KWANINI YESU ALISEMA UTUPE LEO RIZIKI YETU

 

Mathayo 6:11, 4:1-4

Wagalatia 1:6-7

 

Haleluya!

Baba ninakushukuru kwa majira haya na nyakati hizi, neno lako likatimie kwa watoto wako na kwa mataifa maana lina kitu ulichokiweka wewe mwenyenzi Mungu. Naendelea kusafisha anga kwa damu ya YESU, kila eneo nikirusha katika ulimwengu war oho na mwili, naendelea kusafisha kila eneo kwa damu ya YESU, udhihirisho wa wachawi nikiuharibu, miungu katika mji huu na kila taifa na kazi zake nikizirudisha nyuma na kuziharibu kabisa katika jina la YESU. Nakushukuru BABA, kwa vipindi vilivyopita watoto wako wamepata kitu wamejengwa, wamefunguliwa wamekusifu na umewasikiliza na umetenda, nasema asante BABA. Hata sasa kipindi kingine nakisogeza tena mbele zako, masikio ya watoto wako na mioyo yao ukiendelea kuilisha kwa nguvu zako, uweza wako, kwa utukufu wako, upendavyo na kwa viwango vyako, nasema asante. Amen.

Bwana YESU asifiwe! Nakwenda kufundisha kwanini YESU alisema utupe leo riziki yetu, tuombe riziki. Utapokea riziki yako! Nitasoma neno la Mungu kutoka

Mathayo 6:11 biblia inasema hivi: “Utupe leo riziki yetu”. Kwanini YESU alifundisha neno hili, mstari mmoja tu utupe leo riziki yetu, Je hauhitaji riziki, lakini yawezekana haupati riziki au unayo riziki ya namna nyingine. Lakini napenda nikufundishe wewe kama mkristo, shetani yupo pia kukutafuta akupe riziki zake, na pasipokujua au kwa kujua unaweza ukawa na riziki za shetani.

 Tutaangalia katika kitabu cha Mathayo 4:1-4 utaona Bwana YESU alipokuwa anapewa riziki za shetani akakataa, kwa sababu haikumpasa kupokea riziki za shetani biblia inasema hivi: “Kisha YESU alipandishwa na roho nyikani, ili ajaribiwe na ibilisi. Akafunga siku arobaini mchana na usiku, mwisho akaona njaa. Mjaribu akamjia akamwambia, ukiwa ndiwe Mwana wa Mungu, amuru kwamba mawe haya yawe mkate. Naye akajibu akasema, imeandikwa, mtu hataishi kwa mkate tu, ila kwa kila neno litokalo katika kinywa cha Mungu.”

Bwana YESU Asifiwe! Hapa utaona shetani alimuona YESU katika hali ngumu sana katika mfungo, sio kwamba YESU alishindwa kufanya jiwe kuwa mkate angeweza lakini YESU alikataa, Ina maana kama angekubali angekuwa amepokea riziki kwa shetani. Bwana YESU asifiwe! Nitasoma katika Wagalatia 1: 6-7 nataka tuingie zaidi katika riziki anasema: “Nastaajabu kwa kuwa mnamwacha upesi hivi yeye aliyewaita katika neema ya Kristo, na kugeukia injili ya namna nyingine. Wala si nyingine: lakini wapo watu wawataabishao na kutaka kuigeuza injili ya Kristo.”

Bwana YESU asifiwe! Hili neno riziki lina mambo mengi sana, lakini naongea kiroho na kimwili. Bwana YESU asifiwe! Umekuja hapa unahitaji riziki, mtu anapoenda kutafuta kibarua anahitaji riziki, kuna maombi unaomba ili upate, na unapoyapata ndiyo riziki yako. Lakini kuna mwingine unaweza ukawa unaomba hupati riziki yeyote wala hujibiwi. Bwana YESU Asifiwe! Sasa kwa kujua na kutokujua maisha ya watoto wa MUNGU wengi katika dunia hii yameharibika kwa sababu waliomba riziki kwa mashetani. Unakuta mtu anaenda kwa mganga ili apate mke au mali, huyo amekwenda kuomba riziki kwa shetani, au mababu wamekufa anakwenda kuomba riziki kwao. Mwanadamu anatakiwa apate riziki kwa MUNGU, na riziki hii MUNGU aliyokupa ni lazima uombe, ndio maana amesema omba utapewa, tafuta utaona. Lakini sasa hata mashetani wanasema omba utapewa na tafuta utaona katika ufalme wao. Nilipokuwa nikitafakari neno hili nimekuta ipo shida kuna watu wana riziki za shetani, wengi mmekwenda kuomba wachawi mkategemea kupata kitu, Ina maana unakuwa na riziki za shetani na mwenyenzi MUNGU anashindwa kuingiza baraka zake maana riziki za MUNGU hazichangamani na za giza.

