UNABII WA MUNGU WA KWELI KUHUSU UCHAGUZI WA URAIS 2015 UMETIMIA NA TANZANIA MPYA (EDENI)!

BWANA YESU WA NAZARETI ASIFIWE! Au kwa jina lingine anaitwa Nabii Issa. Kama nilivyokwisha elezea katika makala yangu ya Nabii Hebron kuhusu unabii wa Tanzania tokea 2012, 2013, 2014, 2015 mtaona yaliyotimia katika kila kitengo nilichokielezea kabla ya  muda hata na watu baadhi yao waliona nimechanganyikiwa kwa sababu ya yale niliyoyaelezea. Watu baadhi waliona haiwezekani, ila jambo lolote MUNGU akisema ni lazima kitokee na halipingiki wala kubadilika. Nitaelezea mambo machache ila mengine mtayasoma katika blog hii.

a.      KUHUSU RAIS ATAKAYECHAGULIWA NA MUNGU 2015

Kama nilivyoelezea nilivyokuwa naongea na MUNGU kama vile alivyokuwa anaongea na Ibrahim, Musa na baadhi ya manabii wake kwa sababu wapo wanaoota ndoto, wapo wanaoongea na yeye mdomo kwa mdomo na kujibiana na ndivyo ilivyokuwa kwangu tokea aniite aliniita kwa kinywa chake nilikuwa Serengeti nikahojiana  mpaka nikamwelewa na ndivyo afanyavyo mpaka sasa. Nilipoongea na yeye miaka mitatu na miwili iliyopita katika siku tofauti yapo mengi ila naelezea kwa ufupi katika swala la uchaguzi wa 2015 na mimi niliyasema kama alivyonieleza ila kibinadamu watu wanafikiri ni maneno yaliyotokea katika kinywa changu na fahamu zangu, akaniambia wewe Nabii wangu na ninakuweka katika nchi hii ambayo nataka kuinua kwa ajili ya utukufu wangu hivyo lazima uyajue haya na pia uelewe pia na shetani na yeye anao manabii wake hivyo hivyo wakitumia jina la mwanangu wakati hata hao siyo wangu ila itajulikana na kusudi langu Hebron mimi MUNGU nikisema ni lazima litokee na halizuiliki ila kusudi la shetani analoongeaga na wafuasi wake waliojificha kwa kutumia jina langu kumbe ni wa shetani, nakueleza Hebron, hayatapita maneno hayo ni yako uyahifadhi mpaka nitakapokuruhusu na sasa ameniruhusu ninayasema.

Kuhusu Rais John Magufuli kama nilivyosema atakuwa ni rais ambaye yeye jina lake halikutazamiwa na watanzania au nilisema nanukuu atakuwa ni rais ambaye watu hawakutazamia kabisa na ndivyo ilivyokuwa katika yale majina tokea mwanzoni kwanzia kwenye chama chake hata wakati wa kufuatilia fomu katika ule ushindani kwa macho ya kibinadamu matumaini ya watu idadi kubwa hawakumtazamia yeye angechaguliwa kuwa mgombeaji na akapitishwa.

Pili hata katika ushindani wa kampeni ukiangalia ulivyokuwa na ushindani na akapita. Hivyo ninathibitisha tu katika unabii nilioutoa kuwa Rais ajaye atakuwa ni mtu asiyetazamiwa na wengi na ndivyo ilivyokuwa na maneno haya aliponiambia MUNGU aliniambia Hebron na wewe ukiwa ni Nabii wangu usiombe lolote katika uchaguzi omba mapenzi yangu yatimie na siyo mapenzi yako ikiwa namaanisha nampatia jina la mtu ninayemtaka na ndivyo ilivyo na wengine baadhi wachache walioomba hivyo na wengine waliomba kwa kupeleka majina ya mapenzi yao na fikra zao. Wengine waliomwomba shetani na akawaahidi uongo na ndiyo sababu wanashangaa haijatokea ila mwishoni katika makala hii nitaelezea utapata jibu.

