu, kuoa wake wengi tu, mmoja hamtoshi, kuna ambao wanafanya kazi sana wala hawachoki, kuna ambao wanafanya kazi sana wala hawafanikiwi, matatizo tu,  shuleni ni zero hafaulu, ni maagano na damu ina nguvu na kuna ukoo wamemwaga damu kuna ukoo lazima waoane ukoo kwa ukoo au kabila hilo hilo hawaoi au kuolewa pengine kwa sababu ya agano lililowekwa kuwa endapo wakioa/kuolewa pengine mambo hayataenda, yataharibika, hayataenda ila kwa nini sasa msikubali na damu ya YESU ikavunje hayo?? Utakuta mtu ana pesa na mpaka anakufa hawezi kujenga au kuwa na maisha mazuri kwa sababu ya ukoo au damu iliyomwaga, na inayonena juu ya yale maagano na hata ukijenga unajenga kiasi kidogo. Je! Agano lako na MUNGU liko imara, Je uhusiano wako na agano lako na BWANA YESU limesimama au ulishalivunja?  Upo imara au umeyumba?? Yawezekana kuwa unampenda sana MUNGU na unaomba sana lakini wewe ulishavunja agano na MUNGU, kwa sababu MUNGU huweka agano na mtu na havunjagi yeye ni mwaminifu; MUNGU havunji agano lake kwa mwanadamu ila mwanadamu huvunja agano lake na MUNGU; usiogope wewe unayeogopa, usiwe na shaka wewe mwenye shaka,  amua kumrudia MUNGU, omba neema ya kurejewa na MUNGU na usifanye tena uovu ila wewe uliyevunja agano, maana MUNGU amesema usivisujudu wala kuviabudu chochote alichokiumba MUNGU, usiabudu sanamu, usiibe fungu la kumi,  na mengineyo ambayo MUNGU aliyakataza na wewe ukafanya au bado unafanya hapo unakuwa umevunja agano  na MUNGU.

Agano langu na MUNGU (Mimi Hebron) ni kuwaombea bure, kusema ukweli na kuwafikisha  mbinguni nami sivunji agano langu na MUNGU; usione mhubiri anahubiri na anachukua pesa yeye huwa ameambiwa hivyo  na sio MUNGU amemwambia maana injili au nguvu ya MUNGU haiuzwi wala huwezi nunua ila anayefanya hivyo ni mtumishi wa shetani; ndio maana anafanya hivyo; ndipo shetani anampatia pesa.

Siwezi vunja agano langu na MUNGU, na hata agano la ubatizo kuna baadhi ya wanadamu wamelivunja, sasa wanabatiza ubatizo kinyume na agano la MUNGU unakuwa umevunja agano la MUNGU, acha kubali ubatizwe ubatizo wa YESU uwe huru, utoke huko, Mimi Hebron nawafundisha maana ile siku ya mwisho nitatoa hesabu kwa kazi ambayo nimeifanya; nitaulizwa na endapo nisingeliwafundisha ningeliulizwa mbona hukuongea, mbona hukuwafundisha, mimi nimeshawafundisha, sikiliza chukua hatua ya agano la wokovu.

 Unapoamua kuokoka amua ndani yako na usifuate mkumbo kumbuka unapookoka halafu ukavunja agano la wokovu unaweza ukapita katika kipindi kigumu ambacho unaweza kukata tamaa ila shida au chanzo ni wewe ambaye utakuwa umempa nafasi shetani na akapata mlango wa kukukandamiza kwa kuvunja agano na MUNGU wako, pia  unapovunja agano la wokovu unaweza waza mabaya, utataka au ukatenda uovu, utatakata kuyarudia maisha ya kale kabla ya wokovu na hata ukarudi nyuma,  na hata ukamkufuru MUNGU yamkini ukawaza moyoni mwako kuwa hakuna MUNGU, wokovu wenyewe ndio huu, hapo unakuwa umeshavunja agano kwa kutaka tamaa na yamkini wakati unaomba ulishavunja agano na MUNGU kwa namna nyingine kwa kujua na kutokujua na ndio maana wokovu wako unaona unashida, ukiona hali hizo zinakupata basi chukua hatua, yakupasa kuomba rehema, halafu omba neema ili MUNGU arejeshe agano lake kwako, nami nakuombea nawe ukiendelea kuomba ili MUNGU akurejee na ahadi na agano lake kwako litimie.

 

SALA YA TOBA:

BWANA YESU ninaomba unisamehe, dhambi zangu zote, nilizozifanya kwa kuwaza na kwa kunena na kwa kutokutimiza wajibu wangu, nimetenda dhambi, nimefanya maagano kwa njia ya ndoto, chakula, uzinzi, uovu  kwa kumwaga damu, kuwategemea wanadamu na waganga ambao wanatumia miungu yao na sikukutegemea BWANA YESU, nimeenenda katika njia za wasio haki, BWANA YESU kwa kinywa changu nalivunja maagano yote niliyoyafanya, ninafuta maneno yote niliyonena na hata niliyowanenea wengine na maagano maovu niliyoyafanya kwa kujua na kutokujua, BWANA YESU, ninaomba unisamehe dhambi zangu zote, naomba ufute jina langu kwenye kitabu cha shetani na maagano yake, ninaomba uanandike jina langu kwenye kitabu chako cha uzima wa milele. Ninakupenda BWANA YESU ninaomba neema ya kukaa ndani yako na ndani ya agano lako, ninaomba ahadi zako zitime kwangu na nisitoke katika mikono yako. Kwa jina la BABA, Mwana na la Roho Mtakatifu, Ee BWANA YESU ninaomba unisaidie.

 

 

Mtume na Nabii Hebron Wilson Kisamo.