Bwana YESU Asifiwe! Unaonaga vibao vile vya waganga vinasema utakubalika, utapata kibali huyo mtu ameenda kutafuta riziki kwa shetani. Wote tunaelewa nini maana ya riziki mnajua Kiswahili. Lakini ukisoma biblia YESU anasema yeye ndio chakula lakini huwezi kula huu mwili, ni kwa ajili yako neno lake, jina lake. Bwana YESU Asifiwe! Ndio riziki mwenyenzi MUNGU aliyoileta duniani kwamba kila mwanadamu anayetaka kwenda mbinguni ampokee. Kuna wanadamu hawataki riziki ya mwenyenzi MUNGU, kuokoka nikupokea riziki, kumkiri Bwana YESU ni riziki, lakini kuna wanadamu wanabaki kusema wao ni wakristo lakini hawataki riziki ya Bwana YESU. Mimi mwenyewe sala ya baba yetu, utupe leo riziki yetu nimesoma sana nikiwa mtoto mdogo, niliomba riziki ya kufaulu nilifeli, niliomba kuwa na ndege nikiwa mtoto mdogo sikupata. Mimi sijui imekuwa kama ni nyimbo, tena kuna wimbo ambao hata ukicheza kidogo mwili unasisimuka, unaomba riziki MUNGU anahitaji uombe riziki kwake, kuna riziki ulinzi katika mambo mengi, lakini sasa yawezekana ulivyoomba hii riziki katika eneo ambalo MUNGU hayupo, riziki za majini, riziki za mpinga kristo sasa umeokoka bado unazo hizo riziki, zinatakiwa zitoke maana hata shetani huwapa watu wake vitu.

Bwana YESU Asifiwe! MUNGU anatoa, miungu inatoa, majini yanatoa. Bwana YESU asifiwe! Sasa usije ukaangalia biblia, shetani anaijua, wachawi wanaitumia na wanatumia jina la YESU na wanakwambia utapata kitu na utafunguliwa. Sasa riziki za mwenyenzi MUNGU ni tofauti, hainunuliwi. Riziki katika injili, alisema utupe leo riziki zetu tunaomba MUNGU atupe leo hii riziki yake. Na riziki aliyoitoa ni neno hili la leo, neno lake. Lakini ukisoma katika Wagalatia 1:6-7 anasema mnaigeukia injili ya namna nyingine, MUNGU alishatupa injili ambayo ni riziki yake imenyooka ila watu wanataka riziki za kona kona, riziki za uongo. Wewe unaabudu sanamu ambayo sio riziki kutoka mbinguni, alafu unakuja na kiherehere mbele za YESU ukiomba na sanamu yako atakwambia toka huko, wala hakusikilizi. Maana yeye hakutupa riziki za kuweka magogo, riziki zakuita wanadamu MUNGU au kumuita YESU. Shida anasema njooni kwangu ninyi nyote mnaolemewa na migizo, hapa kila mtu analo hitaji, usifiche unataka riziki ya kuponywa, riziki ya amani, riziki ya kuishi, mambo mengi yanatoka kwake na si kwa wanadamu. Ndio maana wanadamu wanakufaga, wanaisha wote lakini neno liko pale pale.