Ilipofika mwezi April 2015 aliniita MUNGU kwa sauti yake akiwepo Malaika Gabriel kwa sura yake mbele yangu tukaongea mengi, akaniambia Tanzania ni nchi yangu nimeiteua kuwa ndiyo Edeni yangu ya sasa kama nilivyokueleza tokea 2010, nimeishika katika mkono wangu mimi ndiye nitakayemweka kiongozi wa nchi hii ninao watoto wangu baadhi yao wanafaa na wengine hawafai kabisa na wneigne wananipenda ila wanakataa kusikiliza sauti yangu bali wamewafuata wale ambao mimi siyo baba yao bali wanao baba yao wa uongo na walitumia jina la mwanangu, lakini mwisho wao umefika na hii itakuwa ni kwa uliwmengu wote, utukufu wangu wa mwisho umerejea sasa na mkubwa kuliko wa kwanza. Akaniambia Hebron nakufundisha uelewe hata kina Musa niliwafundisha na wakaelewa na wewe sasa umeshanielewa mimi MUNGU niliyekuumba nakupenda kwa sababu unasema kweli na katika ukweli watu wengi wanaponywa na kufunguka na kutolewa katika magereza ya shetani yakiitwa kwa jina lla kanisa na kumbe siyo yangu yanajificha kivuli cha jina la mwanangu, lakini usiogope Hebron, yalikwisha andikwa katika vitabu vitakatifu hivyo ni lazima yatokee na sasa yametokea katika ulimwengu wote.

Akaniambia Hebron utasikia watu wengi wakitabiria viongozi kuwa ni mimi nimewaambia mfano mtu fulani na fulani ni mimi ndiyo nimemteuwa au nimewateuwa. Hebron mimi MUNGU wako na BABA yako na pia ni mama yako nimekuumba wewe nilijua itafika  utakuwa Nabii wangu ila nilikuficha miaka yote ili shetani asikujue sababu nilichokifanya kwako ni kuharibu kabisa ufalme wake na ufalme wangu wa mbinguni usimame katika dunia hii na wakati ni sasa. Akaniambia hao watu mimi sijawatuma, siongei nao ila tayari walishaenda kuzimu baadhi yao wakaelezwa na walikuwa wanaelezwaga mengi na watu wakielezwa wananona yanatokea akasema ni mwisho wao sasa nawaaibisha, mwanangu karibu anarudi na kundi la waongo ndilo lenye wafuasi wengi na hata hao wafuasi hawajijui wanapigwa upofu sasa nawafungua mimi mwenyewe wanijue mimi .

Hivyo ndugu msomaji natumaini umepata picha kidogo ni nini kilichotokea. Watumishi wakatabiri uongo, hao waliopewa taarifa hizo za uongo na baba yao wa uongo na akijua itakuwa ndiyo sababu watu wakapokea uongo, wakauamini, wakautendea kazi baadhi wakaupigia kura na matokeo yake walichotabiriwa n kuhubiriwa kumbe ni taarifa za uongo na hata kusababisha kuwanajisi wagombea. Ukisoma katika kitabu cha Yeremia 23:28-33. MUNGU anasema mimi sikuwatuma ndiyo sababu wametabiri uongo yeye ni kweli. Nataka mjue Nabii ni kinywa cha MUNGU (Hesabu 12:8), lakini pia shetani pia anao manabii wake ambao hutumia vinywa vyao hivyo inavyokuwa hivyo uelewe kibywa cha Nabii asemaye uongo ni kinywa cha shetani.