Bwana YESU Asifiwe! Una uhitaji ndio maana katika ile sala ya baba yetu inasema “utupe leo riziki yetu”. Je wewe umeomba kwa nani? Umeomba kwa mpinga kristo, mwambie Bwana naomba riziki ya ubatizo wako, wewe una wa kikombe, wewe una wa kisima, amekupa Bwana hiyo, ndio maana maisha ya watu yanayumba. Watu ni wakristo lakini wengi hawana riziki za mwenyenzi MUNGU wanabaki kusema wao ni wakristo lakini si riziki kwa mwenyenzi MUNGU. Wengine watasema anajifanya sana anamjua YESU, lakini haya yalikuwepo, yataendelea kuwepo wala yasikutishe sikiliza kweli amua. Bwana YESU Asifiwe! YESU naye atakuja kuchukua riziki zake wale ambao wamemkubali, unajua kama umeshaona katika kila kaisari kuna sharia zake, embu vunja wanakuja polisi wanakupeleka mahakamani unahukumiwa. Lakini ajabu sana watu wanaogopa kuvunja sheria ya kaisari kuliko kuvunja neno la MUNGU, kwasababu hawajui siku ile ya mwisho hii itakuwa vilevile. Mtu anaogopa kumpiga mtu kwasababu atapelekwa ndani, lakini muogopeni MUNGU zaidi utaona unafanya vizuri na mtu mwema zaidi. Lakini watu wanaogopa kufungwa zaidi kuliko kuvunja amri ya MUNGU. Sasa mabunge yanapotunga sheria kipengele hiki na hiki, vivyo siku ya mwisho utafunguliwa kipengele kwa kipengele. Riziki ya MUNGU alileta ubatizo wa maji mengi, wewe una riziki gani utafungwa vile vile. Kwa hiyo hapa kwa kujua na kutokujua wewe ni mwalifu mbele za mwenyenzi MUNGU. Ukiambiwa uje uwe mtu mzuri wengine wametekwa na shetani uendelee kuwa mtu mbaya kwa kujua na kutokujua. Kwa hiyo wakristo wengi na wanadamu wengi bado ni wafungwa wa shetani japo hawana kamba katika ulimwengu wa roho ni wafungwa. Imeandikwa nikiri riziki kutoka kwa Mungu okoka, wengine wanasema hakuna kuokoka. Sasa usicheke watu wenye kesi magerezani, wakati wewe ya kwako ni makontena ya mafaili.

Bwana YESU Asifiwe! Nikwambie ukweli hata wahubiri wengi wanaochukua pesa za watu, hawa ni wafungwa wa shetani. Sema tu hukumu haijafika ile siku ya mwisho ambapo kila mmoja atafika atoe hesabu yake. Watu waombewe bure wewe unachukua pesa, hawa ni waovu na wafungwa wa shetani. Lakini anatembea na biblia akisema bwana! bwana! lakini kumbe ni wafungwa, usiabudu sanamu lakini bado wewe ni mfungwa na kazi ya mfungwa ni kuhukumiwa. Na ile siku ya mwisho ndivyo itakavyokuwa kama unavyosikia mahakamani leo hukumu inatoka ndivyo itakavyokuwa. Sasa umekufa bado hujatengeneza utakufa na ufungwa wako okoka. Usiambiwe kwamba tutakuombea, kama unaombea waliokufa na wewe bado ni mfungwa kwasababu MUNGU ametoa riziki yeye ni HAI watu wanahangaika na maiti kuiombea haisaidii. Watu wanaogopa kaisari kuliko MUNGU angalia kina Daniel simama imara mimi nakwambia MUNGU atakutetea na hata kaisari hautavunja sheria zake MUNGU atakutetea. Bwana YESU Asifiwe! Amesema BWANA ametwaa jina la BWANA libarikiwe, wewe ni riziki yake akitaka anakuchukua, akitaka unakaa hapa, amekuweka hapa ili aweke mapenzi yake haya muombe BABA naomba unipe riziki zangu unazozijua. Ila wengine sasa wana riziki za watu nyota ya yule, magari wameiba riziki ya nyumba. Sasa hata katika injili hapa umekuja kutafuta riziki na MUNGU anakupa, sasa unaweza ukawa umefata riziki za mashetani, wanaosema misukule inadondoka ione hiyo hao ni watoa riziki za shetani. Nimeenda kwa mtumishi akaniombea bwana akatenda kumbe umepewa riziki za shetani, napenda nikufundishe jambo hili likusaidie utakauka utachoka siunapokea kiroho riziki za mashetani, za majini lakini huelewi. Injili yenyewe asilimia kubwa sio riziki iliyotoka kwa MUNGU.

Bwana YESU Asifiwe! Nasikia wengine wansema wanamtaka YESU tu hawaamini roho mtakatifu, utasema wanapokea riziki ya mwenyenzi MUNGU? Vyote vilitoka mbinguni alichokileta YESU ni chakula cha uzima ndio riziki yetu, lakini riziki iliyokuja mbona ni tofauti, riziki ya ubatizo sio hii, mara kisima sio hii, mara vumbi sio hii. Bwana YESU Asifiwe! Mara kubariki pombe sio hii riziki ya MUNGU lakini sasa unapumbazwa kusema mimi ni mkristo. Ukristo bila kufata riziki zake MUNGU ni kazi bure bado wewe ni mwalifu. Na ili ujue wakristo atakuwa anajivunia yeye kuwa haendi mbinguni, biblia inasema usinywe pombe lakini yeye ndio anakunywa pombe anajipiga na kifua kabisa. Ivi YESU angekuwa yupo kimwili hapa duniani waalifu ni wangapi? ninaona bora waizi hata ni wachache lakini watu wanaomchezea MUNGU kwa kuvunja sheria yake ni wahalifu wengi . Hupendi wenzako mwalifu, unamuonea mwenzako wivu muhalifu, unapinga neno la Mungu muhalifu. Sasa toa kwanza boriti kwako, unapoita mtu mwizi na kutaka akamatwe je wewe sio mwalifu, au kwasababu huukumiwi kikaisari, yupo anayehukumu ambaye ni Bwana YESU ile siku ya mwisho, mambo yote yatapita na ndivyo itakavyokuwa. Hili hekalu la MUNGU lakini watu wamejaa machanjo, machale sio vaccines ila na mapanga kabisa miili ina uhalifu. Imani zina uhalifu kulala makaburini, mapete ya uhalifu kufunga ndoa na majini unajua kuna watu wanavaa mapete lakini wamemaanisha amefunga ndoa na sharifu, ana jini la ulinzi, jini la akili, la kuzungumza yaani ni mwalifu, lakini amevaa smart anaendesha Range  kumbe ni mwalifu mkubwa au majambazi. Sasa majambazi haya yatahukumiwa na Bwana YESU kwasababu ya kutesa watoto wa MUNGU, Injili kupindisha watu hawataki ukweli, watu wanaomba msalaba ndio hujibu, mbao itakusaidia nini. Ndivyo ilivyo maisha ya kiroho na ya kimwili, BABA yetu naomba unipe riziki wakati ulienda kutafuta mtoto kwa mchawi, huyo mtoto hawezi kuwa riziki ya MUNGU. Mume au Mke upate kwa mganga hawezi kuwa riziki kutoka kwa MUNGU, na kama alikupa shetani au alikuteka huwezi kuwa riziki. Mwambie MUNGU atengue huwi riziki, amekupa nyota yako wakaiba na wewe hapo ukataka nyota za watu ni muovu. Sasa iko shida watu wengi hawana riziki, na riziki MUNGU alizowapa wamenyang’anywa na ndugu na wachawi haya ni mambo ya kiroho. Wale wanaosema wanataka wakipita tu wapendwe, wametafuta riziki za kupendwa kwa majini au ning’are uso. Hata ukipaka mafuta unang’aa. Ila tatizo watu wana makontena mizigo ya riziki za shetani na ukicheza wale adui zako wanaenda kukuombea kwa shetani upate mabaya na usipokaa vizuri riziki za shetani zitakuingilia kama hasra, chuma ulete lakini usiogope nataka nikufundishe jambo linda sana riziki zako, mwambie MUNGU naomba unipe riziki zangu, niliomba vibaya kwa kujua na kutokujua, niliomba masanamu na nikazidi kupokea, na nilipokea  toka umepokea ulishakataaga na ndio maana riziki za MUNGU hazichangamani na vitu vya ajabu, vitu vinapanda na vinaporomoka. Mwingine ameua ndio akapata baiskeli, siamemuua mtu, Kaini alimuua Abeli ambaye aliomba dua zake na riziki kwa MUNGU lakini Kaini yeye alikuwa na roho mbaya na wivu akaomba vibaya na alikuwa mchoyo hivyo hakupewa riziki na MUNGU, hata wewe unaweza ukawa unaomba kwa MUNGU lakini anaona moyo wako ni mchoyo riziki haziji. Utabaki kusema mbona MUNGU anampendelea huyu, kwahiyo hata leo hii kuna wakristo wengi wanaona wengine wamefanikiwa wanasema kwanini huyu hao hawana tofauti na Kaini. Ni vizuri ungejua ni wapi umekosea ili riziki zako zije, kusamehewa ni riziki.