Nilipokuwa naongea na MUNGU, akaniambia ninao watoto wengi tena wazuri wenye hofu ya MUNGU ya kweli ambao wanafaa kuwa Rais wa Tanzania 2015 na akaniambia kuanzia sasa mpaka atakapo rudi mwanangu kulinyakua kanisa yeye mwenyewe ndiye atakayewaanda na nitakujulisha sababu hata neno langu lasema sitafanya lolote bila kumjulisha Nabii wangu hivyo nakujulisha. Akaniletea picha za watu watatu alikuwepo Samwel Sitta, John Magufuli, Harrison Mwakyembe nikabakia nikishangaa, kisha akaniaga anaondoka kurudi mbinguni nikabakia na Malaika Gabriel, akasema kusudi la MUNGU ni lazima litimie na yeye akaniaga akarudi mbinguni. Nilikaa wiki nzima nikitafakari lakini bado kinywa kimefungwa siwezi kumweleza mtu hadi ilipofika mwezi wa sita 2015 akaniletea jina moja  akaniambia huyo ndiye mapenzi yangu na jina hilo ni la John Magufuli, akimwandaa yeye MUNGU na ndiye alimwongoza na kumpa kibali hicho na kumfanya yeye ni Joshua wa kweli wa kutoka katika mapenzi yake. Hayo ndiyo aliyoniambia na sasa yametimia leo ndiye Rais wa nchi ya Tanzania 2015 na mkono wa MUNGU upo juu yake, amemshika mkono yeye.

b.     KUHUSU JESHI LA TANZANIA

Nilielezea jeshi la Tanzania limeinuliwa na uthamani wake ulioibiwa umerejeshwa mmeona jeshi la polisi lilivyofanya vizuri, hii haijawahi kutokea katika nchi hii, MUNGU amewainua nilishasema na katika kitengo cha jeshi ni jeshi lote la Tanzania. MUNGU yeye ndiye atoaye vipaji sasa vipaji anawashushia na ndiyo sababu linakuwa ni mfano hivyo atukuzwe MUNGU wa mbinguni, sifa zimrudie yeye na sasa msahahu madhaifu ya zamani siri mmeijua. Kuna nchi ziliiba uthamani wa vitu vyetu mfano jeshi na jeshi la nchi zao linaonekana ni bora zaidi, sasa wamenyang’anywa katika jina la YESU WA NAZARETI wa kweli.

c.      MATOKEO YA UCHAGUZI

Kama nilivyoelezea soma katika makala ya unabii wa Tanzania 2015 nilisema katika siku ile ya kura watu watabadilishwa fahamu zao na kumpigia kura yule ambaye MUNGU anamtaka yeye na hii ndiyo ilivyotokea na wengi hata mnaousoma ujumbe huu utashangaa siku ya kura ulibadilisha ukajikuta unahama na ukampigia rais wa sasa. Haya nilishayasema na yametokea, nilisema hivyo kwa sababu wapo watumishi watu  wamefikiri ni watumishi wa MUNGU wa kweli na wana umoja wao na wanapeana hata upako wa shetani ili kazi ya mpinga kristo ishike h    ila sasa huo upako wa shetani uliharibiwa na YESU pamoja na serikali yake, na ndiyo sababu mnashangaa aisee imekuwaje tena na upako wa kinabii walionao? Jibu unalipata huo ni upako wa shetani hauwezi kushindana na YESU  wa mbinguni, na zaidi watu wengi walitekwa nafsi zao kupitia upako wa shetani wakahubiriwa na kulazimishwa katika ulimwengu wa roho wamchague nani hilo YESU aliliona na alilitengua sasa imebakia aibu ya baba yao wa uongo.

Nilisema YESU atasimamia uchaguzi na YESU akisimamia jambo basi linakuwa na amani tu na ndivyo ilivyokuwa Amani. Nilisema wapo mawaziri watapoteza nafasi zao za ubunge, imetokea, na wabunge wengi watakuwa ni wapya na wengine wataachwa na vyama kabla ya uchaguzi baada ya vyama vyao kuwakataa au kupitia kura za maoni watahama wengine watashinda na wengine watakosa kabisa.

d.     KUHUSU VYAMA VYA SIASA.