Bwana YESU Asifiwe! Lakini hii sala ya baba yetu inatumiwa na mpinga kristo, inatumiwa kwenye sanamu, inatumiwa kwenye kisima, kila mahali watu wanashika biblia na wanataja, lakini MUNGU anaangalia ni wapi, Je ni mahali pake? Mahali panapoitwa pa Bwana yeye MUNGU anapajua na Bwana anamjua mtumishi wake aliyeweka mafuta yake, wapo waliojiita, wapo walioasi. Bwana YESU Asifiwe! Kama zamani mafarisayo na masadukayo, kwahiyo hivyo hivyo neno la MUNGU litaendelea kung’ang’aniwa. Mimi nakufundisha ili usimame imara nahitaji upate riziki kutoka kwa MUNGU, na kama ulikuwa na riziki kutoka kwake shetani zikuachie, shetani anakupa mikosi sio riziki yako hiyo. Anasema mtakuwa kichwa, kwanini hauwi kichwa, tabia zako sio za riziki ya mwenyenzi MUNGU, hauponi ulishasema kule utupe leo riziki yetu embu itengue ile riziki si ulitaka uponyaji unaweza ukapokea riziki mahali sipo, hawa wanaokwenda kwa waganga asubuhi asubuhi ni watafuta riziki hao, mwizi anapoiba usiku anatafuta riziki. Ulishaona mtu anakaa nyumbani riziki ikamfata hapo ni lazima atembetembe, washetani wanatafuta riziki wakati wa giza na shetani naye anawapa. MUNGU ndio ana riziki, mwanadamu angekuwa kila kitu anacho hapo asingeomba MUNGU. Hapa ndipo MUNGU ametuweza na ndio hivi atapata watu, na shetani naye akashika riziki ili watu wakitaka wakamwombe yeye ili wawe watu wake sasa wewe sema mimi naomba riziki yangu kwa MUNGU. Bwana YESU Asifiwe! umewekwa hapa ili upate lakini sasa ile kwa MUNGU ipo hivi sio saa hiyo hiyo, ila kwa MUNGU utaisotea. Na wanadamu wanapenda vitu vya haraka ila MUNGU hataki kukupa saa hiyo hiyo kwasababu hataki uporomoke. Utajiri wa MUNGU anaokupa hauumizi, si unaona wanapewa riziki na shetani mara wanaendesha magari bila viatu, mara analala chini, chooni tena anaambiwa hakuna kupiga chafya hata kama choo kinanuka si umetaka riziki. Kuna wengine ni wake au waume za watu sio riziki yako. Kutafuta limbwata ili upendwe kwa vidawa dawa, utakuwa riziki ya majini na mapepo hapo iko shida. Injili imekuwa asilimia kubwa sio riziki ya mwenyenzi MUNGU, maombi sio riziki ya mwenyenzi MUNGU. Mtapewa bure kwa wale watakaoleta kiwango cha chini shilingi 5000 na watu wanajibu AMEN, hao wote ni watoa riziki za shetani na utabarikiwa na shetani. Sasa mafanikio na watu kupata vitu ndio watu wanakimbilia, na mafanikio pasipo riziki ni haramu. MUNGU anaweza kuwapa kiongozi ambaye ni riziki yake mkiikataa mnabaki na haramu, mimi nashangaa watu husema nguruwe haramu lakini mzoga hawasemi ni haramu wanakula tu. Mkono wako umewekewa vitu vya kupata, wengine husema mkono umeibiwa wakati bado upo unakula nao ugali, lakini kuna vitu vikishachukuliwa basi, akili yako, ufahamu wako, na ndipo pale ulipo kazi unafanya sana lakini haunyanyuki, riziki zako yupo anayetumia, acha tumyang’anye anayetumia riziki zako. Lakini na wewe utubu pale ulipoomba riziki kwa waganga, hata shetani ni baba unapopata ubatizo na kuomba riziki kwa ambaye humjui ana pembe, ana mkia katika ulimwengu wa roho huyo ndiye baba yako, wakati nikipigana na shetani katika ulimwengu wa roho anaposema acha watoto wangu kwanini? Ukifuatilia unakuwa ulimkiri shetani kwa kujua na kutokujua, kwenye sanamu ulisema Baba yetu nisaidie, unamjua. Sasa MUNGU anachoangalia unaposema Baba naomba riziki, anaangalia ubatizo, anaangalia mtumishi aliyemuweka na kwenye ulimwengu wa roho ndio kunakuwa na haki ya maombi yako kupenya mpaka kwake anakupa riziki. Usipokuwa makini kwa vitu ambavyo vimepinda pinda havijanyooka tayari umepokea riziki nyingine, umechukua mwana.

Watu wengi sana shetani alikuwa ni baba yao. Husema “Baba yetu uliye mbinguni” sawa wewe unampenda lakini msingi ulionao ubatizo sio wake, na hakuna kuokoka hapana. Unajua MUNGU ana watoto wake na fomula zake anataka waweje, shetani naye anataka hivyo hivyo. So usije ukashangaa hata mtu anacheza madhabahuni anamtukuza MUNGU kumbe yeye ni riziki ya shetani katika sehemu za mashetani. Wewe hujawahi kuona mtu ni jambazi anamshukuru MUNGU alikwenda kuiba akapigwa risasi lakini hajafa, na anatoa sadaka ya shukurani amesimama kanisani. Sio hivyo tu atakuja na mzee wa kanisa aliyeloga ili apate cheo anasema, namshukuru MUNGU kwa kunipa nafasi yakuwa mzee wa kanisa kumbe yeye kila siku anashinda kwenye vibuyu, hivyo mnakuwa na mzee wa kanisa sio riziki. Bwana YESU Asifiwe! Unakuwa na nguvu ambazo sio riziki kutoka kwa MUNGU, maisha yanachakaa, maisha yanaharibika hapana kijana simama imara, amua leo kwamba mimi ni riziki kutoka kwa MUNGU. Na Kama riziki zinamsubiri mwanadamu anataka za giza, anataka za MUNGU na MUNGU yeye anafanya. Ukiangalia riziki nyingi huku duniani ni za shetani kuanzia wafalme mpaka mwenye sifuri, asilimia kubwa ni riziki za shetani, unafikiri angempataje mwanadamu, mwanadamu anapenda vitu. Leo hii kusingekuwa na riziki za shetani usingesikia watu wanauana, makafara, usingesikia. Na MUNGU akaona dunia hii imechafuka shetani ndio amefanyika riziki kwao akamtuma YESU. Haya YESU amekuja riziki anakusamehe, akupe amani, ufate njia zake maana yeye ndiye njia lakini hautaki maana umejiita tu wewe ni wa Bwana YESU, utaambiwa mnafiki pita kule siku ya mwisho. Pata picha hukumu ingekuwa ni sasa hivi kama jaji anavyosema kipengele kwa kipengele watu wengi dunia hii ni waovu, na bado wanajitia moyo sisi ni waovu badilika sasa, kila siku wanakufa wanaondoka ukishakata roho hakuna anayekuombea itasaidia bali unakufa na tiketi yako ya uovu, unakwenda kwenye jela kubwa huko kuzimu unasubiri siku yako wewe mwalifu. Niwaambie shetani anawachekea hapa lakini saa ukishakata roho!! Mimi nimeshaonaga mpaka wafalme wanavyokamatwa, wanapigishwa deki vyoo, na vyoo vya kule vinyesi vya kule ni vitu vya ajabu, lakini huku alikuwa ni mfalme akitembea saluti na mabodigadi sasa wanajuta watoke lakini haiwezekani. Kwa sababu tayari muda wake umekwisha unadanganywa na sala za wahubiri kwamba tutakuombea nchi nzima lakini hakuna kitu, ninachokwambia sasa mpokee BWANA, hiyo ndio sheria ya MUNGU. Hapa duniani wanasheria wanaweza kumchezea jaji au hakimu kwa kuhonga lakini siku ile hakuna mwanasheria wala jaji, matendo yako yataonyeshwa na TV inaonyesha huyo ambaye hataki kuokoka, anavizia riziki za ndugu yake anataka kumuua ili apate riziki zake wewe ni muovu, lakini njooni kwake hata anayetafuta riziki zako MUNGU atafanya vita na yeye.