Nataka uelewe vyama vya siasa havina shida wala haipaswi kuviwekea chuki yeyote ile, tatizo lililopo katika vyama vyote ni kuwa baadhi ya watu wasiyo wenye hofu ya MUNGU, hivyo watu baadhi wasipokuwa na hofu ya MUNGU wakatenda jambo baya hizo lawama zinakifanya chama kionekane ni kibaya mimi Nabii nasema vyama vyote ni safi ila watu baadhi yao ni wachafu kimatendo na hii ndiyo inayosababisha watu wavichukie vyama badala ya kuchukia tatizo na yule atendaye. Mimi kama mtumishi wa MUNGU sitakiwi kuwa ni mshabaki wa chama chochote bali ni kuwaombea wote hata sitakiwi niwe na kadi ya chama chochote. Inapokuwa mtumishi wa MUNGU anayo kadi ya chama chochote hapo anafanya makosa ni dhambi, huwezi kuwatumikia mabwana wawili na watumishi kazi yao ni kuhubiri injili siyo kwenda kwenye majukwaa ya siasa au kuwanadi wagombea, hiyo ni dalili hawapo na MUNGU wa kweli bali mtumishi anayeongozwa na roho ya shetani yeye anaruhusiwa na baba yake wa uongo, mtawajuaje ni kwa matendo yao (soma 1 Yohana 4:1-6). Na shetani katika ulimwengu wa roho alipoona kusudi la mapenzi ya MUNGU lazima linatimia alitoa amri akasema nao wawasaidie katika mikutano ya siasa baadhi yao wakatoa ushauri  wakiwa wamepewa aina ya nguvu ya kipepo inayoitwa sumaku za kuvuta watu na hilo pia YESU aliliharibu halikufanikiwa. Ilikuwa ni vita kubwa ya kiroho kati ya mbinguni na kuzimu lakini walishindwa hivyo muwe makini sana hata nchi nyingine, sasa hivi mambo yameharibika YESU anarudi kulinyakua kanisa lake sasa jiulize wewe upo na mtumishi anayesema ukweli au uongo? Hilo litakuwa ni jibu la wewe kukufanya ujijue wewe upo salama au upo hatarini, lakini neema bado ipo, tubu uokoke upya.

e.      WALIOTABIRIWA UONGO KATIKA UCHAGUZI.

Nataka waelewe wao hawana shida yeyote na wanampenda MUNGU na MUNGU anawapenda ila hawakusikia sauti ya MUGNU wa kweli wengine walijua kabisa lakini wengine hawakujua ila wameponzwa kuingizwa katika swala hili sababu wengine hata wasingegombea kabisa ila walidanganywa eti MUNGU amesema mfano wewe ndiye hivyo na wao wakatii sauti za manabii au watumishi pasipokujua je ni MUNGU kasema kweli na tena wengine wakapakwa mafuta kabla ya uchaguzi, nilishangaa sana mambo hayo ambayo hayakuwa ni ya MUNGU bali anasingiziwa MUNGU, watu hawamwogopi MUNGU kwa kusema uongo hata kuwafanya watoto wa MUNGU baadhi yao wanabakia na vilio ndani ya mioyo yao. Nataka uelewe ingekuwa kweli kasema MUNGU na amemtuma aseme fulani na fulani ndiyo rais basi ingekuwa tu MUNGU hazuiliki jamani wala hamna wa kumshinda MUNGU kabisa, ahadi zake ni za kweli kwa watu wake, sasa iweje ahadi alizozitoa zisitimie jamani? Basi uelewe ulipokea ahadi za uongo na Nabii akisema uongo na ikithibitika ni uongo basi yeye ni nabii wa uongo ni mtoto wa baba wa uongo. Walipoona nabii zao za uongo zimevurugwa na YESU wakatoa isingizio eti kura zitaibiwa embu jiulize wewe kama MUNGU wa kweli kamweleza sasa itakuwaje ashindwe kuzuia kura zisiibiwe? Utaona tena hapa ni tatizo hili.

Na wengine walisema asipokuwa mfano mtu fulani basi afe au apate adhabu kama biblia inavyosema adhabu ya Nabii asema uongo, haya mapigo hayazuiliki yatatimia tu, neno la MUNGU ni hai, ni kweli. Wengine walisomewa mistari katika biblia ikitamkwa ni wao na bado haijawa. Hii inakuonyesha vinywa vingi zaidi vya watumishi ni vinywa vya shetani na siyo vya MUNGU zaidi soma kitabu cha JINSI KANISA LILIVYOTEKWA NA SHETANI kilichoandikwa na Nabii Hebron na pia sikiliza YouTube za 2013-2014 nilielezea uchaguzi utakavyokuwa na kuhusu rais ajaye na jinsi watakavyoliwa pesa zao na jinsi watu wengi watakavyolia na imetokea ni sababu ya kupotezwa na baadhi ya kauli za viongozi vipofu na hiyo ni dalili hawaongozwi na MUNGU bali ni lusifa. Na hata kazi zao ni za kuua roho za watoto wa MUNGU wasiende mbinguni. Hivyo nyakati hizi ni mbaya utaweza ukaingizwa kwenye matatizo ya kukugarimu maisha yako kwa kuwasikiliza manabii wa uongo na unapowasikiliza pia tayari unakuwa unamsikiliza baba yao na ukikubali kuyafuata mambo yao tayari na wewe unanajisika, hivyo okoka, utubu ili upone.