Bwana YESU Asifiwe! Neno la MUNGU hili kila wakati linabadilishwa liwe riziki ya shetani, limeandikwa hapa usiabudu miungu, nyie mnaendaga kikwenu, je hiyo ndio nini? Huo ni uhalifu hiyo kwenda kikwenu kuingia ndani na fagio tano na kichura ni miendo ya kiungu hiyo, achana na hayo mambo yalishafanya watu watumwa. Bwana YESU Asifiwe! Ndio maana leo hii watu wakisikia ukija utafanikiwa utapata kazi, nenda utanyolewa na nywele na kunyang’anywa na hizo riziki ulizokuwa nazo na maisha yako huzidi kuharibika, unaibiwa wanapewa wengine na wewe unabaki na ujinga. Unakwenda kwa mganga unachanjwa damu hapo mwanadamu huwa anashangaza, anakuwa kama mwehu. Embu mtu aje na kiwembe akwambie akuchanje sehemu ya mwili wako kama utakubali, lakini ukishakuwa mwehu utakaa na kwenye kichaka, unapoambiwa unatakiwa uchanjwe nyuma ya kalio la kushoto unatulia na kukubali kuchanjwa kisa anatafuta riziki. Nimeombea watu wengi yaani kuna vitu vya ajabu sana, riziki ya macho yako ya leo, unajua MUNGU leo anajua unakula nini, na kesho, riziki ya mavazi yako, riziki ya neno lake. Lakini sasa kuna watu wanafata kimwili zaidi kuliko kiroho, sasa utegemee pia kiroho iwe ni kwa MUNGU zaidi. Maana hata wale wa shetani wakishapata ile riziki ya kiroho zaidi ya giza ndivyo shetani anazidi kuwafanikisha kigiza zaidi na kuwapa nguvu zaidi. Bwana YESU Asifiwe! Mtu anayeshiba sana anakuwa na nguvu zaidi, achaneni na hizi riziki za shetani pokea! pokea! pokea! Utapokea visivyopokeleka. Sasa ndio shida hapo umempokea YESU, pokea riziki ambayo hata kama ukifa utafufuka na utapaa, lakini sasa watu riziki ya kupaa hawataki. Wanasema kuhusu dhambi za asili lakini je huyo mtoto amepata wapi, je huyo mwanaume na mwanamke walitoka wapi kwanini usimfuate YESU unapindisha neno la MUNGU unapoweka baba au mama wa ubatizo, mimi mwenyewe nilishakuwa nikawa muovu lakini MUNGU amenisamehe kwa kujua na kutokujua na bado watu wanalelea uovu, kuchafua neno la MUNGU na kuvunja sheria ya MUNGU, shetani anaendelea kuwadanganya anajua mnakwenda kufungwa maana ni waovu. Utasema yule aliyetukana yule ni muovu, lakini uovu wa kwenye biblia msiwe wachawi ni wachawi, kwenye cheti cah kuzaliwa mkristo lakini muovu, hata kama ni askari, hata kama ni mwanajeshi, mfalme lakini ni muovu mbele za MUNGU wewe ni kiumbe chake ndio maana uanakufa.Tumeona wafalme, malkia wakipita, tumeona kina Farao wakipita, kina Musa wakipita watu wamekufa na uovu, wanakufa na kufungwa. Yaani kama hujaokoka ukifa umefungwa, unakufa na ufungwa wako sema unasubiri ile siku ya mwisho na ile riziki ya mwisho ambayo ibilisi amekupa ya kupigwa moto na yeye, na riziki aliyotoa Bwana YESU ni kuuridhi uzima wa milele ambapo ni furaha na kumshangilia baba yao mbinguni. Watu hawataki riziki, unaenda kwenye maombi wanakuuliza ivi huna kazi wewe achana na yeye, watu wanaangalia kazi sana huyo MUNGU siku akikunyang’anya hiyo kazi wataanza kusema naomba mkaniombee kanisani kwenu, lakini hata ukiombewa haikusaidii maana wewe unataka riziki za MUNGU lakini hautaki cha MUNGU. Huku duniani wakisema kitu ambacho si riziki hakiliki sasa mbona mnakula vitu vya shetani, lakini roho inakula na kinachotafutwa ni roho yako ile kitu ambacho sio riziki ndio maana usiku unakula, unakunywa vile vitu unavyolishwa sio riziki ni vya kuharibu maisha yako.

Bwana YESU Asifiwe! Kuna watu wanapenda riziki za paka, nasema paka maana yake uchawi na hupenda kutumia paka sana. Wakilia tu kwa namna fulani huwa ni watafuta riziki hao, amka omba na kupiga hao ni wezi wa riziki. Hata mbwa anapolia mlio fulani lakini hauoni mwizi wala kitu chochote hao ni waiba riziki, mbwa anamuona mchawi na mchawi hampendi mbwa hivyo hulia kuashiria waiba riziki ambao ni wachawi, na wakikaa muda mrefu ndio hubomoa haswa, hata kuja na magari kubeba riziki. Bwana YESU Asifiwe! Riziki zako utazilindaje?  Utazilinda kwa maombi, funika kwa damu ya Yesu, hata katika kutoa fungu la kumi MUNGU anasema atamkemea alaye, aibaye ni nani? Ni riziki. Kwa hiyo MUNGU anakupa kitu na humtolei tena fungu la kumi hivyo zinakosa ulinzi, wakija wanatafutaga mlango hata waizi wakiiba mahali wanaangalia ni wapi watapita, wakikuta kote kumefungwa vizuri wanaisoma namba.

Ni muhimu kuangalia unayeita Bwana kwasababu hata shetani ni aina ya bwana kama ilivyo bwana mifugo, bwana shamba hivyo ni vizuri kujua kutofautisha hizi bwana kuanzia Bwana YESU, maana zipo za kwake na zipo feki. Bwana YESU Asifiwe! Basi kitu ambacho umenyang’anywa riziki yako nakwenda kuomba na usifikiri mtu akichukua riziki yako kiroho itaonekana kile alichonacho ni cha kwake lakini sio chake. Sasa unaomba nini MUNGU akupe riziki wakati alishakupa nyingi na zimechukuliwa wacha zirudishwe. Bwana YESU Asifiwe! Lakini utunze sasa riziki zako na kuzifunika kwa damu ya YESU, mtu anaweza kuwa anaishi maisha ya ajabu ya kifalme kumbe ni riziki zako, tena akakuajiri na wewe na anakupa mshahara anakukata. Na tabia nyingine za waiba riziki akaikupa hela lazima azifanyie mambo, kabla watu hawajalipwa mishahara labda zinapelekwa kaburini, au mnalipwa hela usiku tu. Mimi nilishafanya kazi mahali siku ya mshahara boss anatoa hela kwenye mguu. Kama hujui huwezi kuelewa. Ukishika hela haikai, unakuja na riziki lakini zina mambo. Ni ajabu sana kanisa kudharau kwamba hakuna uchawi, watu wengi wanapigwa na wachawi kwasababu wanaamini ukishakaa kanisani na kuwa mkristo na imani hawakuwezi, Ni lazima usimame kuna vita. Usitiwe moyo kwa kuombewa na vitabu vya nyimbo vingi amekufa kwamba bwana atakupokea tuonane bandarin, je hiyo bandari unaijua, sisi tutapanda boti au tutapaa. Tuende kwa amani ya bwana je ni bwana yupi? Ametoka Kwa udongo atarudi kwa udongo tutakutana naye je mtakutana wapi? Kila mtu ametoka Kwa Bwana Yesu.

Maombi: BABA MUNGU ninakushukuru tazama wewe YESU uliwafundisha watoto wako waombe riziki kwako, najua una mpiango mingi ya kuwapa na mimi nikisimama katika neno lako kutoka Mathayo ya kwamba ni wakati wa kuwapa riziki, na wale waliopewa riziki ambazo sizo zikaondoke wako ambao watoto wao wamepewa riziki za ajabu, riziki za utundu, uchokoraa, tabia za ajabu, wako ambao wamepewa riziki mpaka watakavyokufa wawe sifuri, eeh! Yehova ninakuomba uangalie neno lako Mathayo 6:11 riziki ya kwanza ;

SALA YA TOBA:

SEMA :Bwana YESU naomba unisamehe dhambi zangu zote, uandike jina langu kwenye kitabu chako cha uzima wa milele, namkataa shetani na mambo yake yote na riziki zake, nikimaanisha mambo yake, tabia za kwenda kwa wachawi, tabia za uovu, riziki za adui hizo, na vifungo sivitaki maana vingine niliomba katika madhabahu nilizotokea ambapo sehemu nyingine kulikuwa hakuna MUNGU nikaomba nipokee na kweli nikapokea, nikabadilika, nikapokea kufeli tu, kurudi nyuma tu, YESU nimekukimbilia wewe, Asante Yehova. Amen.

Imeandikwa na Mtume na Nabii,

HEBRON WILSON KISAMO.