BAADHI YA MAMBO YATAKAYOTOKEA KATIKA UONGOZI WA JOHN MAGUFULI KUANZIA 2015.

1.     Uchumi utainuka zaidi.

2.     Pesa ya Tanzania itapanda thamani na kuwa ya juu zaidi Afrika mashariki na baadaye itapanda hadhi kuingia katika historia ya pesa zenye thamani katika dunia hii.

3.     Walioibia nchi pesa au kuliingiza taifa katika hasara watafilisiwa na wengine watafungwa kifungo kirefu na wengine watafia gerezani kabla ya kumaliza kifungo chao, na baadaye wapo  ambao baada ya kuwafunga na kufilisiwa na serikali hii na rais huyu atawatoa gerezani kwa msamaha wake maalum na hii itakuwa ni fundisho kwa watanzania, wafanya kazi, viongozi wa juu katika nchi na wizara mbali mbali.

4.     Elimu na matibabu yatakuwa bure, unabii wa Nabii Hebron niliyotamka miaka mitatu iliyopita unatimia.

5.     Air Tanzania itakuwa na ndege zake zaidi ya tano very soon. Landing fee za ndege zitashuka bei, na ndege zitaongezeka nyingi sana za mataifa mengi.

6.     Wapo watanzania walitaka kuwekeza katika nchi hii mfano kununua ndege walinyimwa vibali  sasa watapewa  na hata katika transport watapewa tena bila kudaiwa wapewe share ndiyo wakubaliwe kuingiza vitu vyao kwa kuwekeza.

7.     Kesi za uwizi wa mali za serikali zitafufuliwa.

8.     Mikataba yote itapelekwa bungeni kujadiliwa upya na  sheria zitabadilishwa sana katika vipengele vingi ili nchi ifaidike.

9.     Viwanda kufufuliwa, viwanja vya ndege vya migodini vitafungwa.

10.                       Serikali kupunguza matumizi yasiyo ya lazima.

11.                       Bunge hili litakuwa moto zaidi la msimu uliyopita, na wabunge wengi hawatakubali miswaada isiyo na maana upitishwe na watafichue uovu zaidi. Na mengine mengi yatafanyika, nitaendelea kuyaandika kwa wakati wake na muda wake. Na amani ya Tanzania itaendelea kudumu zaidi na zaidi na hata wanaosema kutatokea vita nawaeleza hakuna vita itakayotokea ndani ya nchi, hayo ndiyo aliyonieleza MUNGU na mtayaona.

NOTE:

Yapo mengi aliyonieleza MUNGU na ni MUNGU mwenyewe ndiye atakayemwezesha na mtayaona kama nilivyoyatabiri yote ya nyuma mmeyaona na serikali itasafishwa katika vitengo vingi na atapewa mwongozo na MUNGU na siyo wachawi na wanajimu.

Nakusihi uokoke YESU anawapenda sana watu wote yeye siyo mwongo  ila wengi wameongozwa sala ya toba na Nabii wa uongo basi uelewe jina lako  lipo katika kitabu cha uzima wa shetani sasa tubu; Sema BWANA YESU naomba unisamehe dhambi zangu uniandike jina langu katika kitabu chako cha uzima wa milele wa mbinguni. Amen.

MUNGU IBARIKI TANZANIA NA AHADI ZAKO ZITIMIE KATIKA JINA LA YESU WA NAZARETI.

NABII HEBRON.